Lukas 10:6 - Allahri Yubu Nikne Wendogne (apna Samenagne pogtoba)

⁶ Sin kipsimun yubuag agha ae enekoag nimiri a'unag walia ulamsiikti, a'un kipto toro palilamsiik tanena, ‘Allahri a'un wana aingnibahilul,’ aro kipsimunne neneko ae enekoag nimiag talul. A'un kipsin koma a'un wa'eptop yubu lelamik tanena, ‘Allahri a'un wana aingnibahilul,’ aro kipsimunne neneko sinag wamle komdi, a'unag samoro yalul.

Lukas 10:6 Iomraidhean Croise

Lukas 10:5

A'un ae nhonag wa'al pimundi, yubu lelamlulom nena, ‘A'un ae eneag nimi Allahri wana aingnibahilul,’ aro kipsululom.

Lukas 10:7

A'un as nhonag wa'ina ae nhonag wa'ilapmun tanena, ae anekoag wamlulom. Nimi nhondi awe toamnari, eldi kamna torop taneogna sunsunum. Ane sembe a'undi ambatto tongolamsimunne sembe nimiri, ‘Maghap kwanengap tululom,’ aro tarelamsiikne telapmundi, ae usa manne palilamikag babe wali wamlulom. Ae nhonag ua nhon aeag ko'oa uaheng kom.

Efesus 5:6

Sindi Allah yubu ingisapto mali-malia undo unurop nimi tanekoag Allahri waro opsinepne yanual. Tam nene sembe nimiri a'unag yubu kamolange ambatsiropneag agha a'un ina selepne toman poa pihiikag aro yae paip tangkamlulom.

2 Tesalonika 3:16

Nu Saelba Uhiropneri nu wana aingnilamsilne poneko eldamneri sop-sop a'undi wana babe aingnilamsilul. Wali uro wapmunne babe, eraruk uro wapmunne babe, a'undi wana aingnilamsilul senelamapti, a'un sembe elag molbarelamsiap. A'un Saelba Uhiropne ponekori a'un nhin yae paiamsilul.

Yakobus 3:18

Nimiap nimiap ma'asirop nimiri ma'alamsilne pere agha wana porogne lag tangto yabirop.

1 Petrus 1:14

A'undi ulapmun nena, sikin nong nimiri yubuag neleptop mabo saog uro wamlulom. A'un samenag ekon uro wamlumag, “Malia uahane,” senelamlumneag nelepto ulamseng kom.