Lukas 1:3 - Allahri Yubu Nikne Wendogne (apna Samenagne pogtoba)

³ Wene aro mome toro pibongba, nari babe Yesusti alniro ni aneko ulamogneag agha lelekto kembanori, nangkae an sembe, “Wali lelekto mome toro pimnun,” sembanori mome toro palilamna.

Lukas 1:3 Iomraidhean Croise

Lukas 1:1

Teofilus naba nani! Nu wamaba anabiag agha nimi maiknori mome toro palilamongdi, “Allah Yubu sunsunum uro sunup taogne sembe tam wali uro lelekto mome toro pimnun,” aro tobong.

Pogsiog Nang 1:1

Teofilus nani, samenag mome pipsinge ane. Yesusti alniro ulamogti, yubu ambarelamsiogti, imag yingkiogpa, ni ulamogne sembe mome toro pipsi. El poneko anam imag yingkin komag Allah Eldamne Yame Walinge elag wamogpa, Yesusti nimi aobare wepsiogti pogsiog. Yesusti wepto pogsiog nang tanekoag, “A'undi nia mangkina undo-undo ulamlulom,” aro arukahiogpa, Allah imagneri kiliro tobogha sembe mome toro pipsi.

Pogsiog Nang 11:4

Wene alamekpa, Petrusti anam alniro yabioghag agha uro yabiogne ni ambarelamsiogti,

Pogsiog Nang 15:19

Undo Allahri, ‘Daudti ae kalun ae wendogne saog urop ae soro sekitnun,’ aro ambatsiogne ane sembe, na mori tam karebanne lemnuan. Yahudi sisa kom nimiri malinge seneragto ulamangne laplobi agha Allahri senenne salero ul palamang nimi taneko sembe ikin nembaukap kom sembamna.

Pogsiog Nang 15:25

Ane sembe nuri ka'ebabori, nu ma'aro wamobori, yubu nikne lebobori, ‘Nungkabo wanaagne Barnabasap Paulusap nhon pululom,’ aro nimi phende ero wepsibori, poghol alamsiap.

Pogsiog Nang 15:28

Ambatsurukang nena, Allahri Eldamne Yame Walingeri senelamlange nunag el nenelamsiori, ‘Tam ikinne maikno Yahudi sisa kom nimiag piplulom kom,’ aro el nembahioba, wali senelamap. Ot Allah yubu sunsunum uro irikna ologha ane, ‘Ualulom kom,’ aro yubu lel pang-pang mome ane palilamap. ‘Lebe aroba eneng la'imbaleag,’ aro homamanga lepto oroba sopap, enengap telamlulom kom. Eneng lambaleba, sop agha telamlulom. Ora nimiri, ‘Mem phabaukap,’ aro lebe aroba sop palilamikti, mektop sop babe yoro tarelamsiikpa, telamlulom kom. Apna nengaboap kelaboap top tangkamna koma salik-malik walel dalamseng kom. ‘Teheng kom, uaheng kom,’ aro palilamapne nene saelba ul palapmunba, a'un wali wamlulom. Nangkabo ot abenda ambatsiap,” aro mome toro pibek.

Pogsiog Nang 18:23

As Antiokhia aneko pina wamogha, lanaro kemeroa yabalamsiogti, mog so'o Galatia ina agha mog so'o Frigia ina agha ni kemelamsiogti, Yesus yubu ka'ero neleplamek nimi wana mikip nenelamsiog.

Pogsiog Nang 23:26

“Na Klaudius Lisiasti nani nubunge walinge Feliks aro kiplangken.

Pogsiog Nang 24:3

Nani andi ulamomne nu niri sop-sop ililamapti, ‘Wah, Feliks walinge, nani,’ aro kiplangkeap.

Pogsiog Nang 26:25

Wene seogpa, Paulusti samoro, “Na serem saelbanelba, lelamna kom. Festus nani walinge, na seneragna walinge sik yubu lelamna.

1 Korintus 16:12

Apna nungkae Apolos poneko sembe, nari elag wenelamnori, “Nungkabo Korintus nimiag mome ene pabahinep nimiap nhon pululom,” aro maiknoro wenelamno. Maiknoro, “Pululam,” aro wenelamno aghana, “Erarukti wene pinun kom,” seo. Amik pa'asea sum elag taleba, a'unag yalul.

1 Korintus 7:40

Kel eneko nengabori nen maupto tonne hae aghana, nari senelamnange, nengabori nen tomna koma el mo wamleba, kel enekoag yeng maikno ualul senelamna. Nari seneragto lemnange babe Allah Eldamne Yame Walinge nanag wamnelba, seneragto lemna semban.

1 Timotius 4:6

Ni ambatkenne nene, nungkabo tangtop nimi Yesusag seneragtop nimiag ambarelamsimen tanena, anna Kristus Yesus sembe awe wali uro toro ul piro yeptopne wamlulam. Allahag sikne aro wana paliropne sembe wali uro amoro ambatkebonge sunsunum uro wene ul palamlamdi, nen tipto yubu sikne wali uro amoro ambarelamsululam. Yubu sikne amoro ambatkebonge sunsunum uro ambarelamsimen tanena, yubu eneko andamne wanaag meptaleri, mikip nenelangkelul.