Lukas 11:9 - Allahri Yubu Nikne Wendogne (apna Samenagne pogtoba)

⁹ Ane saog uro, nari a'unag lelamnange, a'undi Allahag mololapmunba tatsilul. Elapmundi iplulom. Ina siramag kaunguro yoplapmunba, a'un sembe ina kubatsilul.

Lukas 11:9 Iomraidhean Croise

Matius 21:22

A'undi Allahag sikne aro wana paliro mololapmun tanena, a'undi nia mangkina mololapmunne tatsileba toplulom,” seog.

Matius 21:31

Sunumna wene aro ambatsinne a'undi ka'ebalomneag agha, me phende abene wamdek aghana, etneri sikiniri seneropne sunsunum uro uaog?” aro haibahiog. Wene aro haibahiogpa, sin memnang Allah sembe palirop nangap, Yahudi nimi sembe wenehirop nangap tanekori, “Elme samenagne agha,” seek. Wene seekpa, Yesusti yubu ambarelamsiogti, “Tam nene sembe nari yubu sikne agha ambarelamsin nena, sin Roma nimi sembe kamna poloro torop nimiap, salik-malik walep tangtop kelaboap a'un whingag yalamangdi, Allahri nimi saelba ulamsil nimi tanep ina wa'ina wamang.

Matius 6:29

es aba aneko kembi agha kemerop sirik. Nari sik uro a'unag lelamnange, nimi yubu sia lerop nang ni anabiag agha, Salomo el agha tupne wamog. El ponekori babe ag nongag eneknange walinge nhon es aba kemerop sirik wamla saogne nhon babe enekamog kom.

Markus 13:37

Nari a'unag lelamnange nene nimi niag wenero ambarelamsin. Haing whi uro tiboghamlulom,” seog.

Lukas 11:10

Nimi etneri mololamle tanena, saeri toplul. Nimi etneri el tolamle tanena, haingdi iplul. Nimi etneri ina siramag kaunguro yoplamle tanena, el sembe ina kup talul.

Yohanes 14:13

Ane sembe a'undi nari siag kekhaekto wamlomneag agha molona mololapmunba, nari ulamnun. Nari ulamne andarina, Nani paliag uropne kiptoba na Elme pere agha lag talul.

Yohanes 15:16

A'undi na wepnelum kom aghana, nari a'un wepsisi. Wepsisiri a'undi sa'oag yubu palilamsin nena, ‘Pimundi wana maikno maulamlulom,’ aro a'un wepto sekililamsin. ‘Pimundi ka'eseptanep kom wana ya'ag uropne maulapmun,’ aro sekililamsin andarina, na siag kekhaekto wapmunneag agha Naniag mololapmunne a'unag tatsilul.

Yohanes 15:7

A'un nanag ya'ag ma'ap tangto wapmunba, nari ambarelamsin yubu a'undi wanaag meptaleba, ulapmun tanena a'undi, ‘Allahag molbahane,’ aro seneraglapmunne molbalulom. Molbamunne tatsilul.

Yohanes 4:10

Wene aro haibaogpa, Yesusti kel enekoag samoro yubu lelamogti, “Wene aro leplam aghana, Allahri nimiag mo tarelamsilne sembeap, nari anag moloro, ‘Mag tebatnululam,’ aro wamnange sembeap el wamsom tanena, anna nanag mag molbanohom andarina, kamag nenehirop mag tebatkehene,” seog.

Roma 2:7

Nimi etneri seneraglamleri, “Allahri nanag, ‘Wali uaom,’ aro kipneleba, ya'ag kamag wamnun,” senenneag agha wana khapto walia ulamle tanena, Allahri nimi enekoag ya'ag kamag uro wamnepne tatlul.

2 Korintus 6:2

Tam nene sembe Allahri yubu lelamog nena, “Nari sumene sembahi sum eneko andi leplum yubu ka'ebahi. Nari an talulangkehi sum eneko yepkehi,” seog. A'undi kemelamsut. Wene wamapne Allahri wali sembaog sum. Wene wamap sum enena, Allahri nimi taulba uhirop sum.

Ibrani 11:6

Allah wana yeng nenelamog aghana, sikne aro seneragtopne orog pagha tanena, nimiri Allah wana yeng nembanep kom. El wana yeng nenerop nena, elag yanep nimiri seneragtopneag agha, “Allah sik uro wamlaba, elag ero neleplamang nimiag kamna tatsilul tiog,” aro elag wana paliro seneragnepneog wamla.

Ibrani 4:16

Ane sembe nunag wana yororo Saelba Uhiropne poneko puka urobag wana khapto yalamukap andarina, nu teko ulamsilneag yareag senelamsileri, nunag wana yorolamsilne agha yeplamsilul.

Yakobus 1:5

Aghana a'un nimi nhondi wana hekto seneragtopne orog tanena, Allahag mololapmendi, “Wana hekanululam,” aro molbalulam. Elag molorop nimi wabahin koma Allah wana waliri nimi niag maiknoro tarelamsilne ponekori anag babe tatkelul.

Yakobus 5:15

Allahag wana paliropne pere agha molbarelamika anekori naiktop nimi eneko wali nembalul. Naiktop nimi enekori malia uropne agha naiklamso tanena, malia uroba neneko nu Saelba Uhiropneri tam kom nenero wailag nembanepti, toro seki agha wali nembanep.

1 Yohanes 3:22

Apna Allahri nunag, “Undo-undo unulamlulom,” aro arukahiogne saelba ul palamapti, el wana yeng nenelamap. Ane sembe sa'a-sa'a elag mololamapne tarelamsilba, toro salelamap.

Lag Taogha 2:24

Aghana a'un nenne as Tiatira wamlomne, sindi malinge ulamangne saog uro ulamlom kom. El Izebel kel enekori, “Mili tognoroba walinge ambarelamsin,” alamlaba phia sikini nubungeri ambatsirop yubu eneko a'undi salero neleplamlom kom. Ane sembe, nari lelamnangena, “Nari a'unag yubu ikinne nen ma'aro, ‘Ulamlulom,’ senun kom,” aro ambatsin.