Lukas 12:6 - Allahri Yubu Nikne Wendogne (apna Samenagne pogtoba)

^6-7 El sembe logti kiplapmunba, eldi a'un sembe paiamsilul. Allahri winang ologne ekon tan koma paia ulamsil. Nimiri winang ologne salero kamna kapto palirop tanena, kamna umag sirikne agha olog winang lambare abene tomnep aghana, Allahri winang nhon babe ekon tan koma kemelamsil. Nimiri usog lunuropne winang tengne-tengneag agha lumbanep te? A'undi usog winang ologne neneag agha lumbanep kom ane sembe, log sembaheng kom. Eldi winang sembe ekon tan koma paiamsilne ponekori a'undi usog hong babe a'iliro ni lelekto el wamlari paiamsilul.

Lukas 12:6 Iomraidhean Croise

Matius 10:29

El sembe logti kiplapmunba, eldi a'un sembe paiamsilul. Allahri winang ologne babe ekon tan koma paia ulamsil. Olog winang phende abene kamna kaptoba umag sirikneag agha nimiri tomnep aghana, winang nhon imag agha teptoba timbanepne babe A'uni Imagneri winang aneko ekon tan koma kemelamla.

Markus 12:42

Palilamekag kemelamsiogpa, kaldam kel saeagha orog kel nhon yaogti, kamna kaptoba wana ologne phende pibog. Kamna kaptoba wana pibog nena, si toro tona babe ologha tatsinepne liro pibog.

Lukas 12:24

A'undi winang hamale tiwalengero seneraglamsut. Winang tanekori tenaba mero yongol torop kom. Sindi babe menekto togto palirop aeag pail torop kom. Aghana Allahri sin babe kemero teneba tatsirop. Winang sembe nimiri, ‘O'omne,’ senelamlong kom aghana, Allahri sin paiamsil. Undop pagha tanena, Allahri a'un sembe, ‘O'omne,’ sembamsil tanena, a'un sembe huatsilul?

Lukas 12:27

A'undi es aba pongka ulamangne sembe seneraglamsut. Es abari awe weroan koma ag enekto aneba sembe babe wet purum ol torop kom aghana, es aba taneko kembi agha kemerop sirik. Nari sik uro a'unag lelamnange, nimi yubu sia lerop nang ni anabiag agha, Salomo el agha tupne wamog. El ponekori babe ag nongag eneknange walinge nhon es aba kemerop sirik wamla saogne nhon babe enekamog kom.