Lukas 11:10 - Allahri Yubu Nikne Wendogne (apna Samenagne pogtoba)

¹⁰ Nimi etneri mololamle tanena, saeri toplul. Nimi etneri el tolamle tanena, haingdi iplul. Nimi etneri ina siramag kaunguro yoplamle tanena, el sembe ina kup talul.

Lukas 11:10 Iomraidhean Croise

Matius 5:42

Nimi nhondi anag mololangkeleba tatlulam. Nimi nhondi anag moloro, ‘Na kwema wamnelba, andinge tatnemenba, nen lumbaghenun,’ alamle nimi sembe wail ibarelamsiseng kom,” aro ambatsiog.

Matius 7:8

Nimi etneri mololamle tanena, saeri toplul. Nimi etneri el tolamle tanena, haingdi iplul. Nimi etneri ina siramag kaunguro yoplamle tanena, el sembe ina kup talul.

Lukas 11:11

Sunumnana undo. A'un nimiri me nhondi iliag mololamleri, ‘Naiyong, ikan sop tatnemenba tenun,’ aro molbagheleba, a'un tane wamlom nimi nhondi paghae el saeag piplulam te?

Lukas 11:9

Ane saog uro, nari a'unag lelamnange, a'undi Allahag mololapmunba tatsilul. Elapmundi iplulom. Ina siramag kaunguro yoplapmunba, a'un sembe ina kubatsilul.

Lukas 18:1

Wene aro ambatsiogti, Yesusti nen eldi yubu ka'ero neleptop nimiag, “A'undi Allahag mololapmundi, ‘Sololamna,’ semban koma sop-sop tipto elag mololamlulom,” aro wenelamsiogti, sunumna tol pina ambarelamsiog.

Yakobus 4:3

Mololamlomne babe, “Nadamne wana yeng seneropne agha topsene,” aro wana malingeag agha mololamlom ane sembe, a'unag tatsinepne saelbaneba salelamlom kom.

Yakobus 5:11

Sin papna koma wana khapto ulamnep nimi maiplamsiapne sembe seneraglamsut. Ayub poneko samenag seklelamog aghana, papna koma wana khapto ulamogne sembe ka'elamlom. Seklelamoghag wana khapto ulamogpa, nu Saelba Uhiropne ponekori el sembe uirogne ka'elamlom. Nu Saelba Uhiropne ponekori wana maikno uro yareag senelamsildi yeplamsil.