Lukas 2:13 - Allahri Yubu Nikne Wendogne (apna Samenagne pogtoba)13 Wene seog abeneko pere Allah arukna imagnang malaikat teng-tenga lo'om aro elap ma'aro lag taekti, Allah omeklamek. Allah omekto yubu lelamekti, Faic an caibideil |
Samenag tognoro wamogne wene Yesusag wana paliro winil dalamang nimi pere agha lag tangto palamla. Allahri yeng senelamog nena, “Nari Yesusag wana paliro winip tangtop nimi pere agha ulamneba, mema mikibari nimi salelamsiang nang imagnang taneko whingag lag tale andarina, na Allahri tam nia ni sembe wana hektopneag agha uanne el taukang,” sembaogti uaog.
Sik uro lelamap nena, Allahri senenne sunsunum uro ulamnepne sembe ambarelamsiap yubu nene samenag tognoro wamog. Tognoro wamog aghana, Yesusag lag taogpa, sik uro nubu sirik wamla. El poneko nimi saog uro lag taogpa, Allah Yame Walingeri, “El sikne,” aro lag nenelamogpa, Allah arukna imagnang malaikatti babe ibek. Nimiri el sembe yubu poa Yahudi sisa kom nimiag babe ambarel pihiek. Nimi mog so'oag nimi tala-tala wamangne agha el poneko sembe sikne aro seneraglamang. Samenag mog so'oag nimi saog uro wamog aghana, Allahri el poneko sembe, “Nimiri omeklamukang,” aro imag agha kiliro tobogpa, paliag wamla.
Sinag lag tangto yabiog nena, sindam nimi sembe yeptangto ambarelamsiek kom aghana, a'un nimi amik wamnep nimi yepto ambarelamsiek. Ambarelamsiekne uro yabiogpa, ambatsiek yubu eneko ora nimiri tipto yubu walinge neneko Allah Eldamne Yame Walinge imag agha pogto tatsiogne toman a'unag ambarelamsiek. Yubu walinge lomag wamlange sembe Allah arukna malaikatti babe, “Tam lelekto kemero el tahabe,” senelamang.
Neneko uro yabioba, nen ka'ebanongena, Allah arukna imagnang malaikatti teng-tenga maiknori yubu lelamonga ka'ebahino. Sin warekto sekong nena, nimi nubunge saelba uhiropne puka urobaap, lebe aroba tombare tanekoap, nimi nubunang yubu epto wenehirop nang tom tarabare tanekoap nusamag nembahiongdi, sin malaikat teng-tenga taneko warekto sekong.