Lukas 17:7 - Allahri Yubu Nikne Wendogne (apna Samenagne pogtoba)

⁷ Nari a'unag, ‘Ulamlulom,’ aro ambatsinne sembe sunumna sumbatsinun. A'un tane wamlomne agha nhondinge arukna nhon awe wenne to, pham domba paia uhinne to nhon wamnep. Arukna aneko aweag agha to, pham domba paia urobag agha to yalamsoba, iliri elag, ‘Nangkae, pulaeri kwaneng abene telame,’ alamso kom.

Lukas 17:7 Iomraidhean Croise

Matius 12:11

Wene aro haibaekpa, Yesusti sinag yubu lelamogti, “A'un wamlom nimi agha Sabat sum tektek papto wamnep aghana, a'undi mo'osirop pham domba nhon selenga nubungeag eba timbanep. Selengaag timbaho tanena, a'undi peket sum eneko babe pham domba aneko selenga anekoag agha kiliro lambitnep kom te?

Lukas 13:15

Wene seogne sembe nu Saelba Uhiropne Yesusti nimi enekoag samoro, “A'unna, ‘Wali sembanukang,’ aro lero urop nimi wamlom! A'undam nimiri tektek paptop sum Sabat sum agha a'undi pham sapiap keledaiap a'ero-a'ero leka lomag agha, ‘Mag tukang,’ aro poa la'anilamsilomba, mag telamang te?

Lukas 14:5

Nimi enekoag wene, “Wali pululam,” seogpa piogpa, Yesusti nimi wamek nimi tanekoag hailamsiogti, “A'un wamlom nimi agha Sabat sum tektek papto wamnep aghana, a'undi mabo to, a'undi pham sapi to mag so'o lom walirobag eba timbanep. So'o lomag timbaho tanena, a'undi peket sum eneko babe a'undi me to, a'undi pham to sae kiliro lambitnep kom te?” aro haibahiog.

Lukas 17:6

Wene seekpa, nu Saelba Uhiropne Yesusti, “A'undi Allahag sikne aro wana paliropne o'ongkom sirik wamla. Kwarang si babe o'ongkomne wamla aghana, a'undi nen ma'aro Allahag sikne aro wana palilamsomdi, kwarang si saog taho tanena, a'undi sa'a-sa'a, ‘Uro yaboho,’ senelapmunneag agha nia ni uro yabinep. A'undi wana undo sikne aro Allahag wana palilapmunneag agha kal yareng so'oag meptangtop kal aneag lelapmundi, ‘Telbom agha lepmendi, mag laut nubu uro longorop maghag meltal pululam,’ semun tanena, sik uro kal aneko telbom agha mag nubu uro longorop maghag meltal pinep.

Lukas 17:8

Wene, ‘Pulaeri kwaneng telame,’ sen koma iliri arukna anekoag, ‘Na kwaneng tenunne wero yobatnemendi, andamne mag a'alep tangto ag walinge wangkamendi, nari kwaneng maghap tenunne payalulam. Nari yubu lemnenge sembe peramag nang-nangaro sekapmenba, kwaneng mag tene taneogna, anna amik tululam,’ senep.

Lukas 17:26

Na mog so'oag nimi tahinge nen samoro yane sum eneko, samenag Nuh poneko wamog ko'oag wamek nimiri ulamek saog uro sin amik wamukang nimiri babe ul palamukang. Nuh wamog ko'oag wamek nimiri Allah sembe semban koma kwaneng mag tenne aghabog seneraglamekti, kabuniri kelabo tol pang, kelabori kabuni tohin ulamek. Undo unulamekpa, Nuh poneko kabongag wa'iogpa, sin unulamek nimi taneko magti sin nhin opsiog. Ane saog uro sin amik nimiri Allah sembe semban koma ul palamikpa, samoro yanun.