Lukas 15:5 - Allahri Yubu Nikne Wendogne (apna Samenagne pogtoba)

⁵ Pham domba ka'eseptanep pham aneko elamleri, iple tanena, eldamne poneko awiri, sa'oag sa'oro poro agha aeag payalul.

Lukas 15:5 Iomraidhean Croise

Lukas 15:32

Aghana wenena, awi toro ulamapne ane sunsunum uro ulamap. Anipsae eneko nimi tebalonge saog uro ka'eseptao agha, kamag tangka yaloa saog ual. Ane sembe sumene sani yoro tero awi uro wamukap,’ seogti iliri elme olnobaog,” aro Yesusti likiptop yubu tol pina ambatsiog.

Lukas 15:4

“A'un nimi nhondinge pham domba teng tombare saog wamseng agha nhon ka'eseptan tanena, a'undi huanep? Pham domba ngainge ponekori pham domba teng wilindiap epto phendeba tarabareap taneko paiag maneng telamikag laplopsileri, ‘Ka'eseptan pham aneko ebanun,’ aro pinepneog wamla te? Sik uro elamlea kekman iplul.

Lukas 15:6

Poro agha aeag payaleri, eldi elkabo eldi ae peramag nimi yopsileri ambarelamsileri, ‘Pham domba naringe ka'eseptangtopne neneko elamnari imna ane sembe, nu awi senelamukap,’ selul.

Lukas 19:9

Wene seogpa, Yesusti nimi tanekoag, “Nunisag Abraham samenag wamogti ulamog saog uro ae ene ngainge poneko babe nelepto uropne wamla. Na mog so'oag nimi tangtopne yahingena, ‘Nimi ka'eseptangtop nimi ebahineri, wali nenero taulbahinun,’ aro yahi. Nunisag Abrahamdi samenag ulamog saog uro, wamap ae ene ngaingeri babe elag nelepto ual ane sembe, sumene Allahri nimi taluro saelbahinepne ae lom aneag keknep tal,” seog.

Lukas 23:43

Wene seogpa Yesusti, “Anag yubu sikne agha ambatnuaghen! Sumene agha olog usa anap nanap Allahri mog so'o walingeag nikag wamnunam,” seog.

Yohanes 15:11

Ni aneko nari a'un ambarelamsin andarina, na awi ulamnelne neneko a'unag wamleba, a'undi wanaag awi uahinepne neneko a'unag teknero wamlul.

Efesus 2:10

Nundam nimi omektangto wamnep kom nena, Allahri nu taulbahiogti, “Wali-walia ulamukang,” aro nu wendog nimi nembahiogti, Kristus Yesusap ma'ap tangtop nimi sumbahiog nimi wamap. Samenag agha Allahrina, “Nari taulbahinun nimi tanekori wali-walia aghabog ulamukang,” aro wero pibogti, nu taulbahiog.

Efesus 3:7

Yubu walinge neneko nari ambatto tongolamsin nena, Allahri wana nanag yorolamnelneag agha el mikipne na nongag pibogti, “Na mikipne pere agha ambatto yebel phululam,” aro awe tatneog.

1 Tesalonika 1:5

Nunna, “Allahri sik uro a'un wepsiog,” aro el wamap nena, nuri a'unag Allah yubu walinge Yesus sembe ambarelamsiap yubuna, yubu leropne toman mo ambarelamsiap kom aghana, wanaag to'opto sik senelamapti, Allah Eldamne Yame Walingeri mikipne nu pere agha ulamlange toman ambarelamsiap. El Yame Walingeri mikipne nu pere agha ulamog ane sembe, Allahri a'un sik uro wepsiog aro el wamap. Nu a'un anabiag wamobori, a'un sembe ulamobonge a'un ni el wamlom.

2 Timotius 2:26

Yesus yubu ambatsiropneag yubu torapto lero urop nimi tanekona, phia sikini nubungeri wana toro sae kiliro sae kaubamsindi, “Undo-undo ulamukang,” senenne sunsunum uro ul pirop nimi mo wamnep. Sin nimi taneko sembe nu Saelba Uhiropneri arukna nhondi senelamnep nena, “El nenelamsineba, el taikpa, phia sikini nubunge nenekori selbel weamsinag agha sae loptangka wamukang,” senelamsinep. Undo senelamsileri, waptangto koma win-win aro wenero el nenelamsilul.

Ibrani 12:2

Nu Allahag sikne aro wana palirop nimi sembe Yesusti alniro ina yarebatsiogne wamlari, ni komopto sunsunup taogne wamla. Eldi wana amik yeng uanepne tiro wana khabamogpa, el kalag sipto ali nenelamekne sembe log kom uro, “Na luknubanep kom,” aro seneraghogti tebaog. Tebaog aghana kamag taogti, Allahri saelba uhiro puka urobag sae sirik sip pulingkiog. Ane sembe yogne kemban koma nuri elag mo tilamukap.

1 Petrus 1:5

A'undi elag sikne aro wana palilamlomne toman agha Allahringe mikipne enekori a'un yae paiamsil andarina, eldi wero paia ulamlari, wali nembahineba komoptop sum lag nembatsilul.