Lukas 12:5 - Allahri Yubu Nikne Wendogne (apna Samenagne pogtoba)

⁵ Aghana wene nari etne agha a'undi log sembanepne sembe ambatnuahin. A'undi log senero kiplamlulom nena, Allahri a'un nimi nong opsinepne poneko mikipne wamla andarina, a'un nong obi agha nimi teptoba urobag tobogahinep. Ane sembe, el agha a'undi log senero kiplamlulom.

Lukas 12:5 Iomraidhean Croise

Matius 10:28

Mog so'oag nimiri a'un opsinep nena, a'un nong mo opsinep aghana, nong obi agha lepsinepti, yame omnep kom. Ane sembe nimi sembe log sembahiseng kom. Ot a'undi log senero kiplamlulom nena, Allahri a'un nong ningkiap yameap obi agha nimi teptoba urobag tobogahinepne poneko wamla ane sembe, el agha a'undi log senero kiplamlulom.

Matius 25:41

Wene aro sinag undo yubu lepleri, el sae waneng sip nembahiog nimiag yubu lelamleri, ‘A'un nari yo'olamsin nimi wamlom. Nanag agha kolop tangka pululom. Phia sikini nubungeap, eldi yubu poa urop phia tanekoap sembe auk nubunge sarangtop kom auk wero wamlaba, a'un babe auk tanekoag pimundi, ya'ag uro wamlulom.

Matius 25:46

Wene aro lepleba, sin nimi taneko elag agha kolop taikti, sin ya'ag uro opsinebag pukang aghana, sin wana porog nimi ya'ag kamag uro wamnebag pukang,” aro Yesusti ambatsiog.

Matius 5:22

Aghana wene nari a'unag lelamnangena, nimi etneri elkaeag wana yo senelamle tanena, wana yo senerop nimi ni taneko tam kemero kareptopne ponekori saeag tanep. Nen nhon lelamnangena, nimi etneri elkae san tilipto wabale tanena, nu Yahudi nimi sembe tam kareptop nimi Mahkamah Agama whingag lag talul. Apna nimi etneri elkaeag, ‘Limitukne,’ sele tanena, nimi eneko teptop nimi auk nubungeag seklebanebag tanep.

Markus 13:23

Nari wene a'unag ambatsinne nene anam uro yabin komag ni uro yabinepne sembe ambatsin. Ane sembe haing whi uro wamlulom,” aro Yesusti eldi yubu ka'ero neleptop nang tanekoag ambatsiog.

1 Tesalonika 4:6

A'un Yesusag wana palirop nimi a'unkabo tangtop nimi haing pesa iogha lepsimundi, a'unkabo ingisapsilo saog uro a'unkabori kelabo to, sa'a-sa'a topsiseng kom. A'unkaboag otsikne agha ualulom. Tam nene sembe otsikne agha uamun kom tanena, a'unkaboag malinge uamunne sembe, “Amik nu Saelba Uhiropne ponekori tam karebaleri, a'unag tam ikinne piplul,” aro wenero ambatsibunge a'un el wamlom.

Ibrani 10:31

Sik yubu lilomna pagha tanena, eba timbom agha Allah kamag uropne ponekori saeag tanepne log sirik wamla.

2 Petrus 2:4

Sinag tam pelengkatsinepneog wamlangena undo. Allahri arukna imagnang malaikat pogtopne tanekori malia ulameka sembe Allahri lipsin koma haing sae kaupto selenga inibinneag pelengelopsiogti, “Ikinne sinag pelengkanun,” aro yae paia ulamsil.

Lag Taogha 14:7

Allah arukna malaikat anekori yubu nubu uro lelamori, “Allahag log uro wamlulom. El nubunge wamlange sembe paliag nenero kiplamlulom! Mog so'oag nimiri sa'a-sa'a uropne sembe wene Allahri tam karepto pimnual. El imap so'oap sumbaogti, mag nubu uro longorop mag sumbaogti, mag lu ni wamlange sumbaogne poneko yabu sanukto pulingkina u amupto omeklamlulom!” aro wene alamo.

Lag Taogha 15:4

An mo sembenga orogne wamlamba, an saog uropne orog wamla. Nu Saelba Uhiropne wamlamne, nimi niri an log uro kiplangkukang. An si kiptop kom nimi nhon babe wamnep kom. Andi porog sirikne ulamlamne ni lag tal ane sembe, mog so'o tala-tala urop nimi ni an whingag u amupto pulingkina an omeklangkukang,” aro sepna seplamong.

Lag Taogha 20:14

Nimi ya'ag uro kamag wamnep nimi si mome toro pairoba anekoag, eldi si orog pagha tanena auk nubunge mag longorop saog urop auk anekoag toro tobogahio. Nimi teptopne saelba uhirop nang si Tepnaap, Hadesap aro engeropne abeneko auk anekoag toro toboglamsio. Auk nubunge mag nubu uro longorop mag saog urop auk anekona, ik phendep sum tepnange aro engerop.