Lukas 12:4 - Allahri Yubu Nikne Wendogne (apna Samenagne pogtoba)

⁴ Nangkabo a'unag lelamnange el uro wamlulom. Mog so'oag nimiri a'un opsinep nena, a'un nong mo opsinep aghana, nong obi agha lepsinepti, nen ma'aro yonge uahinep kom. Ane sembe nimi sembe log sembahiseng kom.

Lukas 12:4 Iomraidhean Croise

Matius 10:28

Mog so'oag nimiri a'un opsinep nena, a'un nong mo opsinep aghana, nong obi agha lepsinepti, yame omnep kom. Ane sembe nimi sembe log sembahiseng kom. Ot a'undi log senero kiplamlulom nena, Allahri a'un nong ningkiap yameap obi agha nimi teptoba urobag tobogahinepne poneko wamla ane sembe, el agha a'undi log senero kiplamlulom.

Yohanes 15:13

Nimi o'ona senehinne nubu sirikne wamlangena, nimi nhon, ‘Tebanun,’ aro elkabo sembe tiro tebanep tanena, o'ona senehinne nubu sirikne phelektopne orange babe wamnep kom.

Pogsiog Nang 20:24

‘Seklebalulam,’ aro ambarelamnel aghana, nari wana nong ene sembe seneraghal dalamna kom. Nari seneraglamnange, nu Saelba Uhiropne Yesusti nanag, ‘Nari awe tongoro nimi yeplamsululam,’ aro na saeag pibogne sol wali, wali uro awe toro komobililamnun. Awe na saeag pibog nena, ‘Allahri nimiag wana yorolamsilne sembe wali yubu sikne lag nenero ambarelamsululam,’ aro na saeag pibog.

Pogsiog Nang 4:13

Wene seogpa, nimi yubu tam kareptop nang poloro winip taek nimi tanekori Petrusap Yohanesap sembe, “Sin mome lerop kom nimi apna, kembi agha el urop kom nimi sao wamdang. Nubunang ambarelamsirang aghana, sin log kom uro lero ulamdang,” aro lo'om seek. “Sin phende Yesusap nhon yabalamdong nimi,” aro el wamsiog.

Filipi 1:28

A'undi ni ulapmunneag a'un aisa nenelamsiik nimi sembe log semban koma khapto sekamlulom. A'un log kom uro khapto sekapmunne nene sindi kembongkia, “Allahri sin Yesusag wana palirop nimi taulbahileri, Yesus yubu ingisaptop nimi oro luknubahilul,” aro keknep tangto yabilul.

Yakobus 2:23

Tanena ni uro yabiogne neneko sembe mome toro pibek nena, “Allahri lebogne nene sembe Abrahamdi, ‘Ot sik uro lepla,’ aro elag wana palilamogpa Allahri, ‘El wana porogne,’ sembaog,” aro mome toro pibekne sunup taog. Apna Abraham sembe, “Allah elkae,” aro engero yabiog.

1 Petrus 3:14

Aghana a'undi wana porogneag agha ulapmunne sembe seklelapmunneag babe, wana yeng uro wamlulom. “Sin nimi tanekori log seneropne sembe ‘Yaghe,’ aro log sembaheng kom.”

Lag Taogha 2:10

Ko'o we uro wamna komag a'un seklenne nen lag talul aghana, seklebalulomne sembe log sembaheng kom. “A'un el uro wamlulom,” senelamnari ambarelamsin nena, phia sikini nubunge nenekori nimi mikip nembahileba, nimi tanekori a'un wamlom nimi etpare sae kiliro, “Mipsinun,” aro sae kaupto kop aeag tobongkipsukang. Tobongkipsiikpa ik sa'obare a'un, “Seklebaik,” aro ulamsiikpa wamlulom. Ane sembe na Yesusti a'unag ambarelamsin nena, a'undi nanag wana palilapmuna kekman tebamun tanena, nari a'un kamna tatsinun. Tatsinun nena, a'undi malinge luknubamunne sembe nari kwiria a'undi usoghag elektoba elekahineri, a'un ya'ag kamag uro wamlulom.