Lukas 18:4 - Allahri Yubu Nikne Wendogne (apna Samenagne pogtoba)

⁴ Wene kaldam kel enekori, ‘Tam naringe kembamendi, yepto karebatnululam,’ aro molol alamog aghana, tam lelekto kemero kareptopne ponekori yepto karebarelamog kom. Tam karebarelamog kom aghana, el ponekori seneraghogti, ‘Nari Allah sembe log senero kiplamna komdi, nimi sembe teba'en senelamsin.

Lukas 18:4 Iomraidhean Croise

Lukas 12:17

Maulamogpa saeagha tupne ponekori wanaag agha seneraglamogti, ‘Meroba menekto poloro pairo anebag wene to'op tal. Wene huanun?’ sembaog.

Lukas 16:3

Wene seogpa, eldi aba saeagha o'oro paia ulamogne ponekori seneraghogti, ‘Yaghe, nari wene sa'a agha uanun? Nari nai saeagha ngainge ponekori, “An nen wamlulam kom,” senual. Wene seleri, na sae limnele tanena, na awe wel tonne nong mikip komdina, nimiag molom-molom ahinne babe na ali.

Lukas 18:2

Yesusti lelamogti, “As nhonag nimi nubunge tam lelekto kemel pina kareptopne nhon wamog. El tam kareptopne ponekori log semban koma nimi orange babe, Allah babe kipsirop kom.

Lukas 18:3

As anekoag babe kaldam kel nhon wamog. Kel enekori tam kareptop nimi enekoag sop-sop molol alamogti, ‘Nimi nhondi na aisa nenero malia uaneoba, tam nene kemero karebatnemenba, nanag sik uropne sunsunum uro lunuro tatnelul,’ aro molol alamog.

Lukas 20:13

Undo olamsiekpa, awe ngainge ponekori yubu lelamogti, ‘Nari wene sa'a uanun? Nari name o'ona semba ulamnange wanaag sirikne neneko pognun. Pogneba sindi seneraglamikti, “Awe ngainge ponekori me yal,” aro el kipnepneog wamla,’ sembaogti elme poghog.

Ibrani 12:9

Nu mog so'oag nimiri ul palamapne sunsunum uro naiyabo nangdi nu el nenero wenelamsiangba, sin kiplamsiap. Undop pagha tanena, Nuni nuri wana saelbamsilne poneko umag nenep tanepneog wamap. El umag nenel dalameberi, kamag wamukap.