Lukas 1:41 - Allahri Yubu Nikne Wendogne (apna Samenagne pogtoba)

⁴¹ Mariari, “Naba naro'el,” aro kiplamogha Elisabetti ka'elamog abeneko pere, Elisabet me monag wamog me eneko awiri lopna agha piloa saog uaogti, lebe seog. Me eneko lebe seogpa, Allah Eldamne Yame Walingeri Elisabet nongag to'opto wa'ina uaog.

Lukas 1:41 Iomraidhean Croise

Lukas 1:67

Yohanes ili Zakharia ponekona, Allah Eldamne Yame Walingeri elag wa'ina to'opto ulamogpa, Zakharia ponekori Allah yubu silimu tipto ambarelamsiog. Allah yubu silimu tipto ambarelamsiogti,

Lukas 1:44

Andi na kiplamnelamne ka'elamnaag agha me nari monag wamlange awi loloro sembaldi, lopna agha piloa saog ualdi, lebe sel.

Pogsiog Nang 4:8

Wene aro haibahiekpa, Allah Eldamne Yame Walingeri Petrus nongag to'opto wa'ina mikipne pibog. Mikipne pibogpa, Petrusti yubu ambarelamsiogti, “Nani yabo a'un Yahudi nimi saelbamsilom nangap, wenehirop nangap, nari yubu lemnunne ka'eamlulom!

Pogsiog Nang 2:4

Sinag pulamsiogti, Allah Eldamne Yame Walingeri sin nongag to'opto wa'isiogti, mikipne pipsiog. Mikipne pipsiogpa, sin ekon yubu ka'eptanep kom yubuag alnibaekti, a'ero-a'erop yubuag Allah Yame Walingeri tatsiogha sunsunum uro lelamek.

Pogsiog Nang 7:55

Wanaag yo uro seneraglamekpa, Allah Eldamne Yame Walingeri seneragna Stefanusti wanaag to'opto pibogpa, imag tiwalengelamog. Stefanusti tiwalengelamogpa, Allah ua urobag Allah imang wareropne sae sirik sip Yesus sekamogha tiwalengkaog.

Lag Taogha 1:10

Nu Saelba Ulamsilne poneko omekto winirop sum Allah Yame Walinge nanag taneori yepneoba, ka'elamnoba yubu nubu uro na wailag siba nanag yubu lelamo. Nanag yubu lelamonge yubu lilim neneko ma'i lom pho aroba trompet yubu lilim nubu uro lerop saog uro yubu lelamoa ka'ebano.

Efesus 5:18

Mag yonge telapmunneri nenek saelbahileag aro maikno uro teheng kom. Maikno uro terop tanena, seneragna koma salik-malik ul pinep ane sembe, undo unuaheng kom. Ot a'undam nimi welapmundi, “Allah Yame nanag teknero wamnelul,” aro weamsut.

Pogsiog Nang 6:3

Ane sembe nangkabo, nimi saekpare wepsululom. Wepsululom nimina, Allah Eldamne Yameri seneragna sunsunum uro wanaag seneraglamangdi, wana maro hekto seneraglamangdi, walia ulamangba, ililamsilom nimi nusamag agha nimi saekpare wepsululom. Wepsimunba, ‘Sol wali, wali uro kwaneng toro tenne kelabo yauog taek kelabo nika-nika uro tarelamsululom,’ aro nimi saekpare tanekoag ambatsiberi wepsukap. Wepsibeba sindi saelbamikti, nimi yeplamsukang.

Lukas 4:1

Yesus mag Yordan inaag anekoa laploa palamog abeneko Allah Eldamne Yame Walingeri seneragna Yesusti wanaag to'opto taogti, Yesus poa lebogti, pai aldesag poa piog.

Lukas 1:40

Maria kel eneko Zakharia ponekori aeag wa'al piogti, Elisabetag Maria kel enekori, “Naba naro'el,” aro kibog.

Lukas 1:42

Elisabet nongag to'opto wa'ina uaogpa, Elisabetti Mariaag yubu lelamogti, “Naba naipsa'el! Kelabo yogne babe wamang aghana, an agha Imagne ponekori, ‘Walia uaneri tatsinun,’ senelamlange sik tapto tatkelul. Andi me mangaro amen me eneko sembe babe walia aghabog senelamsildi, elag walia ualul.

Pogsiog Nang 9:17

Wene seogpa, Ananias piogti, ae enekoag wa'al piog. Wa'al piogti, Saulus nongag sae palilamogti, “Saulus nangkae. Nu Saelba Uhiropne Yesus, an inaag yalamomba, lag taonge ponekori nanag yubu ambatnel. Ambarelamneldi, ‘Saulusag pimenba, an sae pere agha Saulusti haing kwelekaleba, Allah Eldamne Yame Walinge el nongag to'opto wa'ileri, mikip nembalul,’ aro anag pognelba yan,” seog.