PUNJA MƐYASI 3:3 - Kako

³ Paŋ pa takɛ nda yi wɛ wokuma nɛ mɛlɛpi mɛ Njambiyɛ ɓu̧ nɛ yo kɛ́. Ɓakiɗya mɛlɛpi mɛte, yeŋsa temɔ. Ma ŋgɛ wɛ ti ɗiyɛ nɛ sɔsɔ na, yite mi ta nje pɛ yɔ nda mɔ guɓɔ. Wɛ tí duwɛ ŋgimɔ te yi mi ta nje ŋgbakɛ wɛ kɛte kɛ́ na.

PUNJA MƐYASI 3:3 Iomraidhean Croise

MATIYO 25:13

Ɗete, wunɛ pɛ̂m yasi, kɛto wunɛ yeti kɛ duwɛ yesɔ ko hawa te yi *Mɔnɔ mumɔ ta ɗya̧ kɛte kɛ́ na.

MARK 13:33

Wunɛ ɗîy nɛ sɔsɔ, wunɛ pɛ̂m yasi, kɛto wunɛ yeti kɛ duwɛ ŋgimɔ te yi mɛyasi mɛte ta ɗya kɛte kɛ́ na.

MARK 13:36

Wunɛ pɛ̂m yasi, kambɔ a mɛ nje ɗya̧ nɛ ɓɛlɛm dɔŋgiɗye wunɛ kɛ jakɔ.

1 TESALONIK 5:2

Kɛto wunɛ nɛ ŋguru wun kɛ kombile duwɛ nde, *Yesɔ Nyaŋgwɛ Kumande ta ŋgbakɛ wusɛ ŋgbaka nda yi mɔ guɓɔ nje nɔ nɛ tu kɛ́.

1 TIMƆTE 6:20

Ma Timɔte, ɓakiɗya yasi kɛ yi Njambiyɛ sima kaŋɛ nyɛ wɛ kɛ́ kimɔte. Wɛ tî nyɛki numbu yɔ kɛ yaw yaw mɛlɛpi na. Wɛ tî nyɛki sendi numbu kɛ mɛlombɔ mɛte yi wulɛ kɛ teɗya yasi te yi ɓo lɛpɛ lɛpɔ nde faŋ duwa̧ yasi kɛ́ na.

2 TIMƆTE 1:13

Wɛ wokuma kpasa mɛlɛpi mɛte yi punduma kɛ numbu mbɛ kɛ́. Kelɔ ndi nda yi yo lɛpɛ kɛ́. Ɓeŋgwɛ yo nɛ kwɛt kwɛt yí teɗye nde, wɛ kɛ tikɔ temɔ kɛ yi Njambiyɛ, sendi, wɛ nɛ mɛkwaɗya, kɛto wúnɛ Krist Yesus saŋgwate.

ƁEHEBERE 2:1

Ma ɗete, wusɛ ɓâkiɗya mɛlɛpi mɛte yi wusɛ wokuma kɛ́ nɛ gbem, kambɔ hɛ mɛ nje yambile ɗuwɛ kɛ kimɔ nje.

2 PIYƐR 1:13

Ko ɗete, ŋgimɔ hɛnɛ te yi mi ndi kɛ kɛ̀ mbɔmbu yí joŋna kɛ mɛnɛti maka, mi ɓɛ́ŋa kimɔte nde, mi kɛ̂n mbɔmbu yí gba ɗyanɔ ɗyun kɛ mɛyasi mɛte, nɛ́ wunɛ ɗiy mɛjemsiɗyɛ.

2 PIYƐR 3:1

Wunɛ njɔŋ, wunɛ sɔŋ temɔ mbɛ, mɛkana yiɓate yi mi kɛtɛ kɛnjɛ wunɛ kɛ́. Kɛ mɛkana mɛte hɛnɛ yiɓa, mi kɛ gba ɗyanɔ ɗyun, nɛ́ wunɛ kɛ̀ mbɔmbu takɛ mɛyasi mɛte yi wunɛ sima duwɛ kɛ́. Mi kél ɗete yí jemɛ nɛ wunɛ, nɛ́ wunɛ taki mɛyasi mɛte kimɔte nɛ ŋgbeŋ ɗyanɔ.

2 PIYƐR 3:10

Ndi nde, *Yesɔ te yi Baba Mbokɔ ta nje kɛte kɛ́ ta ŋgbakɛ wusɛ ŋgbaka nda mɔ guɓɔ. Yesɔ te, ɗyoɓɔ ta kwa̧ yambile nɛ ɓeya nyaŋgwɛ mɛɗuŋ. Mɛyasi mɛte yi ɗiyɛ kɛ kwey kɛ́ ta lolɔ kusiyɛ yambile. Mɛnɛti nɛ̀ mɛyasi mɛte yi ɗiyɛ kɛte kɛ́ ta lolɔ nɛ ŋgito kwa̧ yambile.

PUNJA MƐYASI 16:15

Ɛ mɛn te yi mi wokuma kɛ́ lɛpɛ nde: «Ɓɛŋa, mi yima nda mɔ guɓɔ! Mɔ te ɛ ɗiyɛ mɛjemsiɗyɛ ɓakiɗye mɛlambɔ mɛnɛ pupunate kɔ nɛ mɛsosa, kɛto a tí kɛndɔ sɔkɛrɛ, ɓɛ nɛ njɔn kɛ misi mɛ ɓomɔ na.»

PUNJA MƐYASI 2:25

Siya te ndi nde, wunɛ kômbila ɓakiɗye yasi te yi ɓo teɗya wunɛ kɛ́ nɛ gbem kumɔ kɛ ŋgimɔ te yi mi ta nje kɛ́.

PUNJA MƐYASI 2:5

Ɗete, yɔkiɗya misi ɓɛŋɛ mbɛy te yi wɛ kɔpuma kɛte kɛ́. Yeŋsaŋgwɛ temɔ yɔkwɛ nɛ kɔkɔ joŋna nda yi wɛ ɗikima joŋna nɛ mbɔmbu kɛ́. Kɛ ti ɓɛ ɗete na, mi ta nje kɛ yɔ, mi má soŋɛ yasi kasa lambo te wɔ kɛ mbɛy te, ŋgɛ wɛ ti yeŋsa temɔ yɔkwɛ nɛ kɔkɔ na.

PUNJA MƐYASI 22:7

Kumande Yesus nde: «Ɓɛŋa, mi yima nɛdɔ! Mɔ te ɛ ɓakiɗye mɛlɛpi mɛte yi Njambiyɛ punja kɛ mɛkana maka kɛ́ nɛ mɛsosa.»

PUNJA MƐYASI 3:11

Mi yima nɛdɔ! Kombila ɓakiɗye yasi te yi ɓo teɗya wɛ kɛ́ nɛ gbem, kambɔ mumɔ mɛ nje ɓu̧ ɗuŋgwɛ yɔ.

PUNJA MƐYASI 3:19

Mi ndeya mbɛ teɗye mɛbɔnɛ nyɛ ɓomɔ hɛnɛ ɓe mi kwaɗyɛ yí kitɛ nɛ ɓo. Ma ɗete, nyɛkɔ temɔ yɔ hɛnɛ kɛ mɛsay, yeŋsa sendi temɔ.

PUNJA MƐYASI 3:2

Jemkwɛ, jelkwɛ ɓukwɛ yasi te yi kɛ si gwe kɛ́, kɛto mi ɓɛŋma nde, mɛkele mɔ yeti nɛ njololo kɛ mbɔmbu Njambiyɛ wombɛ na.