Lukas 10:16 - Allahri Yubu Nikne Wendogne (apna Samenagne pogtoba)

¹⁶ Wene aro ambatsiogti, Yesusti nen tipto eldi yubu ambatto tongol pirop nimi tanekoag ambarelamsiogti, “Nimi etneri a'undi yubu wali ka'ebale tanena, nari yubu nikag salero ka'elamlul. Nimi etneri a'un sembe karong aro wa'ebahile tanena, na sembe karong aro nikag wa'epto epnelul. Ot nimi etneri na wa'epto epnele tanena, nimi enekori ot na mo aghabog wa'ebanelul kom aghana, na pogneogne poneko babe wa'epto eplul,” aro Yesusti ambatsiog.

Lukas 10:16 Iomraidhean Croise

Matius 10:40

Nen tipto yubu lelamogti, “Nimi etneri a'un toro pipsile tanena, na babe toro pimneloa saog uro ulamlul. Apna nimi etneri na toro pimnele tanena, na pogneogne poneko toro piploa saog uro ulamlul.

Matius 18:5

Apna olog me eneko saog nimi nhon wamleba, nimi etneri nari siag kekhaekto nembaleri, ‘Yesus kiploa saog uro kipnun,’ aro kiplamle tanena, nimi enekori na babe kiplamneloa saog ulamlul,” seog.

Markus 9:37

“Me ologne nene saog nimi nhon wamleba, nimi etneri nari siag kekhaekto nembaleri, ‘Yesus kiploa saog uro kipnun,’ aro toro piple tanena, nimi enekori na babe toro pimneloa saog ulamlul. Na toro kipnelul nimi eneko na mo kipnelul kom aghana, na kipnelenge pere agha na mog so'oag pogneogne poneko babe kiplul,” seog.

Lukas 9:48

Sae kiliro toro sekirogti, sinag ambarelamsiogti, “Nimi etneri me ologne ene nari siag kekhaekto nembaleri, ‘Yesus kiploa saog uro kipnun,’ aro toro kiple tanena, nimi enekori na babe toro kipto pimneloa saog ulamlul. Na toro kipnelul nimi eneko na kipnelenge pere agha na mog so'oag pogneogne poneko babe kiplul. A'un anabiag agha nimi etneri eldamne nimi ologne nenep tangtop tanena, el agha nimi nubunge wamla,” aro Yesusti eldi yubu ka'ero neleptop nangag ambatsiog.

Yohanes 12:44

Yesusti nen yubu mikip uro ambarelamsiogti, “Nanag sikne aro seneragtop nimi nanag mo sikne aro seneragtop kom aghana, na pogneogne ponekoag sikne aro seneraglamla.

Yohanes 12:48

Nari yubu saelban koma wa'epto epnele nimi eneko sembe elag tam karepto pelengkimnepne nhon wamla. Nari lelamna yubu eneri nimi eneko sembe ik komopnag sum tam karebaleri, elag pelengkiplul.

Yohanes 13:20

Nari yubu sikne agha ambatnuahin. Nimi etneri nari yubu poa pogsine nimi toro pipsile tanena, na babe toro pimneloa saog uro ulamlul. Apna nimi etneri na toro pimnele tanena, na pogneogne poneko toro piploa saog uro ulamlul,” aro ambatsiog.

Pogsiog Nang 5:4

Anam kamna kapto tomna komagna, so'o anena anenge. Kamna kaplamdi, toplamag babe anenge. Tam ane anba andi saeag wamla. Aghana sa'a sembe an wanaag orolenange seneraglam? Nimiag orolenange ua ualam kom. Anena Allahag ua ualam,” seog.

Galatia 4:14

Na nongag naikna pukom agha saelbaneogpa, a'undi na loba semban koma yeplamnelum. Na yeplamnelumne a'un sembe olog eraruk aghana, a'undi loba aro kemelopnelum kom. A'un na Allah arukna imagne malaikat wamseneba, kipto tomnohom saog uro kipto tomnelum. Na Yesus Kristus eldamne wamseneba, kipto tomnohom saog uro a'undi na sae salero kipto yepnelum.

1 Tesalonika 4:8

Ane sembe, nimi etneri nari ambatsin yubu nene sembe karong sembaleri, wa'epto liple tanena, nimiri yubu agha wa'epto liplul kom, aghana Allah Eldamne Yame Walinge a'un tarelamsilne poneko wa'epto eplul. Ane sembe wali uro ka'eapmundi, yubu ene salero ul palamlulom.