Lukas 16:3 - Allahri Yubu Nikne Wendogne (apna Samenagne pogtoba)

³ Wene seogpa, eldi aba saeagha o'oro paia ulamogne ponekori seneraghogti, ‘Yaghe, nari wene sa'a agha uanun? Nari nai saeagha ngainge ponekori, “An nen wamlulam kom,” senual. Wene seleri, na sae limnele tanena, na awe wel tonne nong mikip komdina, nimiag molom-molom ahinne babe na ali.

Lukas 16:3 Iomraidhean Croise

Matius 20:8

Wel piekpa, sin awe welamek nimi yae paia uhiropne nhon wamog. Imbaogpa awe ngainge ponekori yae paia uhiropne ponekoag yubu lelamogti, ‘Awe tolamang nimi yopsululam. Amik arukahinba webang nimiag agha alniro kamna tarelamsimendi, samen arukahinba webang nimiag tatto komobahilulam,’ aro ambarog.

Markus 10:46

Yerusalem inaag palamekti, as Yerikho yaek. Yaekti Yesusap eldi yubu ka'ero neleptop nangap as Yerikho phibom agha lanalamekpa, as aneko nimi maikno babe elag nelepto nhon palamek. Palamekpa nimi haing uropne nhon ina abolag puka mololamsiog. “Yepto tatnululom,” aro mololamsiogne poneko sina Bartimeus ponekori mololamsiog.

Lukas 12:17

Maulamogpa saeagha tupne ponekori wanaag agha seneraglamogti, ‘Meroba menekto poloro pairo anebag wene to'op tal. Wene huanun?’ sembaog.

Lukas 16:2

Wene alameka ka'ebaogti, eldi aba saeagha o'oro paia ulamogne poneko yobogti hailamogti, ‘Nimiri yubu lelamongdi, nari andi saeag pimnonge, “Salik-malik uro orog nenelamla,” alamongba ka'ebanonge nene sik te?’ aro haibaog. Wene aro haibaogti, ‘Andi nari aba saeagha o'oro paia uro kareploroba mome toro palilamlamne neneko a'iliro mome toatnemendi, lambamendi naringe saeagha paia unne wamlulam kom,’ aro ili ponekori wene seog.

Lukas 16:20

Yeng sirik uro ua ulamog aghana, nimi nubunge ponekori ae aram ina siramag aneko nimi nhon saeagha orogne si Lazarus, ‘Nimiag mololamsilul,’ aro nimiri pail palamekpa, meneng sisua kundiktopne wamog. Saeagha orogne poneko eldi konag sorogti seklero

Lukas 16:22

Undo wamogti, saeagha orog nimi eneko tebaog. Tebaogpa Allah arukna imagnang malaikatti yingkina poa lebekti, nunisag Abraham imag wamoghag el kipto sombanebag poa piek. Poa piekpa, amik sum saeagha tupne nimi nubunge poneko babe tebaogpa, so'oag sikek.

Lukas 16:4

Ane sembe wene nari uanunne el tan. Nari uahisene andarina, na naniri nanag, “O'oro paia ualulam kom,” aro sae komopto lambitnele tanena, nangkabo maikno wamikari na sindi aeag toro pimnukang,’ sembaog.

Lukas 18:4

Wene kaldam kel enekori, ‘Tam naringe kembamendi, yepto karebatnululam,’ aro molol alamog aghana, tam lelekto kemero kareptopne ponekori yepto karebarelamog kom. Tam karebarelamog kom aghana, el ponekori seneraghogti, ‘Nari Allah sembe log senero kiplamna komdi, nimi sembe teba'en senelamsin.

Yohanes 9:8

Samenag nimi eneko saeagha orog lelem nimiag mololamsiogpa, el peramag ua ulamek nimiap yog nimiapti ililamekti, el uro wamek. Wene wali taog nimi eneko samoro yaogpa, ibekti sin nimi taneko mamun hail dalamekti, “Nimi enekona, samenag puka mololamsio nimi eneko kom te?” alamek.

Pogsiog Nang 3:2

Walero palamdekpa, nimi nhon yan malia mangkaekpa, elkabori sop-sop keyapto pail pang, yang pang ulamek saog uro sumene babe pail piek. Nimi yan malinge eneko, “‘Allahri Mem Ae aramag yubu lebukap,’ aro wa'ilamik nimiri saeag wamlea molbahilul,” aro leka Allahri Mem Ae aramag kanero toropne ina siramag pail palamek. Pail palamek ina siram neneko si, “Ina Siram Walinge,” nenekoag elkabori pail palamek.

Pogsiog Nang 9:6

Andi na malia ulamnelam aghana, wenena sekmendi, as Damsyik pululam. Pimendi wapmenba, andi ulamlulamne nimiri ambatkelul,” seog.

2 Tesalonika 3:11

Nuri samenag, “Awe weroan kom nimiri kwaneng telamlul kom,” aro karepto pibubu aghana, wene ka'elamapba, a'un anabiag agha nimi etpare wamangdi, awe weroan koma ambengka uro wamang. Nimiri lelamang nena, “Toro kokto ulamangdi, sa'a-sa'a uan koma ulamang aghana, ora nimiri tam ua ulamla tanena, urukag wa'ina salel wa'alamang,” alamangpa ka'elamap.