Lukas 15:6 - Allahri Yubu Nikne Wendogne (apna Samenagne pogtoba)

⁶ Poro agha aeag payaleri, eldi elkabo eldi ae peramag nimi yopsileri ambarelamsileri, ‘Pham domba naringe ka'eseptangtopne neneko elamnari imna ane sembe, nu awi senelamukap,’ selul.

Lukas 15:6 Iomraidhean Croise

Lukas 1:58

Elisabetti me mangaro aogne sembe ae peram wamek nimiap, eldi nimiapti ka'ebaekti, “Nu Saelba Uhiropne ponekori Elisabet sembe yareag sembaori yebo,” aro sinap Elisabetapti awi sembaek.

Lukas 15:10

Nari lemnange sembe ambatnuahin. Ane saog uro nimi nhon mali-malia ulamlea agha, ‘Malia seneragto ulamnange sae limneri, Allahri senenne saelbaneri uanun,’ aro samoro yale nimi eneko sembe Allah awi sirikti, el arukna imagnang malaikat whingag lolo'obalul,” aro Yesusti ambatsiog.

Lukas 15:24

Nari me ane tebalonge saog uro wamori, ka'eseptao aghana, wene lag nenep taldi, nanag samoro kamag tangka yaloa saog ual,’ aro sani yoro tero yenga ulamek.

Lukas 15:5

Pham domba ka'eseptanep pham aneko elamleri, iple tanena, eldamne poneko awiri, sa'oag sa'oro poro agha aeag payalul.

Lukas 15:7

Nari lemnange sembe ambatnuahin. A'undi pham domba iroanepne sembe awi sembanep aghana, nimi ka'eseptangtop nimi iroanepne sembe Allah imag ua urobag aneko imagnangdi awi senelamang. Wana porog nimina, sindi malia seneragto uan koma walingeog ulamnep tanena, malia senenne limnaba wamnep kom nimi taneko sembe imagnangdi awi senelamsinep. Undop nimi teng wilindi epto phendeba tarabare wamnep nimi sembe awi senelamsinep aghana, Allahap imagnangap sin ni awi sirik uahinepne nhon wamla. Nimi nhondi babe mali-malia ulamlea agha, ‘Malia seneragto ulamnange sae limneri, Allahri senenne saelbaneri uanun,’ aro samoro yale nimi eneko sembe awi sirik uahilul,” aro Yesusti parog-parog alamek nimi tanekoag ambatsiog.

Yohanes 15:14

A'undi nari aruksirop yubu ambarelamsinne saelba ulapmun tanena, a'unna na nangkabo wamlomne lag tangto yabalamlul.

Yohanes 3:29

Elap nanapna, kelabo toro anep nengabo nhonap elkaeap saog wamnam. Nengabo kelabo tol tolamna tanena, kel eneko ot el toro alenge ponekoringe mo tanep. Kelabo toro anep nimi elkaena, kelabo toro alenge poneko yubu leplenge sembe nang-nangaro ka'eamnep. Kelabo toplenge ponekori yubu lilim ka'ebi agha elkae ponekori awi maikno sembanep. Ane saog uro nimi elap ma'ap tanepne sembe awi maikno nari wanaag teknero uaneoba wamna.

Pogsiog Nang 11:23

Barnabas ponekoag Allah Eldamne Yame Walinge wa'ina teknero ua ulamogpa, Barnabasti Yesusag sikne aro wana to'opto palilamogti, walia aghabog ulamog. As Yerusalem nimiri Barnabas poghekpa, as Antiokhia piogti kemelamsiogpa, Allahri sinag wana yororo walia tarelamsiogne ibogti, Barnabas awi sembaog. Awi sembaogti wenelamsiogti, “Wene Yesusag wana seneraglamlomne nene wali. Wana phende seneragna koma, nu Saelba Uhiropne ponekoag sikne aro wana to'opto palilamlulom,” aro wembahiog. Barnabasti Antiokhia nimi wana wali uro wenelamsiogpa, nimi maiknori malia seneragto ulamekne lipsiekti, nu Saelba Uhiropne Yesusag sikne aro seneraglamek nimi maikno tangto palamog.

Pogsiog Nang 15:3

Yesusag seneragto winil dalamek nimi tanekori wene aro pogsiekpa, Paulusap, Barnabasap, sikinkabo nikag palamek nang tanekoap as Antiokhia agha lambaekti, Fenisia so'o ina agha Samaria so'o ina agha palamek. Sin palamek abeneko pere nimi so'o anekoag wamek nimiag tibin uro el nenelamsirekti, “Yahudi sisa kom nimiri malia seneragto ulamangne laplobi agha Allahri senenne salero ul palamang,” aro ambare-ambare palamsiek. Yahudi sisa kom nimiag uro yabalamogne sembe ambare-ambare palamsiekpa, sikinkabo Yesusag sikne aro seneragtop nimi ina palamekag wamekne ka'ebaekti, awi maikno senelamek.

Filipi 1:4

Nari a'un nhin sembe sop-sop Allahag molbarelamsindi, molona ni wana yengag agha a'un sembe molona molbarelamsin.

Filipi 2:17

Nari awe wel tongolamnange pere agha a'undi Yesusag sikne aro wana palilamlom. Ane sembe nari, “Allah sembe nhon tarelahane,” senelamnangena, Allah sembe awe wel tongolamnoba, a'undi sik senelamlomne neneko Allah whingag kipto palilamna. Na nimi sisa Yahudi nimiri, “Allah sembe pham domba aukag tabukap,” aro palilamangdi, pham domba oropne nong alibag anggur lolterop mag ikto Allah kiplamang. Undo saog uro nari a'un yepto yubu ambatto tongolamsinne sembe nimiri ya'ag omneika babe, “Nari eneng Allah sembe iknun,” aro wana awi uro tarelamna. A'unap nanap nhon Allah kipto palilamapne sembe nikag awi senelamukap.

Filipi 4:1

Nangkabo, a'un Yesusag wana palirop nimi nari o'ona sembamsin nimi wamlomne nari wanaag, “A'unap sik uro haiptahabe,” aro yeng uro senelamsin. A'unna na sembe, nari kilim weanga ambatto tongolamnonge sembe kwiria usoghag elektoba kiptopne nubunge nanag tatnelonga saog uro wamlom. Nangkabo a'un nari wanaag wamlom nimi sembe wana awi maikno ulamnel. Ni yubu nu Saelba Uhiropne sembe ambatsin yubu eneko seneraglapmundi, wana khapto wamlulom.

1 Tesalonika 2:19

A'un sik uro, “Kemelahukap,” senelamap nena, Yesus nu saelba uhiropne poneko yalamle sum eneko nuri a'un sembe, “Wana yeng uro wamukap,” aro nang-nangaro tilamap. Nuri kilim weanga ambatto tongoropne sembe kwiria usoghag elektoba kiptopne nubunge nunag tatsiloa saog uro a'un wamlom.

1 Petrus 2:10

Samenag a'un nikag ma'ap tanep nimi wamlum kom aghana, wene Allahri ma'asin nimi taom. Samenag eldi yareag senehinne a'un ekon aghana, wene a'un yareag senehinneag agha yepsiog.

1 Petrus 2:25

A'un wamlum nena, pham domba ekel ina yabiropne saog uro wamlum aghana, wene pham domba paia uropneri a'un nong ningki paia ulamsilne ponekoag samoro yaomdi wamlom.