Lukas 17:4 - Allahri Yubu Nikne Wendogne (apna Samenagne pogtoba)

⁴ Ankae anekori anag ik saekpare babe ni nik sum tam malinge ulamle agha anag ik saekpare yingkina, ‘Nangkae malia seneragto ulamnonge neneko limna,’ aro yalamle tanena, elag wana mali pimna koma eldi ulamlea tam wailag nenelamlulom,” aro Yesusti eldi yubu ka'ero neleptop nimiag ambatsiog.

Lukas 17:4 Iomraidhean Croise

Matius 18:16

Andi yubu ka'ebale kom tanena, nen nimi nhon to, phende to el whingag payamendi, ankaeri anag malia uroba sembe sin whingag agha nen ambatlulam. Samenag Musari, ‘Nimi phende wilindi wamnari, “Undo-undo imno,” aro saekag yubu lerop tanena, sik sembanep,’ aro mome toro pibog. Ane sembe, nimi nhon to phende to payamenne whingag agha lelapmun tanena, Musari aruksirop yubu neneko sunsunum uro uro yabinep.

Matius 18:35

Ane saog uro Nani Imagneri a'unag uahinepne wamla. A'unkabori a'unag malia uroba wanaag agha tam wailag nembamun kom tanena, Nani Imagneri a'unag babe sunsunum uro uahilul,” aro Yesusti ambatsiog.

Matius 5:44

Aghana wene nari a'unag yubu ambarelamsin nena, aisa nimi sembe o'ona senelamsululom. Sindi a'un, ‘Seklebaik,’ aro ulamsiik nimi sembe Allahag molona molbarelamsululom.

Matius 6:12

Nimiri malia ulamangne sembe nunag lumbanepneog wamlange nuri sae lilobi agha tam wailag nenelamsiap saog uro, nuri malia uropne sembe anag lunuro tatkenepneog wamlange babe tam wailag nembatsululam.

Lukas 17:5

Wene aro ambatsiogpa, Yesusti wepto pogsiog nang tanekori nu Saelba Uhiropne Yesusag yubu lelamekti, “Nai, nu yepsimen andarina, anag wana paliro sol wali uro ulamukap,” aro wene seek.

Roma 12:20

A'undam nimiri samoro malinge lumbaheng kom aghana, Allah Yubuag mome toro pairopne sunsunum uro, “Anap aisa nenep tangtop nimi nhon kwaneng yo ulamle tanena, kwaneng tatlulam. Mag yo uale tanena, mag tebatlulam. Anap aisa nenep tangtop nimiag walinge ulapmenne pere agha, eldi usoghag ali nenep tangtoba loloro paliropne elag talul,” aro mome toro pibog.