Lukas 11:2 - Allahri Yubu Nikne Wendogne (apna Samenagne pogtoba)

² Wene aro molbaogpa, Yesusti sinag amoro ambarelamsiogti, “A'undi Allahag molona mololapmun tanena, undo lelamlulom. ‘Nai, an sembenga orogha wamlamne si o'omne nenero kiplangkeap. Andi nu yubu sia lero saelbamsilama lag nembatsululam.

Lukas 11:2 Iomraidhean Croise

Matius 10:32

Nimi etneri nimi whingag agha, ‘Na Yesusap ma'arop nimi wamna,’ aro lag phoro lelamle tanena, Nani Imag wamlange whingag wameberi, nari nimi eneko sembe, ‘El nanap nhon ma'arop nimi wamnam,’ aro lag phoro lelamnun.

Matius 3:2

Ambarelamsiogti, “Imagne ponekori mog so'oag nimi saelbamsilula peram tal. Ane sembe a'undi seneragto ulamlomne lipsimundi, Allahri senenne salero ulamlulom,” aro ambarelamsiog.

Matius 5:16

Ane saog uro tibin a'unag wamlange neneko nikniban koma, ‘Nimi ni whingag warelamlul,’ aro wali-walia ulamlulom. Walia ulapmunne kembahiikti, A'uni Allah imag wamlange omeklamukang,” aro ambatsiog.

Lukas 11:1

Ik nhon sum Yesus eldi yubu ka'ero neleptop nangap nikag wamekti, Yesusti Allahag molona mololamog. Allahag molona molbaogpa, elag neleptopne nhondi Yesusag lelamogti, “Nai, nu Saelbamsilamne. Yohanesti eldi yubu ka'ero neleptop nangag ambarelamsiori, ‘Allahag molona mololapmundi, undo-undo lero mololamlulom,’ aro ambatsio. Ane saog uro andi babe nunag ambatsululam te?” aro Yesusag molbaog.

Roma 8:15

Samen a'un logti aruksirop yubu ul palamlum aghana, wene Allah Yameri a'un log nembahin koma, “Nari kelmabo me,” aro eldi seneropne a'undi wanaag ambarelamsil. Allah Yameri senenne ambarelamsilne pere agha, “Naba Naniong,” aro engero yoplamap.

1 Korintus 1:3

“Nuni Allahap, nu Saelba Uhiropne Yesus Kristusap abenekori wana a'unag yororo walia ulamsirikti, wana aingnibahurukang,” senelamnamdi a'un sembe molbarelamsinam.

2 Korintus 1:2

“Nuni Allahap Yesus Kristus nu Saelba Uhiropne ponekoapti wana a'unag yorolamsirikti, a'un wana aingnilamsurukang,” senelamnamdi a'un sembe molbarelamsinam.

Galatia 1:4

el Nuni Allahri wanaag seneropne el uro wamogti, sunsunum uro yaog. Yesustina nu sembe, “Mog so'oag nimi wene wamang nimiri sop-sop mali-malia ulamangne sembe sinag tam pipsileagti, sindi mali-malia uropne kom nenero taulbahinun,” aro eldamne paip tangto tebaog.

Efesus 1:2

“Nuni Allahap, nu Saelba Uhiropne Yesus Kristusap abenekori wana a'unag yororo walia ulamsirikti, wana aingnibahurukang,” senelamnari a'un sembe molbarelamsin.

Filipi 1:2

“Nuni Allahap, nu Saelba Uhiropne Yesus Kristusap abenekori wana a'unag yororo walia ulamsirikti, wana aingnibahurukang,” senelamnamdi a'un sembe molbarelamsinam.

Filipi 4:20

Nuba Nuniong Allahri nu yae paiamsilne poneko ya'ag uro omeklamebe paghabog omeklamukap! Sikne agha saekag lebap.

1 Tesalonika 1:1

Nangkabo! A'un Nuni Allahap nu Saelba Uhiropne Yesus Kristusap ma'ap tangtop nimi as Tesalonika winil dalamlom nimi sembe mome toro palilamap. Nu Paulusap Silwanusap Timotiusapti a'un kiplamsiap. “Allahri a'unag wana yororo walia ulamsileri, a'un wana aingnilamsilul,” senelamapti a'un sembe molbarelamsiap.

1 Tesalonika 1:3

A'undi Yesusag sikne aro wana palilamlomneag agha wali-walia ulamlomne sembe babe, a'undi o'ona senehinneag agha yepto ulamlomne sembe babe, nu Saelba Uhiropne Yesus Kristusag tiro nang-nangaro wamlomneag agha wana khapto ulamlomne sembe babe, nuri sop-sop a'un sembe seneragha ulamsiap. Ekon tan koma seneragha ulamsiapti, molona a'un sembe Nuni Allah whingag molbarelamsiap.

2 Tesalonika 2:16

Nu Saelba Uhiropne Yesus Kristus ponekoap, Nuni Allahapti nu o'ona senelamsirang. O'ona senelamsirangdi, nunag wana yororo senehinneag agha wana aingnilamsirang. Wana aingniro ya'ag wana mikip nenelamsirangba, wana mikip uro wameberi, “Allahri nunag walinge aghabog uahilul,” aro nang-nangaro tibogto ulamap.

Lag Taogha 11:15

Nari kemelamnoag agha, Allah arukna malaikat saekne nenekori eldi ma'i pho alamo. Pho alamoba, ka'elamongpa imag agha yubu nubu uro lelamongdi, “Wene mog so'oag nimi ni sembe yubu sia lenne nhonogne, ot nu Saelba Uhiropne ponekori yubu sia lelamla. Mikipne nene eldi saeag wamlaba, eldamneri wepto poghogne Kristus ponekoag ni saeag nembaog. Kristus poneko saeag pibogpa, yubu sia lero ya'ag uro saelbamsile paghabog wamlul,” aro haum aro lelamong.

Lag Taogha 15:4

An mo sembenga orogne wamlamba, an saog uropne orog wamla. Nu Saelba Uhiropne wamlamne, nimi niri an log uro kiplangkukang. An si kiptop kom nimi nhon babe wamnep kom. Andi porog sirikne ulamlamne ni lag tal ane sembe, mog so'o tala-tala urop nimi ni an whingag u amupto pulingkina an omeklangkukang,” aro sepna seplamong.

Lag Taogha 19:6

Wene aro yubu lilim neneko lelamoba, nen ka'elamnoag agha yubu lilim lelamongena, nimi maikno wamlori, yubu lelamloba, yubu angkongkoa lelamloa saog uro lelamongne ka'ebano. Ka'ebanongena, niksiag-niksiag agha limang talaglamnari, mag mhun maiknoro yangkalamnari, yubu lelamloa saog uro lelamoa ka'ebano. Nari ka'elamnoba, sindi yubu lelamong nena, “Nia mangkina mikip uro Saelba Uhiropne Allah ponekori wene salero yubu sia lelamla. Ane sembe Nuni Allah omeklamsut!

Lag Taogha 20:4

Neneko uro yabioba, kemelamnoag agha nimi nubunang saelba uhirop nang puka uroba ipsino. Sin saelba uhirop nang puka urobag pukamong nimi tanekori samenag Allah san tiliptop lebe aroba neneko omeklamong komdi, lebe arobari kekneba neneko sikin haioghag babe, saeag babe tobong kom. Sin saelba uhirop nang puka urobag pukamong nimi tanekori samenag Allahri yubuap, Yesusti sikne lag nenero ambatsiog yubuap salero ul piropne sembe yo nimiri sin usog ngangag agha karepto opsiong. Sin opsiong aghana, wene kamag taongdi, sin kamag tangka sindi yame taneko saelba uhirop nang puka urobag pukamongba, Allahri sindi saeag mikipne pipsio. Mikipne pipsioba, Allahri wepto poghogne Yesus Kristusap nhon wamikti, hengkun taibuka taubuka teng-tengne (1.000) aneko uro yabalamle abeneko pere, Kristusap nikag tam lelekto kemero kareplamikti saelbamsukang.