Lukas 10:3 - Allahri Yubu Nikne Wendogne (apna Samenagne pogtoba)3 Ane sembe pululom! Nari a'un poglamsinne, pham domba me agha pai kam yonge wamloa nusamag pogsilo saog uro poglamsin. Faic an caibideil |
Yesusti nen tipto ambarelamsiogti, “Nimi nhon-nhondi, ‘Allah yubu silimu tiptop nimi wamapti ambarelamsiap,’ aro orolenange ambatsinep. Sin kemero ka'esinagna, pham domba wana walinge saog urop nimi sembanep aghana, sindi wanaag seneragtop nena, pai kam yonge saog uro wamang. Sin nimi taneko sembe yae togtangto wamlulom.
Nen nimiri, ‘Pham domba yae wamsinenge sembe kamna tatneheng,’ aro yae wamsinep. Aghana pham domba eldamneringe kom tanena, ngainge eldamneri pham domba paia uhiropne saog wamnep kom. ‘Kamna tatneheng,’ aro yae wamsinep nimi enekori kemelamleba, pai kam yonge yalogleba, iple tanena, pham domba taneko laplobi agha merero pinep. Laplobi agha pihileba, pai kam yongeri pham domba oro pabileba, nenne talup tangto anden-anden tanep.
Nari samenag a'unag, ‘Nimi arukna urop nimi nhonna, ili phibom agha nubu sirikne urop kom,’ aro ambatsino yubu eneko seneragto el wamlulom. Na, ‘Seklebalul,’ aro unerop nimi wamang tanena, a'unag babe, ‘Seklebaukang,’ aro ulamsukang. Nari ambarelamsino yubu salero ul pirop nimi wamang tanena, a'undi ambarelamsimun yubu babe sindi salero ulamukang.