Lukas 11:4 - Allahri Yubu Nikne Wendogne (apna Samenagne pogtoba)

⁴ Nimiri nunag malia ulamangne sembe nuri sae lilobi agha tam wailag nenelamsiap ane sembe, nuri malia ulamapne sembe babe tam wailag nembatsululam. Nu menangaro poa palamsimendi, nu mipsinebag poa pihiseng kom,’ alapmundi Allahag molona mololamlulom,” aro Yesusti eldi yubu ka'ero neleptop nangag ambatsiog.

Lukas 11:4 Iomraidhean Croise

Matius 18:35

Ane saog uro Nani Imagneri a'unag uahinepne wamla. A'unkabori a'unag malia uroba wanaag agha tam wailag nembamun kom tanena, Nani Imagneri a'unag babe sunsunum uro uahilul,” aro Yesusti ambatsiog.

Matius 26:41

Nimiri wanaag agha, ‘Walia uahane,’ sembanep aghana, nong mikip komdi, walia uanep kom. Ane sembe haing whi uro yae wamsuri, Allahag mololamsu. Orabari a'un mipsileba, malia ulapmunagti, a'undi Allahag, ‘Nu yepsi,’ aro molona mololamlulom,” aro ambatsiog.

Lukas 11:5

Wene aro ambatsiogti, nen tipto sunumna nhon ambarelamsiogti, “A'un wamlom nimi abene agha nimi nhondi a'unkabori aeag ae inipna tom nusam pindi lelamnari, ‘Nangkae! Kwaneng roti wana wilindi tatnohom.

Lukas 13:4

As Yerusalem nimiag uro yabiogne sembe babe olog ambatsinun. Mag Siloam peramag nimi yae uhin ae sopso waelbaek ae wenge tuplamogti, nimi sa'o tarabare niknibahiogpa tebaek. Tebaek nimi taneko sembe a'undina, ‘Sindi malia maikno ulamongne sembe tebaong aghana, yog nimi as Yerusalem wamang nimi taneko malia urop komdi teptop koma kamag wamang,’ senelamlom te?

Lukas 22:46

Malameka ipsiogti, yubu lelamogti, “Sa'a sembe a'un malamlom? Pukmundi Allahag molona mololamsu. Orabari a'un mipsileba, malia ulapmunagti, a'undi Allahag, ‘Nu yepsi,’ aro molona mololamlulom,” aro wenero ambatsiog.

Lukas 8:13

Wana aweag toglamogpa, kirikag timbaog nena, nimiri Allah yubu ka'ebi agha awi uro, ‘Saelbanun,’ aro torop aghana, yubu walinge neneko yareng pelengero sindi wanaag pongkanep kom nimi sembe lemna. Undop nimina, yubu walinge ambatsirop yubu eneko hae sesog sik sembanep aghana, sinag erarukne waelbanba, mipsirop tanena, Allah yubu sae limnep.

Yohanes 17:15

Nari anag molbarelamsin nena, ‘Sin mog so'oag wamangag anea topsululam,’ aro mololamna kom. Aghana nari anag molbarelamsin nena, ‘Phia yonge nenekori sin loba nembahileagti, yae paiamsululam,’ aro mololamna.

1 Korintus 10:13

Sa'a-sa'ari a'unag uro yabalamlangeri miplamsil tanena, tam nene ot mog so'oag nimiag uro yabinepne mo wamla. Allah elmo sikne wamlaba, nimiri elag wana palilamnepne poneko wamla ane sembe, tam ikinne a'un mori sa'obanep komne a'unag timbaleba, sae lipsilul kom. Sa'a-sa'ari a'unag uro yabalamlangeri miplamsil tanena, Allahri yeplamsil andarina, a'un la'imbanep ina yarebarelamsilba, a'undi wana khapto ulapmundi, miplamsilne nenekoag agha la'imbalulom.

Kolose 3:13

A'unkaboag tam nhon wamleba, “Nungkaboag yubu arikal uro yubu lebebeag,” aro wana mamleba, a'un mamun tam wailag nenel dalamlulom. Nu Saelba Uhiropne ponekori a'undi malia ulamomne babe wailag nembarelamsil. Ane saog uro a'undi babe a'unkaboag wana mali senehinne wailag nenel dalamlulom.

2 Tesalonika 3:3

Nimi niri sik senelamang kom aghana, nu Saelba Uhiropne ponekoag nuri wana pimnep. Eldi a'un mikip nenelamsileri, yongeri a'un sae kiliro yubu nepsinebag agha eldi yae paiamsileri, a'un taluro pelebahilul.

2 Timotius 4:18

Nimi maiknori na, “Obukap,” aro ulamneang aghana, nu Saelba Uhiropne ponekori sin saeag agha taulbanelul. Ya'ag omneika babe, el ya'ag uro imag agha saelba uhirobag na pelepto payanelul. El poneko paliag nenero kiplameberi, ya'ag uro omeklamebe paghabog omeklamukap. Sikne agha saekag lebap.

Lag Taogha 2:10

Ko'o we uro wamna komag a'un seklenne nen lag talul aghana, seklebalulomne sembe log sembaheng kom. “A'un el uro wamlulom,” senelamnari ambarelamsin nena, phia sikini nubunge nenekori nimi mikip nembahileba, nimi tanekori a'un wamlom nimi etpare sae kiliro, “Mipsinun,” aro sae kaupto kop aeag tobongkipsukang. Tobongkipsiikpa ik sa'obare a'un, “Seklebaik,” aro ulamsiikpa wamlulom. Ane sembe na Yesusti a'unag ambarelamsin nena, a'undi nanag wana palilapmuna kekman tebamun tanena, nari a'un kamna tatsinun. Tatsinun nena, a'undi malinge luknubamunne sembe nari kwiria a'undi usoghag elektoba elekahineri, a'un ya'ag kamag uro wamlulom.

Lag Taogha 3:10

A'undi nari lelamna yubuag seneraglamlomdi, eraruk wamlomneag agha a'undi wana khapna agha sol wali, wali uro sunsunum uro ul palamlom. Amik sum mog so'o tala-tala wamang nimiag eraruk uro unne kwelekto yabile andarina, sin mipsilul. Aghana a'undi nanag seneraglamnelomdi, ulamlomne sembe mog so'o niag eraruk uro unne kwelekto yabile sum eneko nari a'un pelepto yepsinun.