Kəlɔm 6:2 - Kitabu ka Kanu

² «Məloku aka Yisrayel, məloku ŋa: Kɔ wərkun kɔ pəyɔnɛ fɛ ti wəran, ɛndɛrəm kəpusnɛ kəsɔŋnɛ ina MARIKI-ɛ, kədɛrəm ka kəŋɛrnɛ kɔ,

Kəlɔm 6:2 Iomraidhean Croise

Kəwur 33:16

Cəke c'andetam kəcərɛ a məyɛk-yɛk su ina kɔ afum am-ɛ? Kəyi kam su dacɔ gbəcərəm kəntam kəmentər kəgbɛy kosu kɔ afum alpəs aka doru.»

ALewy 20:26

Nəyɔnɛ afum acempi apus nnɔ iyi mɔ, bawo ina MARIKI, incemp. Iŋgbɛy nu kɔ afum alpəs aŋɛ ntɛ tɔŋsɔŋɛ nəyɔnɛ akemi mɔ.

ALewy 27:2

«Məloku aka Yisrayel: Kɔ fum ɛndɛrəm kəsɔŋ ka fum wəlɔma teta yɛbəc ya MARIKI-ɛ, pəmar wəkayi pəwurusɛ kɔ pəsam mpɛ pɛntəŋnɛ kəway ka kəwurusɛ fum nkɛ ambonc nde aŋgbip ŋosoku mɔ, nkɔn pəlɛk fum kɔn.

Kəlɔm 30:3

Kɔ fum ɛndɛrəm kəkɛrɛ MARIKI poloŋnɛ, kɔ pəyɔnɛ fɛ ti pəŋaŋnɛ tes tɔlɔma, pəmar fɛ pəyi ta ɛlas dim dɔn-ɛ, pəyɔ tɔkɔ oloku mɔ.

Kəlɔm 6:1

Kɔ MARIKI oloku Musa:

Kəbaru Kətɔt ka Luk 1:15

Bawo fum wəpɔŋ endeyi fɔr ya Mariki kiriŋ, ɔfɔde pəcmun member, ɔfɔde pəcmun yomunəs nyɛ yencisəs mɔ, endelarɛ Amera Ŋecempi ŋa Kanu pəsɔrɔyi kɛrɛ dəkor.

Yɛbəc ya Asom a Yesu 18:18

Kɔ Pol owon dare da Kɔrɛnt mataka mɔlɔma, k'ender pəlembərnɛ awɛnc aŋa alaŋ, k'ɛlɛk abil kəkɔ atɔf ŋa Siri, nkɔn, Pirsila kɔ Akila. K'ofonnɛ domp nde dare da Seŋkəre kəmentər ka kəlip ka tes ntɛ ɛnadermɛ teta Kanu mɔ.