Filemon 1:1 - Allahri Yubu Nikne Wendogne (apna Samenagne pogtoba)

^1-2 Nangkabo! Na Paulusti mome neneag agha a'un kiplamsin. Na Paulusti nimiag ambarelamsin nena, Allahri wepto poghogne Kristus Yesus poneko sembe yubu ambarelamsin aghana, nimiri karongdi na sae kaupto kop aeag paiamneangba, mome nene a'un sembe palilamna. Nanap nungkae Yesusag sikne aro wana paliropne Timotiusap wamnamdi kiplamsinam. A'un kiplamsinam nimina, an Filemon sembe, “Nu babe awe nikne torop nimi wamap,” aro wanaagne wamlamba kiplangkenam. Allah elmabo andi aeag winil dalamang nimi babe kiplamsinam. Apna Yesusag sikne aro wana palirop kel Apfia sembe, “Nunipsa'el,” aro kiplamnam. Nungkae Arkhipus sembe, “Awe nikne wel tongolamapba, aisa nenep tangtop nangdi nu malia ulamsiangba, nik nimi wamap,” aro kiplamnam.

Filemon 1:1 Iomraidhean Croise

Pogsiog Nang 16:1

Paulus palamogha as Derbea nen as Listra piog. Ae Listra anekoa palamogpa, nimi nhon Yesus yubu ka'ero neleplamog nimi nhon si Timotius wamog. Timotius ilinna Yahudi kel, Yesusag sikne aro wana palilamog kel wamogpa, Timotius ili ponekona Yunaninge wamog.

1 Korintus 3:9

Nari sunumna tomnange nenekoag nanap elap awe nikne tolamnam. A'un Allahri awe saog wamlom. Nen sunumna nhonag tol pina sumbatnuahin. A'un Allahri ae soroba nhon saog wamlomba,

2 Korintus 1:1

Nangkabo, na Paulusti a'un as soro kalurop as Korintus wamlom nimiag mome toro palilamna. Allahri seneropne sunsunum uro eldi wepto poghogne Kristus Yesus ponekori na Paulus wepneogti, “Nari yubu ambatto tongolamsululam,” aro pogneog. A'un Allahri kelmabo maboap Yesusag wana paliro winip tangtop nimi sembe mome toro palilamna. Nungkae Timotiusapti a'un kiplamsinam. Apna a'un Akhaya so'oag tala-tala wamlomba, Allahri a'un, “Nari kelmabo me walingeog talulom,” aro wepsiog nimi wamlomne, nuri a'un nhin kiplamsinam.

Galatia 3:26

Wenena, a'undi Yesus Kristusag sikne aro wana palilamlomdi, Yesus Kristusap ma'al dalamlom. A'un wanaag agha, “Na Kristusap ma'ap tahaneme,” aro a'unag kekneba nenero maghag pelengkahiong tanena, a'un niri Kristusap ma'ap tangtopne agha a'un nongag kalup tangka wamlom. Ane sembe elap ma'ap tangtopne agha Allah elmabo taom.

Efesus 3:1

Ane sembe na, Paulus kop aeag tobongkimneek nena, Kristus Yesusti a'un Yahudi kom nimi wali nenehinne sembe ulamsiba, nimiri na sae kaupto kop aeag tobongkimneek.

Efesus 4:1

Nangkabo! Nanap nu Saelba Uhiropne ponekoap ma'al dalamnamne sembe haing sae kaupto kop aeag tobongkimneong. Ni yubu ambatsinne nene kilbi agha, nari a'un wenelamsin nena, Allahri a'un yopsiori, “Nari mabori undo unulamukang,” senenne sunsunum uro ul palamlulom.

Efesus 6:20

Allahri nanag, “Yubu walinge neneko ambarel phululam,” aro pogneogpa, yubu ambarelamsinne sembe nimiri na salero haing sae kaupto kop aeag tobongkimneong. Ane sembe Allahag molona na sembe molbarelamnumun andarina, Allahri nanag, “Ambarel phululam,” seogne sunsunum uro log kom uro lag phoro ambarelamsinun.

Filipi 1:1

Nungkabo! Na Paulusap, nangkae Timotiusap Yesus Kristus ponekori arukna wamnamdi, mome neneag agha a'un kiplamsinam. Allahri a'un sembe, “Namabo taukang,” aro wepsiogpa, a'undi Yesusag sikne aro wana palilamlomdi, elap ma'ap taom. Elap ma'ap taomdi, Allah elmabo taom nimi as soro kalurop as Filipi wamlom nimi ni, “Nungkabo,” aro kiplamsinam. Apna nungkabo as Filipi nimi sembe Allah elmabo paia uhirop nangap, Allah elmabo yepto tongohirop nimiap a'un kiplamsinam.

Filipi 2:25

Nangkae Yesusag wana paliropne Epafroditus a'undi nanag pogholaomne poneko nen sap a'unag wali pogholanun sembamna. El pogholaomne poneko nanap nhon awe nikne wel tongolamnomoba, nu aisa nenep tangtop nimiri nu, “Luknubahukap,” aro ulamsiongba, Yesus yubu walinge pelepto sikne lag nenelamsinomo. El samen naiklamoba, a'un el tahio. A'un el sembe el uro wamlomba, “Log sembaikag,” aro el wana ikin uro a'un sembe, “Wela wamang aro kemel pihisene,” senelamla. Ane sembe wene el nen a'unag pognepneog wamla sembamna.

Filipi 4:3

Nangkae Sunsugos, an wana wali uro sol wali uro nanap nhon tolamnam. Anag moloro ambarelangken nena, “Sin kelabo phende nen tipto a'ep taikagti, andi yeplamsululam,” aro mololangken. Sin kelabo abeneko nanap nhon Yesus yubu walinge sembe kilim weanga awe tolamobongena, nungkae Klemensap, yog nimiapti nanap nhon tolamobo saog uro sin kelabo abenekoapti babe awe nikne tolamobo. Sin nanap nhon awe tolamobo nimi tanekona, Allahri el wamsildi, nimi ya'ag uro kamag wamnep nimi si mome toro pairoba anekoag sindi si wamla.

Kolose 1:1

Nangkabo, na Paulusti a'un as Kolose wamlom nimi kiplamsin. Na Paulusna, Allahri yeng senenneag agha Yesus Kristus ponekori na wepto pogneog. Na Paulusap nungkae Timotiusapti kiplamsinam. A'un Allahri, “Namabo taukang,” aro a'un wepsiogpa, a'undi Allahri wepto poghogne Kristus ponekoag sikne aro wana palilamlomdi, elap ma'al dalamlomdi, nungkabo tangtop nimi wamlom. “Nuni Allah ponekori wana a'unag yororo walia ulamsileri, a'un wana aingnilamsilul,” senelamnamdi a'un sembe molbarelamsinam.

Kolose 4:11

Yustus, si nhon Yesus ponekori babe a'un kiplamsil. Ot sin taneko mo Yahudi nimi kon kareptop nimi agha nanap wamapti, Allahri mog so'oag nimi saelba uhiroba sembe awe nikne toro yubu ambatto tongolamsiap. Sin nimi tanekori wana mikip nenero yeplamneang.

1 Tesalonika 3:2

nungkae Timotius mo pognunam,” sembanomo. Nungkae Timotius nunap awe nikne Allah sembe tolamubunge poneko a'unag poglamnomori, “Allahri wepto poghogne Kristus sembe Timotiusti yubu walinge ambarel pihilul. Ambarelamsileri Tesalonika nimiri Yesusag wana palilamang nimi wana mikip nembahileba, wana khapto wamukang,” sembanomori Timotius pogholanomo.

2 Tesalonika 1:1

Nangkabo! A'un Nuni Allahap nu Saelba Uhiropne Yesus Kristusap ma'ap tangtop nimi as Tesalonika winil dalamlom nimi sembe mome toro palilamap. Nu Paulusap Silwanusap Timotiusapti a'un kiplamsiap.

2 Timotius 1:8

Mikipne pipkeo ane sembe, nu Saelba Uhiropne Yesus poneko sembe ali semban koma lag phoro ambarelamsululam. Na babe Yesus yubu walinge ambarelamsinoba, nimiri na sae kaupto kop aeag tobongkimneong aghana, wamnange sembe babe ali sembaheng kom. Nari Yesus yubu walinge ambarelamsinne sembe seklelamna aghana, Allahri an seklelapmenag mikip nenelangkeleba, andi babe Yesus yubu walinge ambarelamsululam.

Filemon 1:23

Nungkae Epafras ponekona, el Kristus Yesusap ma'ap tangto wamlange sembe nimiri el kop aeag tobongkibongpa, nanap nikag wamnam. Eldi babe anag, “Nangkae,” aro kiplangkel.

Filemon 1:24

Nanap awe nikne tolamap nimina, Markusap, Aristarkhusap, Demasap, Lukasapti babe an kiplangkeap.

Filemon 1:9

“Undo ualulam,” senep aghana, o'ona senehinne pere agha nari anag molona agha Onesimus sembe mololangken. Na Paulus wene sabal wamna aghana, Yesus Kristus poneko sembe awe toro ulamnaba, nimiri na salero sae kaupto kop aeag tobongkimneongba wamna.