Lukas 16:9 - Allahri Yubu Nikne Wendogne (apna Samenagne pogtoba)

⁹ Abene agha nari a'unag wenero ambarelamsin nena, mog so'oag wana sengkwanektop nimi tup nenep tangtoba taneko a'un saeag wamla tanena a'undi, ‘Nangkabo nanag taukang,’ aro ulapmun andarina, ni mog so'oag wali-waliaba orog tanep sum eneko ya'ag uropne ponekori a'un lunuro eldi ua urobag ya'ag uro toro pipsilul.

Lukas 16:9 Iomraidhean Croise

Matius 19:21

Wene aro haibaogpa, Yesusti samoro kabuni enekoag, “An, ‘Ni wali uro uitnun,’ senelapmen tanena, pimendi andi saeagha wamlange nimiag kamna kapto topmendi, kamna tatkeikne nimi saeagha orogne tatsululam. Undo tatsimen tanena, tup nenep taneba maikno Imagne ponekori whingag an sembe polop talul. Tatsimenba samoro nanag yamendi, nanag yubu ka'ero neleplamnululam,” aro ambarog.

Matius 6:19

Nen tipto yubu ambarelamsiogti, “A'un mog so'oag tup nenep taneba poloro winilapmunag aneko, nhon mut kulupto loba tanepba, nhon nabolongdi wa'ina tero uanepba, nhon haogha nimiri ae kwerekto haogha tomnep. Ane sembe a'undam nimi mog so'oag tup nenep taneba poloro winilamseng kom.

Matius 6:24

Nen tipto yubu lelamogti, “Nimi nhondi iliri awe tolamna tanena, eldi nik sum ili phendepneri yubu babe nelebahinep kom. Ili yabo ni phenderi yubu nik sum neleplamsiso tanena, nimi enekori, ‘Etne agha yepnun,’ aro ili nhon wanaag o'ona sembanepti, nhon karong sembanep. Awe nhondinge teba'en sembandi, awe nhondinge sol wali uro tomnep. Ane saog uro, a'undi mog so'oag tup nenep tangtoba sarekerepto neleplapmun tanena, Allahri awe tomnep kom.

Lukas 11:41

Ane sembe, a'undi wanaag agha kulomag yareag senelamsimundi, saeagha orog nimiag tarelamsimun tanena, kulomag sip babe konag sip babe ni phende Allah whingag wali uro a'elerop talul.

Lukas 12:33

A'undi tup nenep taneba poloro palilamlomne ni pipmunag taneko sembe sop-sop wanaag, ‘Wela wamla?’ aro seneragtop. Ane sembe a'undinge nia mangkina saeagha wamlange kamna kapto topmundi, kamna kaptoba aneko nimi saeagha orog nimiag tatsululom. A'undi nia mangkina saeag wamlange sae lilobi agha, a'undam nimi amik wali wamnepne sembe wali-waliaba Allah imagne poneko whingag poloro palilamlulom. Undo unulapmun tanena, a'undi poloro palilapmunne neneko loba talul kom. Allah whingag palilapmun tanena, orog tan koma ya'ag wamleba, haogha torop nimiri babe wa'inep komag aneko nabolongdi wa'ina telul kom,” aro Yesusti ambatsiog.

Lukas 14:14

Andi sin nimi undop nimiag walia ulamsimenne sindi anag nen lumbanep kom saog wamik aghana, andi sinag uamenne sembe Allahri anag walia uagheleba, wali wamlulam. Andi uamenne lunurop saogne neneko Allahri nimi sik nimi kamag nenelamsile sum eneko kamna tatkelul,” aro Yesusti ae ngainge ambarog.

Lukas 16:11

Ane sembe mog so'oag uroba a'undi saeag pairopne tup nenep tangtoba a'undi sik uro sol wali uro saelbamnep kom tanena, Allahri tup nenep tangtoba taptopne neneko a'undi saeag piplul kom.

Lukas 16:13

Nimi nhon arukna wamnari, iliri awe tolamna tanena, eldi nik sum ili phendepneri yubu babe nelebahinep kom. Ili yabo ni phenderi yubu nik sum neleplamsiso tanena, nimi enekori, ‘Etne agha yepnun,’ aro ili nhon wanaag o'ona sembanepti, nhon karong sembanep. Awe nhondinge teba'en sembandi, awe nhondinge sol wali uro tomnep. Ane saog uro, a'undi mog so'oag tup nenep tangtoba sarekerepto neleplapmun tanena, Allahri awe tomnep kom,” aro Yesusti eldi yubu ka'ero neleptop nimiag ambatsiog.

Lukas 16:4

Ane sembe wene nari uanunne el tan. Nari uahisene andarina, na naniri nanag, “O'oro paia ualulam kom,” aro sae komopto lambitnele tanena, nangkabo maikno wamikari na sindi aeag toro pimnukang,’ sembaog.

Pogsiog Nang 10:31

Sekamori nanag yubu lelamori, ‘Kornelius, andi nimi saeagha orogne yeplamsilamdi, molona mololamlamne Allahri ka'elamlari wamla.

Pogsiog Nang 10:4

“Kornelius,” seogpa Korneliusti ibogti logti, “Nai, anna tane sa'a sembe yalamdi,” seog. Wene seogpa, Allah arukna imagne malaikat anekori, “Andi Allahag molona mololamlamne Allahri ka'elamlaba, andi nimi saeagha orogne yeplamsilamne babe Allahri iangkeldi tiplengkangkel. Ni ulamlamne sembe Allahri kembangkeldi, ‘Walia aghabog na sembe ulamla,’ senelamla.

2 Korintus 4:17

Nu wene seklenne olog ikinne sesog sembe seklelamapne neneri nu paliag nenero kibiang towalengeroba nubu sirikne phelektopne nunag poa yalamsil. Kibiang towalengeroba nubu sirikne phelektopne nunag tanepne eneko ya'ag uropne wamla ane sembe, nu wene ikinne sesog seklelamapne neneko mo keyagman uro sekleropne agha senelamap.

Yudas 1:21

Allahri o'ona senelamsilneag meptangto wapmundi, yae paip tangkamlulom. A'undi nang-nangkamlulom nena, “Nu Saelba Uhiropne Yesus Kristus ponekori nu yareag senelamsildi, nu elap nhon ya'ag kamag uro wamnebag pabahilul,” aro nang-nangaro wamlulom.