Lukas 13:4 - Allahri Yubu Nikne Wendogne (apna Samenagne pogtoba)

⁴ As Yerusalem nimiag uro yabiogne sembe babe olog ambatsinun. Mag Siloam peramag nimi yae uhin ae sopso waelbaek ae wenge tuplamogti, nimi sa'o tarabare niknibahiogpa tebaek. Tebaek nimi taneko sembe a'undina, ‘Sindi malia maikno ulamongne sembe tebaong aghana, yog nimi as Yerusalem wamang nimi taneko malia urop komdi teptop koma kamag wamang,’ senelamlom te?

Lukas 13:4 Iomraidhean Croise

Matius 18:24

Alniro a'ililamogne abeneko eldi arukna nhon poa yaek. Iliri samenagna, eldi arukna anekori saeag pibogne kamna kaptoba teng-tengne pibogpa, ‘Nen lunuro tatnelul,’ aro iliri yobogpa payaek.

Matius 6:12

Nimiri malia ulamangne sembe nunag lumbanepneog wamlange nuri sae lilobi agha tam wailag nenelamsiap saog uro, nuri malia uropne sembe anag lunuro tatkenepneog wamlange babe tam wailag nembatsululam.

Lukas 11:4

Nimiri nunag malia ulamangne sembe nuri sae lilobi agha tam wailag nenelamsiap ane sembe, nuri malia ulamapne sembe babe tam wailag nembatsululam. Nu menangaro poa palamsimendi, nu mipsinebag poa pihiseng kom,’ alapmundi Allahag molona mololamlulom,” aro Yesusti eldi yubu ka'ero neleptop nangag ambatsiog.

Lukas 13:3

‘Kom,’ alamna! Ot sin tebaong nimi aghabog malia maikno urop nimi sembaheng kom. Ambarelamsinne ka'elapmundi, el uro wamlulom! A'undi malia seneragto ulamlomne lilobi agha Allahri senenne saelbapmun kom tanena, sin tebaong saog uro a'un babe tebalulom.

Lukas 13:5

‘Kom,’ alamna! Sikne agha ambarelamsin. A'undi malia seneragto ulamlomne lilobi agha Allahri senenne saelbapmun kom tanena, sin tebaong saog uro a'un babe tebalulom,” aro Yesusti ambatsiog.

Yohanes 9:11

Wene aro haibaekpa, haing kwelekaog nimi enekori, “Nari haing kwelekanel nena, nimi si Yesus alamang nimi enekori pensal olog nembi agha toplari, nari haingag selebal. Selebaneldi yubu lelamlari, ‘Pimendi mag Siloam sinag mag a'alep talulam,’ sel. Wene selba, na pindi, nari haing a'alep tanba, nari haing kwelekanel,” aro ambatsiog.

Yohanes 9:7

yubu lelamogti, “Pimendi mag Siloam sinag mag a'alep talulam,” seog. Wene seog mag si, “Siloam,” aro si engeropne nenena, “Nimi pogtopne,” aro lerop. “Mag Siloam sinag pululam,” seogpa nimi eneko piog. Piogti maghag a'alep taogti, samoro yalamogpa, nimi enekori haing kwelekaog.

Pogsiog Nang 28:4

Saeag si singkamogpa, nimi sisa wamek nimi tanekori kembaekti seneraglamekti, “Nimi ene mag laut longorop mag alip toman yalamlaba, magti opla kom aghana, paghaeri si saplaba tebalul. Nimi nhon samenag opsiog ane sembe, nimi ene kamag wamnep kom. Wene malia uaonge sembe memne tam karebanepne neneri yingkina el lunuro opla,” alamek.