Lukas 2:11 - Allahri Yubu Nikne Wendogne (apna Samenagne pogtoba)

¹¹ Ae sumene Daudti asag agha nengabo me nhon mangap tal. Mangap tal me eneko a'un mog so'oag nimi taulbahilul. A'un taulbahilulne poneko, ‘Nu Saelba Uhiropne Kristus,’ aropne wamla.

Lukas 2:11 Iomraidhean Croise

Matius 1:16

Yakub elme Yusup mangkaogpa, Maria ela'ange taog. Yusupti kel Maria kel enekori Yesus mangkaog. Yesus ponekona, “Kristus,” alamapne wamla.

Matius 1:21

Mariari me nhon nengabo me mangkalul. Me mangkaleba, nimiri mali-malia uropneag agha eldi sin taulbahilul. Ane sembe me eneko si, ‘Yesus,’ aro engkalulam,” seog.

Matius 16:16

Wene aro haibahiogpa, Simon Petrusti samoro lelamogti, “Anna, Allah kamag uropne ponekori Elme wamlam. Eldi an wepto pogkeogne Kristus wamlam,” seog.

Matius 16:20

Wene seogti, eldi yubu ka'ero neleptop nang iriklamsiogti, “Na sembe, ‘Allahri wepto poghol aogne Kristus wamla,’ aro nimi nhonag babe lag phoro ambatsiseng kom,” seog.

Lukas 1:43

Na nimi ologne wamnaba, nu Saelba Uhiropne ilin nanag yingkina kemelamnelam, te?

Lukas 1:69

Eldi samenag nimi mo kopto, ‘Nari yubu silimu tipto ambarelamsukang,’ aro wepsiog nang pere agha salag pibogti, sunsunum uro ulamla. Eldi salag pibogne sunsunum uro eldi arukna nunisag Daudti mangaroba agha, nimi mikipne nhon nu pelepto taulba uhinne elelepto kiliro sekililamla. Nimi eneko lag taleri, nimi nu sembe karong aro aisa nenep tangtop nimi nhinag agha nu pelepto taulbahilul.

Lukas 2:26

Allah Eldamne Yame Walingeri Simeon poneko wanaag ambareamog nena, “Imap so'oap Saelba Uhiropneri, ‘Nimi taluro saelbamsilul,’ aro wepto pogtopne Kristus poneko anam imna komagna tebalulam kom,” aro ambareamog.

Lukas 2:4

Palamekpa Yusup poneko babe, yubu sia leropne Daud ponekori nimi sisa liktoba wamog. Ane sembe, Yusup eldi as Nazaret, mog so'o Galilea lilobi agha ilisag Daud as Betlehem mangarobag, mog so'o Yudea palamog.

Yohanes 1:45

Filipusti Natanael ero ibogti, yubu ambarelamogti, “Nuri wene haiptaapne ponekona, Musari aruksirop yubu mome toro pibogneap, Allahri yubu silimu tiptop nangdi mome toro pibek yubuap abeneko toman, ‘Yalul,’ seekne poneko ibap. Elna Nazaretne Yusup elme si Yesus wamla,” seog.

Yohanes 11:27

Wene aro haibaogpa, Marta kel enekori, “Nai nu Saelbamsilamne, sikne leplam semban. Samenag agha nari seneraglamnonge, ‘An Kristus Allah Elme Allahri wepto pogkeogpa, an mog so'oag yingkiropne wamlam,’ aro seneraglamna,” seog.

Yohanes 20:31

Aghana ni ane momeag liro pimnange palilamne andarina, a'undi Yesus sembe, “El Allah Elme, Allahri wepto poghogne Kristus sik uro wamla,” aro seneraglamlulom. Mome ene palilamne andarina, elag sikne aro wana palilapmundi, el siag kekhaekto wapmunneag agha ya'ag kamag uro unne a'unag talul aro palilamna.

Yohanes 4:25

Yesusti wene seogpa, kel enekori el “Kristus” aro engeropne poneko sembe yubu lelamogti, “El Allahri, ‘Saelbahilul,’ aro wepto pognepne poneko amik yalula sembe na el wamna. El poneko yaleri, nia mangkina tibin nenero nu ambatsilul,” seog.

Yohanes 4:42

Elag wana palilamek nimi tanekori kel enekoag yubu lelamekti, “Nuri wene elag sikne aro wana palilamap nena, andi ambatsiomne ka'ebabonge sembe mo kom. Wenena nundam nimiri eldi ambatsirop yubu ka'ebapti, elna sik uro mog so'oag nimi taulba uhiropne poneko wamlange el wamap,” aro kel enekoag ambarek.

Yohanes 6:69

Nuri anag sikne aro wana paiamapti, an Allahri o'omne aro weptopne wamlam aro nu el uro wamap,” seog.

Yohanes 7:41

Nenneri yubu lelamekti, “El Kristus poneko yal,” alamek. Aghana nenneri samoro yubu lelamekti, “El Kristus poneko Galilea so'oag agha yanep te?

Pogsiog Nang 10:36

Petrusti nen tipto ambarelamsiogti, “Nangkabo, Yesus nia mangkina Saelba Uhiropne nu Israel nimiap nhon palamubu. El wepto poghol aogne Yesus Kristus pere agha Allahri Israel nimiag yubu ambarelamsiogpa, Yesusag uro yabiogne sembe a'un ni el wamlom. Yubu walinge ambatsiog nena Allahri, ‘Nanap nimiap ma'ap taukap,’ aro Yesus wepto poghog.

Pogsiog Nang 13:23

Daud poneko sembe Allahri, ‘Daudti mangaroba pere agha Israel nimi taulbahinepne nhon mangap talul,’ aro Allahri salag pibog. Salag pibogne poneko Yesus sembe lebog.

Pogsiog Nang 17:3

Wana heklamsiogti, Allah Yubu samenag mome toro pibek mome sangalamogti, Allahri wepto poghol aogne Kristus poneko sembe sin el nenero ambarelamsiog. Ambarelamsiog nena, “Allah Yubu samenag mome toro pibekne sunsunum uro Kristus poneko seklero tebanep taneogna, el teptop nimi anabiag agha kamag tanepneog wamla. Kristus ponekoag uro yabinepneog wamlange neneko Yesus ponekoag uro yabiogne sembe ambarelamsin,” aro lag nenero ambarelamsiog.

Pogsiog Nang 2:36

Nangkabo, ni ambatsin yubu ene ka'ebalomne a'un ekon uro wamnep kom. Yesus a'undi kalag sipto olobomne ponekona Allahri webogne Kristus wamla. Allahri elag, ‘Saelbamsululam,’ aro mikiba el saeag pibogne sembe a'un Israel nimi ni wana phende seneragna koma el uro wamlulom,” aro ambatsiog.

Pogsiog Nang 5:31

El poneko Allahri, ‘Israel nimiri malia seneragto ulamangne lipsiikpa, tam wailag nembanun,’ aro Yesus paliag nembao. ‘Nandamne sae sirik sip nimi nubunge sunsunum urobag wamlulam,’ aro Allahri paliag nembaoba, Yesus Allah sae sirik sip wamla. Allahri, ‘Israel nimi saelba uhiropne talulam,’ aro Yesus toro sekiro. Toro sekiroba, ‘Israel nimiri malia uroba sembe Allahri opsileag,’ aro Yesus nimi taulba uhiropne tao.

1 Korintus 15:47

El sam sumbaog nimina, Allahri mog so'oag sumbaog so'o olog tobogti, nimi sumbaog. El phendepne ponekona, imag agha kulukul aog.

Filipi 2:11

Nia mangkina wamlangeri, “Yesus Kristus nia mangkina Saelba Uhiropne wamla,” aro lag phoro lelamebenge toman Nuni Allah paliag nenero omeklamukap.

Filipi 3:8

Neabene aghabog kom aghana, samenag ulamsinge Allahri, “El yalul,” aro salag pibogne Kristus yanepne sembe nang-nangaro ulamsi. Nang-nangaro unulamsi aghana, “Yesus poneko el Kristus wamla,” aro el taneog kom. Ane sembe ni samenag ulamsinge neneri yepneog komdi, pham ti yaroba wamloa saog senelamna. Wali sirik phelektopne nhonogne anena, “Yesus sik uro Kristus wamla,” aro el taneoba, Yesus Kristus ponekori na saelbamnel. Nia mangkina sae limno andarina, Yesus Kristus nu Saelba Uhiropne ponekoap sae tiptangto wamnemeri,

Kolose 2:6

Nangkabo, a'undi nu Saelba Uhiropne Yesus Kristus yubu salero elag wana palilamlom saog uro nen tipto elap ma'ap tangto ul palamlulom. Elap nhon ma'ap tangkamlomne yareng so'oag pelengero mep tangkamloa saog talamlomne agha, elag pongkapmundi sekamlulom. Yesus yubu a'unag ambarelamsiang yubu sik senelamlomne nen mikip talamsileba, a'undi wanaag, “Naba naniong,” aro kiplapmunne magti siriro la'inirop saog uro a'undi wanaag agha la'imbalul. Undo unulapmundi, elap ma'ap tangto ul palamlulom.

1 Yohanes 4:14

Nuri haingdi ililamuburi, sik yubu tipto ambarelamsiap nena, Nuni Allahri Elme poghatsiog andarina, Elme ponekori nu mog so'oag nimi taulbahilul.

1 Yohanes 5:1

Nimi etneri Yesus sembe seneraglamlari, “Allahri wepto poghogne Kristus wamla,” aro elag wana palilamla tanena, Allahag agha mangap tangtop nimi wamla. Sunumnana, ili elme wamnaba, nimi etneri ili poneko o'ona sembamna tanena, elme babe o'ona semba urop.