Lukas 1:11 - Allahri Yubu Nikne Wendogne (apna Samenagne pogtoba)

¹¹ Zakhariari Allahag song walia aukag aneko talamog abeneko pere, imap so'oap Saelba Uhiropneri arukna imagne malaikat yingkina song walia Allah sembe aukag tamnep hao sin sae sirik sip sekamogha Zakharia whingag lag taog.

Lukas 1:11 Iomraidhean Croise

Lukas 1:19

Wene aro lebogpa, Allah arukna imagne malaikat anekori Zakharia ponekoag samoro yubu lelamogti, “Na Allah arukna Allah whingag, ‘Eldi awe tomnun,’ aro sop-sop sekamnange si Gabriel wamna. Nuni Allahri nanag arukto, ‘Yubu walinge nene ambarel yingkilulam,’ aro pogholanelba, yingkina ambarelangken.

Lukas 1:28

Allah arukna malaikat aneko Maria kel enekoag yaogti, yubu kipto lelamogti, “Namangkel, wana awi sembae! Imap so'oap Saelba Uhiropneri wana walingeag agha o'ona sembangkeldi, eldi an paiangkel,” aro kibog.

Lukas 2:10

Log lelem lo'om seek aghana, Allah arukna imagne malaikat anekori yubu lelamogti, “A'un log sembaheng kom! Nari yubu walinge a'un ambarel ahinne, ‘Nimi ni yeng maikno sembaukang,’ aro yubu walinge payan.

Lukas 2:9

Pham domba paiamsiekti wamekpa, lo'om aro imap so'oap Saelba Uhiropneri arukna imagne malaikat nhon sin whingag lag taog. Sin whingag lag talamogpa, Allah imang wareropne sinag warekto warelamsiogpa, sin log lelem lo'om seek.

Pogsiog Nang 5:19

Kop aeag tobongkahiek aghana, inipnag nu Saelba Uhiropneri el arukna imagne malaikat nhon poghogpa, kulukul aogti, kop ae ina siram taneko kupto lambahiog.

Ibrani 1:14

Allahri arukna imagnang malaikat ni tanekona, Allahri sin, “Awe tol pululom,” aro poglamsil yame wamang. Sin poghol alamsil awena, Allahri mog so'oag nimi sembe, “Sin taulbahineri tatsinun,” senelamsil nimi sembe, “Yepsukang,” aro Allahri malaikat poglamsil.

Lag Taogha 9:13

Neneko uro yabioba, Allah arukna malaikat no'opne ponekori ma'i pho seo. Pho seoba, ka'elamnoag agha, yubu lelamonge Allah sembe pairo auk mhong towalengero tamnebag agha ka'ebano. Allah whingag anekoa emas agha sunuroba Allah sembe auk mhong towalengero tamnebag wamogpa, ingkis tombare nenekoag pinu yagne tombare wamogne nenekoag agha, yubu lelamonge ka'ebano.