Lukas 15:2 - Allahri Yubu Nikne Wendogne (apna Samenagne pogtoba)

² Yingkina Yesusti yubu ka'elamekti, Farisi nimiap, Musari yubu amohirop nimiapti kembahiekti, parog-parog alamek. Parog-parogha yubu lelamekti, “Nimi eneri nimi malia urop nimi tane, ‘Nangkae,’ aro tolamsildi, kwaneng nhon nikag telamang,” aro parog-parog alamek.

Lukas 15:2 Iomraidhean Croise

Matius 11:19

Na Yesus mog so'oag nimi tahingena, kwaneng mag tero yalamsi aghana, nimi tanekori yubu lelamangdi, ‘Kembahut! Elna kwaneng kolag linne wamlari, mag yongeri wana toropne wamla. Elna Roma nimi sembe kamna poloro torop nangap, malia urop nimiap sikinkae wamla,’ aro waro lelamang. Waro lelamang aghana, wana hektop nimiri ul piropne kembandi, el tanep nena, ‘Wana heksiropne ponekori senenne sikne aghabog wamla,’ aro el tanep,” aro Yesusti ambatsiog.

Matius 9:11

Kwaneng nhon telamekpa, Farisi nimiri kemelamsiekti, “Mali,” aro Yesus yubu ka'ero neleptop nangag hail ahiek. Sinag hailamsiekti, “Sa'a sembe a'unag yubu amohiropne ponekori Roma nimi sembe kamna poloro torop nimiap, nimi malia urop nimi taneap tolamsildi, kwaneng nikag telamang?” aro haibahiek.

Lukas 15:3

Parog-parog alamekne sembe Yesusti likiptop yubu sunumna nhon tol pina ambarelamsiogti,

Lukas 19:7

Eldi aeag enero poa wa'alamogpa, nimi wamek nimi tanekori, “El Yesusna sa'a sembe malia aghabog ulamla nimi enekori aeag wa'al pil?” aro parog-parog alamek.

Lukas 5:30

Kwaneng nhon nikag telamekpa, Farisi nimi etpareap, sindi seneragna nhon seneraglamek nimi Musari yubu amohirop nimi wamek nangapti kembahiekti, mali sembaek. Mali senelamekti, Yesus yubu ka'ero neleptop nangag yaekti, yubu lelamekti, “Sa'a sembe a'un nhin Roma nimi sembe kamna poloro torop nimiap, nimi malia urop nimi taneap kwaneng nikag telamlom?” aro haibahiek.

Lukas 7:34

Na Yesus mog so'oag nimi tahingena, kwaneng mag tero yalamsi aghana, a'undi yubu lelamlomdi, ‘Kembahut! Elna kwaneng kolag linne wamlari, mag yongeri wana toropne wamla. Elna Roma nimi sembe kamna poloro torop nangap, malia urop nimiap sikinkae wamla,’ aro waro lelamlom.

Lukas 7:39

Simon Farisinge Yesusag, “Kwaneng nari aeag tununam,” aro yobogne ponekori kemelamog. Kemelamogpa kel enekori Yesusag unuaogne sembe Simondi wanaag seneraglamogti, “Nimi pone Allah yubu silimu tiptopne wamso tanena, el yan salelamla kel ene sembe el wamnep nena, ‘Malinge maikno urop kel,’ aro el tanep,” aro wanaag yubu lelamog.

Pogsiog Nang 11:3

“An Yahudinge aghana, sin Yahudi sisa kom nimi kon kareptop kom nimiri aeag wa'ina kwaneng nikag teom. Sa'a sembe Yahudi nimiri uanep komne nene uaom?” alamek.

1 Timotius 1:15

Yubu kiki otsikne agha lag phoro lemnuan. Nimi nenneri babe malia urop aghana, nanagha yonge mali sirikne ulamsinge poneko na wamna. Malia sirikne ulamsi aghana, Kristus Yesus yaog nena, “Malia urop nimi wali nenero taulbahinun,” aro mog so'oag yaog. Nari ot sik yubu nene ambatsin ane sembe, sikne aro to'opto seneraglapmundi saelbamlulom.