Lukas 15:10 - Allahri Yubu Nikne Wendogne (apna Samenagne pogtoba)

¹⁰ Nari lemnange sembe ambatnuahin. Ane saog uro nimi nhon mali-malia ulamlea agha, ‘Malia seneragto ulamnange sae limneri, Allahri senenne saelbaneri uanun,’ aro samoro yale nimi eneko sembe Allah awi sirikti, el arukna imagnang malaikat whingag lolo'obalul,” aro Yesusti ambatsiog.

Lukas 15:10 Iomraidhean Croise

Matius 10:32

Nimi etneri nimi whingag agha, ‘Na Yesusap ma'arop nimi wamna,’ aro lag phoro lelamle tanena, Nani Imag wamlange whingag wameberi, nari nimi eneko sembe, ‘El nanap nhon ma'arop nimi wamnam,’ aro lag phoro lelamnun.

Matius 18:10

Yesusti nen tipto yubu ambarelamsiogti, “Sin olog nimi tane nhon, ‘Mombolag nenero haing sek nembabeag,’ aro a'undam nimi yae up tangkamlulom. Haing sek sembahiseng kom alamnangena, Allah arukna malaikat Nani Allah Imagne whingag sop-sop ua ulamang nang tanekori sin nimi taneko kemero yubu poa ambarelamang. [

Matius 18:14

Olog nimi taneko babe pham domba saog wamnepti, sin nhon babe loba tanepne sembe A'uni Imagneri karong sirik. Nhon loba tanepne eldi haingagna mali sirik,” aro ambatsiog.

Lukas 12:8

Wene ambarelamsinne el uro wamlulom. Nimi etneri nimi whingag agha, ‘Na Yesusap ma'arop nimi wamna,’ aro lag phoro lelamle tanena, Allah arukna imagnang malaikat whingag wameberi, na mog so'oag nimi tahingeri nimi eneko sembe, ‘El nanap nhon ma'arop nimi wamnam,’ alamnun.

Lukas 12:9

Aghana nimi etneri nimi whingag agha na Yesus sembe, ‘Nari nimi kom,’ alamle tanena, Allah arukna imagnang malaikat whingag wameberi, nimi eneko sembe, ‘Elna nari nimi kom,’ alamnun.

Lukas 13:5

‘Kom,’ alamna! Sikne agha ambarelamsin. A'undi malia seneragto ulamlomne lilobi agha Allahri senenne saelbapmun kom tanena, sin tebaong saog uro a'un babe tebalulom,” aro Yesusti ambatsiog.

Lukas 15:11

Yesusti nen sunumna nhon babe ambarelamsiogti, “Nengabo nhon eldi elmabo phende wamdek.

Lukas 15:7

Nari lemnange sembe ambatnuahin. A'undi pham domba iroanepne sembe awi sembanep aghana, nimi ka'eseptangtop nimi iroanepne sembe Allah imag ua urobag aneko imagnangdi awi senelamang. Wana porog nimina, sindi malia seneragto uan koma walingeog ulamnep tanena, malia senenne limnaba wamnep kom nimi taneko sembe imagnangdi awi senelamsinep. Undop nimi teng wilindi epto phendeba tarabare wamnep nimi sembe awi senelamsinep aghana, Allahap imagnangap sin ni awi sirik uahinepne nhon wamla. Nimi nhondi babe mali-malia ulamlea agha, ‘Malia seneragto ulamnange sae limneri, Allahri senenne saelbaneri uanun,’ aro samoro yale nimi eneko sembe awi sirik uahilul,” aro Yesusti parog-parog alamek nimi tanekoag ambatsiog.

Lukas 15:9

Elamleri iroale tanena, eldi elkabo, eldi ae peram nimi yopsileri lelamleri, ‘Kamna kaptoba wanange naringe ka'eseptaneonge neneko el tolamnari iroandi, nu awi senelamukap,’ selul.

Lukas 7:47

Ane sembe sik uro ambarelangken. Kel eneri malia ulamonge maikno sirik aghana, el kel eneri nanag o'ona senero ulamlange sembe eldi malia maikno uroba tam wailag tal. Aghana yog nimiri malia ologha uropne tam wailag nemban tanena, nimi enekori tam wailag nembanne ponekoag olog uro o'ona senerop,” seog.

Pogsiog Nang 11:18

Ambatsiogpa ka'ebaekti, wana wali tahiog. Wana wali tahiogpa, Allah omeklamekti, “Yaghe! Allahri Yahudi sisa kom nimi babe yeplamsilba, sin Yahudi sisa kom nimiri malia seneragto ulamangne laplobi agha Allahri senenne saelba ulamang. Ane sembe Allahri sin opsin koma ya'ag kamag uro wamukang,” alamek.

Pogsiog Nang 5:19

Kop aeag tobongkahiek aghana, inipnag nu Saelba Uhiropneri el arukna imagne malaikat nhon poghogpa, kulukul aogti, kop ae ina siram taneko kupto lambahiog.

2 Korintus 7:10

Nimiri Allahri seneropne sunsunum uro wana ikinne agha, “Yaghe,” senelamnep. Allahri seneropne sunsunum uropne neneri nimi seneragna wendogne mantuk-tuka arop kom seneragna lag nembanepti taulbahinep. Aghana mog so'oag nimiri mo wana ikin uro seneropne pere agha teptopne mo lag nembanep.

Filemon 1:15

Wene abene Onesimus anap a'eptangto wamdom. Aghana, nari seneraglamnange undo. El samenag anag agha kolop tangto pionge Allahri libo. Onesimus pio aghana, anag samoro yaleba, a'un ya'ag ma'ap tangto wamturom. Ane sembe, “Samenag kolop taromne nene Allahri libo,” senelamna.

Ibrani 1:14

Allahri arukna imagnang malaikat ni tanekona, Allahri sin, “Awe tol pululom,” aro poglamsil yame wamang. Sin poghol alamsil awena, Allahri mog so'oag nimi sembe, “Sin taulbahineri tatsinun,” senelamsil nimi sembe, “Yepsukang,” aro Allahri malaikat poglamsil.