Lukas 13:3 - Allahri Yubu Nikne Wendogne (apna Samenagne pogtoba)

³ ‘Kom,’ alamna! Ot sin tebaong nimi aghabog malia maikno urop nimi sembaheng kom. Ambarelamsinne ka'elapmundi, el uro wamlulom! A'undi malia seneragto ulamlomne lilobi agha Allahri senenne saelbapmun kom tanena, sin tebaong saog uro a'un babe tebalulom.

Lukas 13:3 Iomraidhean Croise

Matius 12:45

Wali togto kemerop wamnaba imnari, phia samne olog yo aghana, nen samoro pina phia saekpare yo sirikne eldi enero poa wa'al ahinep. Poa wa'al ahindi, sin elap nhon nimi eneko kulomag wamnep. Nimi eneko kulomag ua urop tanena, nimi eneko samenag wamnepne olog mali aghana, sin wa'iro ua urop tanena, ya'ag mali sirik tanep. Ane saog uro a'un wene wamlom nimi babe undo wamlom. Kipto tomnohom kom tanena, ya'ag mali sirik tanep,” aro ambatsiog.

Matius 22:7

Undo ulameka ka'ebaogti, yubu sia lenne poneko wana yo sirik sembaogti, el umag yin salerop nang wamek nimi taneko pogsiog. Poglamsiogti, ‘Nari arukna opsiong nimi taneko kom nenero olamsimundi, sikindinge as babe aukag taplulom,’ aro pogsiogpa, piekti opsiek.

Matius 3:2

Ambarelamsiogti, “Imagne ponekori mog so'oag nimi saelbamsilula peram tal. Ane sembe a'undi seneragto ulamlomne lipsimundi, Allahri senenne salero ulamlulom,” aro ambarelamsiog.

Lukas 13:2

Sindi wene aro ambarekne ka'ebaogti, Yesusti yubu lelamogti, “A'undi senelamlomne, ‘Sin Galilea nimi tanekori mali-malia maikno ulamekne sembe seklero tebaong aghana, Galilea nimi yog nimiri malia maikno uan koma tebaong kom,’ senelamlom te?

Lukas 13:4

As Yerusalem nimiag uro yabiogne sembe babe olog ambatsinun. Mag Siloam peramag nimi yae uhin ae sopso waelbaek ae wenge tuplamogti, nimi sa'o tarabare niknibahiogpa tebaek. Tebaek nimi taneko sembe a'undina, ‘Sindi malia maikno ulamongne sembe tebaong aghana, yog nimi as Yerusalem wamang nimi taneko malia urop komdi teptop koma kamag wamang,’ senelamlom te?

Lukas 13:5

‘Kom,’ alamna! Sikne agha ambarelamsin. A'undi malia seneragto ulamlomne lilobi agha Allahri senenne saelbapmun kom tanena, sin tebaong saog uro a'un babe tebalulom,” aro Yesusti ambatsiog.

Lukas 24:47

Kamag taleba, as Yerusalem anekoa el siag kekhaekto ma'ap tangtop nimiri alniro yubu ambarelamsiikti, “A'un mog so'oag nimiri mali-malia seneragto ulamlomne lipsimundi, Allahri senenne salelapmunba, mali-malia ulamlomne tam wailag nenero kom nembalul,” aro nimi sisa mog so'o tala-tala wamik nimiag ambarelamsukang,’ aro mome toro pibek.

Pogsiog Nang 3:19

Ane sembe a'undi malia ulamlomne, ‘Allahri kom nembalul,’ aro malia seneragto ulamlomne lipsimundi, nen samoro Allahag yingkina eldi senenne salero ulamlulom. Undo unulapmun andarina, a'undi malia uroba lupsilulba, wali uro seneraglamsu.