Lukas 12:9 - Allahri Yubu Nikne Wendogne (apna Samenagne pogtoba)

⁹ Aghana nimi etneri nimi whingag agha na Yesus sembe, ‘Nari nimi kom,’ alamle tanena, Allah arukna imagnang malaikat whingag wameberi, nimi eneko sembe, ‘Elna nari nimi kom,’ alamnun.

Lukas 12:9 Iomraidhean Croise

Matius 10:33

Aghana nimi etneri nimi whingag agha na Yesus sembe, ‘Nari nimi kom,’ alamle tanena, Nani Imag wamlange whingag wameberi, nimi eneko sembe, ‘Elna nari nimi kom,’ senun,” seog.

Matius 25:12

Wene seek aghana, sinag samoro yubu lelamogti, ‘Yubu sikne agha ambarelamsin. A'unna na ekon nimi wamlom,’ seog.

Matius 25:31

Yesusti nen tipto yubu lelamogti, “Mog so'oag nimi tangtopne poneko amik yale sum eneko Imagneri imang wareroba elag lekneamleba, Allah arukna imagnang malaikat nhin elap nhon yaukang. Yalamle sum eneko eldi saelba uhiro puka uroba alibag pukamleri, Imagneri imang wareroba elag lekneamleri warelamlul.

Matius 25:41

Wene aro sinag undo yubu lepleri, el sae waneng sip nembahiog nimiag yubu lelamleri, ‘A'un nari yo'olamsin nimi wamlom. Nanag agha kolop tangka pululom. Phia sikini nubungeap, eldi yubu poa urop phia tanekoap sembe auk nubunge sarangtop kom auk wero wamlaba, a'un babe auk tanekoag pimundi, ya'ag uro wamlulom.

Matius 7:23

Aghana nari sinag samoro yubu lelamneri, ‘A'unna na ekon nimi nari ilihirop kom nimi wamlom. A'un irikna ingisaplorop nimi wene na wamnaag anea pululom,’ aro lag phoro senun,” seog.

Markus 8:38

Wene wamang nimi tanekori Allah wail ibare agha mali-malia maikno ulamang. Nimi etneri mog so'oag nimi whingag logti, na sembe babe, nari ambarelamsin yubu sembe babe aliri, ‘Yesusap ma'ap tanunam kom,’ sele tanena, nari babe nimi eneko sembe, ‘Elna nari nimi kom,’ senun. Na imag agha mog so'oag nimi tahinge, amik samoro yalamne sum eneko, Allah Eldamneri arukna imagnang malaikatap yanun. Nani Allahringe imang wareropne nanag wamleba yanun. Yalamne sum eneko nimi etne aliri nanap ma'ap tangtop kom tanena, na amik yane sum eneko babe, na nimi eneko sembe aliri, ‘Nari nimi,’ aro lemnepne lemnun kom,” seog.

Lukas 15:10

Nari lemnange sembe ambatnuahin. Ane saog uro nimi nhon mali-malia ulamlea agha, ‘Malia seneragto ulamnange sae limneri, Allahri senenne saelbaneri uanun,’ aro samoro yale nimi eneko sembe Allah awi sirikti, el arukna imagnang malaikat whingag lolo'obalul,” aro Yesusti ambatsiog.

Lukas 22:57

Kel enekori wene seogpa, Petrusti kom alamogti, “Naipsa'el, nari babe nimi ene ekon nimi,” seog.

Lukas 9:26

Nimi etneri mog so'oag nimi whingag logti, na sembe babe, nari ambarelamsin yubu sembe babe aliri, ‘Yesusap ma'ap tanunam kom,’ sele tanena, nari babe nimi eneko sembe, ‘Elna nari nimi kom,’ senun. Na mog so'oag nimi tahinge, amik nandamne imang wareroba lag taleba, samoro yanun. Nen samoro yalamne sum eneko, Allah eldamneri arukna imagnang tibin warerop nang malaikatap yaneri, Nani Allahringe imang wareropne nanag wamleba yanun. Yalamne sum eneko nimi etne aliri nanap ma'ap tangtop kom tanena, na amik yane sum eneko babe, na nimi eneko sembe aliri, ‘Nari nimi,’ aro lemnepne lemnun kom.

2 Timotius 2:12

Nu seklelamebenge wana khapto ulamebe tanena, el umag nhon wameberi, elap nhon yubu sia lelamukap. Nuri el sembe ekonne alamebe tanena, eldi babe nu sembe ekon sehilul.

1 Yohanes 2:23

Nimi etneri Allah Elme sembe, “Elap ma'ap tangkamnam kom,” alamle tanena, Ili Allahap babe ma'ap tanep kom. Aghana nimi etneri Allah Elme sembe, “Elap ma'ap tangkamnam,” aro lag phoro lelamla tanena, Ili Allahap babe ma'ap tangtopne wamla.

1 Yohanes 2:28

Namabo, wene ambarelamsin nena, elap ma'ap tangto wapmun andarina, el nen samoro yaleri, lag tale sum eneko nu ali semban koma log kom uro el whingag wamukap.

Lag Taogha 3:8

A'undi ulamlomne sembe na el uro wamna. A'un mikip kom wamlom aghana, nari lelamna yubuag neleplamnelomdi, nari siag kekhaekto wamlomne limnen koma wamlom. Ane sembe el wamlulom. A'un sembe nari ina nhon kubatsinonge neneko a'un whingag wamlaba, nimi nhondi babe serekanep kom.