Lukas 1:6 - Allahri Yubu Nikne Wendogne (apna Samenagne pogtoba)

⁶ Ela'angeap elkelap abeneko Allah whingag wana porog nimi wamdek. Sin phende abenekori ulamdek nena, nu Saelba Uhiropneri aruksirop yubuap, irikahiog yubuap sunsunum uro ni to'opto saelba ulamdekti, nimiap se'el neneptan koma wamdek.

Lukas 1:6 Iomraidhean Croise

Lukas 1:7

Undo wamdek aghana, Elisabet ibiliri me nhon wamsin koma sin sabal tarek.

Lukas 16:15

Og soro yubu nebek aghana, Yesusti ambarelamsiogti, “A'un Farisi nimiri na yubu neplamnelom nimiri a'undam nimi sembe, ‘Na sikne agha uropne nimiri imneikti el taukang,’ aro nimi whingag ul palamlom. Aghana a'undi wanaag seneragha ulamlomne Allah eldamneri el wamla. A'un mog so'oag nimiri, ‘Wali paliag sirik,’ seneropne Allahrina karong, ‘Elel,’ senelamla.

Lukas 2:25

Yesus mangaro yabiog li enekoag as soro kalurop as Yerusalem tanekoag nimi nhon sina Simeon wamog. Elna wana porogne, Allah yubu wali uro saelba ulamogne wamog. Simeon ponekori tiro ulamogne, Allahri Israel nimi yepto paiamsinepne sembe nang-nangaro wamogpa, Allah Eldamne Yame Walingeri elag walia ulamog.

Pogsiog Nang 2:25

Daud ponekori Yesusag uro yabinepne sembe lelamogti, mome toro pibogne ane, ‘Imap so'oap Saelba Uhiropne sinag kweleknag na whingag ua ulamla. Nari sae sirik sibag ua ulamla ane sembe, na wana samsamolamnelul kom.

Pogsiog Nang 23:1

Yahudi nimi sembe tam lelekto kemero kareptop nimi Mahkamah Agama nimi winip tangto wamekpa, Paulusti sinag yop-yoba kembahiog. Yop-yoba kembahiogti yubu lelamogti, “Nangkabo, samenag babe, wene babe, ‘Allahri ililamnel,’ aro ul palamnange nene nari wanari babe, ‘Tam malia uan koma walingeog uan,’ aro wanaag seneraglamnari wamna,” seog.

Pogsiog Nang 24:16

Undo nang-nangaro wana palilamna ane sembe, Allah whingag babe, nimi whingag babe nia mangkina ulamnari, nari wanaag seneraglamnari, ‘Malia uan koma walinge aghabog uahane,’ aro ul palamna.

Pogsiog Nang 8:21

Andi wanaag Allahri seneragna sunsunum uro seneraglamlam kom. Ane sembe nuri sae nimi nongag palilamsiapne, olog babe tam andinge tanep kom.

Roma 8:4

El nongag tam karebaog andarina, Allah Yameri nuri wanaag aruksiropneag nelepto ul palamebenge toman agha Allahri samenag arukahiog yubu sia ambarogne sunsunum uro ul palamukap. Mog so'oag nimiri nongag ul piropneag nelepto ulamukap kom.

1 Korintus 11:2

Nari samenag a'un yubu ambarelamsisinge wali ka'elamlum. Wene babe nari ambatsirop yubu ni ekon tan koma salero ul palamlomne sembe, “Wali ulamlom,” aro kiplamsin.

2 Korintus 1:12

Nuri ulamobonge, “Sikne agha ulamobo,” aro wana awi ulamsilne lag phoro ambatnuahin. Allahri seneropne nunag pipsiogpa, mog so'oag tala-tala wamang nimiap nhon wamobori, wana walingeag agha, “Tibinne mo ulamsebe,” aro ulamobo. A'unap nhon wamobonge babe wana walingeag agha ulamobo. A'unap nhon ulamobonge mog so'oag nimiri wana heksiropne agha ulamobo kom aghana, Allahri nimiag wana yororo senehiropne agha ulamobo.

Filipi 2:15

Undo unulapmun nena, “Allah elme wamnaba, nimiri nanag tam pimneikagti, malia uan koma walinge aghabog uanun,” aro ulamlulom. Malia uan koma wapmundi, Yesus yubu walinge salero ambarelamsululom. Yesus yubu walinge enekori nimi kamag nenehirop yubu wamla. Mog so'oag nimi anabiag malia uan koma wapmundi, Yesus yubu walinge ambarelamsimun tanena, ekel ina inibinag pirop nimi anabiag wapmunne, a'un wap warerop saog urop nimi wamlulom. Nari a'unag, “Undo-undo unulamlulom,” aro ambarelamsin yubu enena, amik Kristus nen samoro yale sum eneko, el sembe nari kilim weanga awe wero tongohiropne neneko, “Teba'en sembaleag,” aro yubu undo ambarelamsin. El nen samoro yale sum eneko a'un Filipi nimiri wali-walia ulapmunne neneko ipsileba, nari babe, “Ali semban koma elag ambatneri, ‘Nari awe wel tongolamnange pere agha wali-walia unulamang,’ aro ambatnun,” senelamnari a'unag, “Undo-undo unulamlulom,” aro ambarelamsin.

Kolose 1:22

Aisange nembamlum aghana, wene Elme nimi nong tebaogne pere agha a'unap elap nimi pali walinge nenero ma'amsil. “Nen ma'abahinun,” aro seneraglamog nena, “Nimi tanekori na Allahri seneropne sunsunum uro ulamikti, malinge uropne nhon sinag ipsinep komdina, sinag tam pimnep kom. Na whingag whi uro sekamukang,” aro a'un elap ma'amsil.

1 Tesalonika 3:13

A'un sembe molbarelamsiap nena, “Yesus nu Saelba Uhiropne ponekori a'undi seneragna wana mikip nenelamsile andarina, el yalamle sum eneko Yesus eldamneri o'omne aro wepsirop nimiap nhon yaikpa, a'unag tam pimna koma Nuni Allah whingag wali uro wamlulom,” aro a'un sembe molbarelamsiap.

2 Petrus 3:14

Nari wanaag wamlom nimi, ni undo uro yabilulne sembe a'undi nang-nangaro tilamlom ane sembe, a'undi wanaag seneraglapmundi, “Nuri uroba kemelamsileri, walingeog iplul. Nunag tam pimna koma elap nhon ma'ap tangto wamukap,” aro sol wali uro ulamlulom.

1 Yohanes 2:29

“El wana porogne wamla,” aro el uro wamlom. Ane sembe nimi etneri wana porogneag agha sikne ulamla tanena, nimi eneko sembe, “El wana porogne poneko agha mangap taogne wamla,” aro el uro wamlom.

1 Yohanes 2:3

Elap nimi pali wamapne keknep tanep nena, eldi nunag aruksirop yubu ka'ero ulamebe tanena, “Elap tapto nimi pali wamap,” aro el tanep.

1 Yohanes 3:7

Namabo, tam nene sembe sengkwanektop yubu ambatsiikpa, a'un ekel ina nelebahiseng kom. Nimi nhondi wana porogneag agha ul palamla tanena, Kristus poneko wana porogne wamla saog uro nimi eneko babe wana porog nimi wamla.