Lukas 11:1 - Allahri Yubu Nikne Wendogne (apna Samenagne pogtoba)

¹ Ik nhon sum Yesus eldi yubu ka'ero neleptop nangap nikag wamekti, Yesusti Allahag molona mololamog. Allahag molona molbaogpa, elag neleptopne nhondi Yesusag lelamogti, “Nai, nu Saelbamsilamne. Yohanesti eldi yubu ka'ero neleptop nangag ambarelamsiori, ‘Allahag molona mololapmundi, undo-undo lero mololamlulom,’ aro ambatsio. Ane saog uro andi babe nunag ambatsululam te?” aro Yesusag molbaog.

Lukas 11:1 Iomraidhean Croise

Lukas 10:42

Aghana ot nhonog wamle tanena, ni teko orog wamsilul. Mariari wali sirikne wepto ulamlangena, nari ambarelamsin yubu ka'ebalne nene nimi etneri babe elag agha pelepto tomnep kom,” aro Yesusti Marta kel enekoag wene seog.

Lukas 11:2

Wene aro molbaogpa, Yesusti sinag amoro ambarelamsiogti, “A'undi Allahag molona mololapmun tanena, undo lelamlulom. ‘Nai, an sembenga orogha wamlamne si o'omne nenero kiplangkeap. Andi nu yubu sia lero saelbamsilama lag nembatsululam.

Lukas 6:12

Wameka ik nhon sum Yesus, “Allahag molona molbanun,” aro yim nhonag waelbaog. Yimag waelbaogti, Allahag molona mololamogha ae inipna nhon ningki taog.

Lukas 7:13

Nu Saelba Uhiropne Yesusti kel eneko ibogti, wanaag agha yareag sembaogti, kel enekoag, “Nanin, engkaheng kom,” seog.

Lukas 7:19

nu Saelba Uhiropne Yesusag poglamsiogti, “A'un Yesusag pirumundi, haibarurom nena, ‘Anna Allahri samenag, “Yalul,” aro salag pibogne poneko agha yaom to, amik nimi nhon yogne yalulne tibogto wamukap to?’ aro hail pururom,” aro pogsiog.

Lukas 9:18

Ik nhon sum Yesus elmo Allahag molona mololamogpa, eldi yubu ka'ero neleptop nang elag yaek. Elag yaekpa, Yesusti sinag hailamsiogti, “Nimi maikno taneri lelamangdi, na sembe etne alamang?” aro haibahiog.

Lukas 9:28

Wene Yesusti, “Iplulom,” aro ambatsiogpa, ik linbare saog uro piogpa wamek. Yesusti Petrusap, Yohanesap, Yakobusap poa lepsiogti, “Allah omekto molona molbanun,” aro main nhonag poa pihiog.

Ibrani 5:7

Yesus mog so'oag nimi nong wamog liag haum aro engero hail mag sapsabi Allahag molona mololamog. El tebanebag agha wali nembanepne poneko Allahag Yesusti wana mombolag nenero mololamogne sembe Allahri ka'ebaog.

Yudas 1:20

Aghana nangkabo, nari o'ona sembamsin nimi, a'un mamun yeptangto Allahri wepto pogholaogne ponekoag sikne aro wana palilapmunne toman agha elag pongkapmundi sekamlulom. A'undi Allahag molona mololapmundi, Allah Eldamne Yame Walingeri yubu a'undi wanaag piplenge sunsunum uro elag mololamlulom.