Lukas 17:3 - Allahri Yubu Nikne Wendogne (apna Samenagne pogtoba)

³ Ane sembe a'undam nimiri, ‘Nimi ekel ina pabahibeag,’ aro yae togtangkamlulom. Abeneog kom aghana, ankaeri tam malinge ulamle tanena, nimi eneko wenelamlulam. Ankae anekori malia seneragto ulamlenge liple tanena, elag wana yo pimna koma tam wailag nembalulam.

Lukas 17:3 Iomraidhean Croise

Matius 18:21

Petrus Yesusag yaogti hailamogti, “Nai, nu Saelbamsilamne. Nangkae nhondi nanag malia ulamnaba, ik etpare nari tam wailag nembanep? Ik saekpare malia ulamneleba, tam ni saekpare taneko nari wailag nembane tanena, wali te?” aro haibaog.

Lukas 21:34

Yesusti nen tipto wenero ambarelamsiogti, “Na amik yanunne a'un tibogto yae up tangkamlulom. Na amik yanenge sembe a'un wali uro yae paip tangkapmun kom tanena, selbelag wa'iloa saog uro wa'inep. A'undam nimiri yae togtangto wamlulom nena, ‘Mag yonge tero nenek salehirop nimiap, wana ophag aro wana phende nenep tangtop nimiap saog tabeag,’ aro a'un togtangto wapmundi, yae paip tangkamlulom. Na lo'om aro yalamne sum eneko selbeldi lo'om aro noropsirop saog uro nimi mog so'oag urop nimiri kekneba kemban koma ekon wamik sum eneko yanun. Ane sembe yae paip tangkapmundi,

Efesus 5:15

Nari lemnange nenena, wene wamap ko'o eneag wamang nimiri malia maikno ulamang ane sembe, “Limituk uro ulamebeag,” aro wali uro yae togtangto wamlulom. A'unag pa'asea olog wamsileba, wana hekahilneag agha walinge mo saelba ul palamlulom.

Ibrani 12:15

Allahri nimiag wana yororo tatsiogne nimi niag tanep aghana, a'un nimi nhondi babe sae tomna koma lipleagti, a'undam nimi yae up tangkamlulom. Nimi nhon wana maliri, meso pungkanepne yareng selelep aro pongkanep saog uro nubu tangto pongkanep. Pongkaleri nimi maikno wanaag sembenga pimnep ane sembe, nimi nepsileag aro yae up tangkamlulom.

Yakobus 5:19

Nangkabo, a'un nimi nhondi sik senenne lilobi agha ekel ina palamnep aghana, yog nimi nhondi nimi eneko samoro ina walinge toman payanep tanena, el wali nembanep. Tam nene sembe el uro wamlulom. Nimi etneri ekel ina pirop nimi samoro ina walinge toman payanep tanena, malia urop nimi payale nimi eneko tebanepneag agha taulbaleri, malia uroba maikno nikniro luplul.

2 Yohanes 1:8

A'undam nimi yae up tangkapmun andarina, a'un sembe awe tol tongolamobonge neneko loba nembalulom kom. Loba nemban koma yae up tangkapmun andarina, kamna ni a'unag tanepne neneko toplulom.