Lukas 11:8 - Allahri Yubu Nikne Wendogne (apna Samenagne pogtoba)

⁸ Wene ae lomag nimiri, ‘Nangkae, eka'ukti yepkenep kom,’ aro lemnep aghana, nari sik uro a'unag lelamnange, pukleri elag kwema aro molona moloropne sunsunum uro tatlul tiog. Nimi enekori pukleri, tatlenge sembe, nangkae senenne agha tatlul kom aghana, asag nimi enekori ali semban koma molom-molom alamnaba, malamlange poneko puknepti, tatnepneog wamla.

Lukas 11:8 Iomraidhean Croise

Lukas 11:7

Wene senep aghana, ankae anekori ae lomag agha yubu lemnepti, ‘Namaboap ina soptangka malamapti, nu kaombahiseng kom. Na pukneri tatkenepne eka'ukti, yepkenep kom,’ aro lemnep.

Roma 15:30

Nangkabo, nu Yesus Kristus ponekori saelba ulamsil nimi wamapti, Allah Yame Walingeri o'ona senehinne nuri wanaag tarelamsil. Undo wamap ane sembe, a'unag mololamsin nena, nari seklero awe tolamnange sae tiptangto tolapmundi, Allahag molbarelamnululom.

2 Korintus 12:8

Seklelamnari nu Saelba Uhiropne ponekoag ik wilindi wanaag agha mololamsiri, “Seklelamnange nene kom nembalulam,” aro molbahi.

Kolose 2:1

Nari nubu uro a'un sembe whin seklero tolamnange el tahom senelamnari ambatsin. A'un mo sembe tolamna kom aghana, Laodikia nimi sembe babe, na whing ilinerop kom nimi ni sembe babe nari whin seklero tolamnange sembe el tahom senelamna.

Kolose 4:12

Epafras a'undi asagne ponekori babe a'un kiplamsil. El babe Kristus Yesus arukna wamlari, awe tolamla. Eldi a'un sembe sop-sop wana ningkiag agha Allahag molona molbarelamsil andarina, Allahri a'un sembe, “Ulamukang” senenne sunsunum uro to'opto seneraglamlulom. Allahri senenne sunsunum uro to'opto wana khapto seneraglapmundi, wana whi uro wapmundi, ni salero ul palamlulom aro a'un sembe molbarelamsil.