PUNJA MƐYASI 3:1 - Kako

¹ Ɛ mɛn kɛ̀ mbɔmbu lɛpɔ nde: «Kɛtɔ mɛkana kɛnjɛ jaki te ɛ kɛndɛ nɛ njɔŋ ɓotu ɓete ɓe tikɛ temɔ kɛ yembɛ kɛ Sardɛs nde: Wokɔ yasi te yi mɔ te ɛ nɛ mɛsisiŋ Njambiyɛ yitan jɔ yiɓa ɓe ɗiyɛ kɛ mbɔmbu wenɛ lɛpɛ kɛ́. A sendi nɛ ɓesisɔ̧ yitan jɔ yiɓa. Ɛ nde: Mi duwa̧ mɛkele mɔ. Ɓo kɛ lɛpɔ nde, wɛ nɛ joŋ, ase nde, wɛ mɛ muŋte.

PUNJA MƐYASI 3:1 Iomraidhean Croise

LUKAS 15:24

kɛto mɔnmbɛ kɔ gwa̧, ndana a womiya. A ɗimbiya, ndana hɛ dolma nyɛ.› Ɛ ɓo kandɛ jesɔ.

LUKAS 15:32

Yasi wɛtɛ, yakama nde, wusɛ sôsaŋgwɛ kelɔ jesɔ, kɛto mɔŋ kɔ gwa̧, ndana a womiya. A ɗimbiya, ndana hɛ dolma nyɛ.› »

Kimɔ Tom Yesus Krist te yi Jaŋ kɛtima 1:16

Wusɛ hɛnɛ ɓoŋma kwalɔ kimɔ mɛyasi hɛnɛ te yi yo tondunate kɛ mɔy temɔ nɛ kɛ́.

Kimɔ Tom Yesus Krist te yi Jaŋ kɛtima 1:33

Kɛ yembɛ, mi tì ɓɛ mbɛ kɛ duwɛ tɛri nɛ na. Yasi wɛtɛ, yɔkɔ ɛ tomma mi nde, mi njâki tɔpɛ ɓomɔ kɛ mɔrɔku kɔ lɛpima nyɛ mi nde: ‹Mɔ te yi wɛ ta ɓɛŋɛ Kimɔ Sisiŋ kɛ piyɛ nje ɗiyɔ kɛ yotu nɛ kɔ, yo nyɛ ta tɔpɛ ɓomɔ kɛ Kimɔ Sisiŋ.›

Kimɔ Tom Yesus Krist te yi Jaŋ kɛtima 20:22

Kɛ nyɛ ma si lɛpɔ ɗete kɛ́, ɛ nyɛ wumbiɗye ɓo lɛpɔ nde: «Kimɔ Sisiŋ kɛ̂n kɛ yotu yun.

Kimɔ Tom Yesus Krist te yi Jaŋ kɛtima 3:34

Yo nde, yɔkɔ yi Njambiyɛ tomma kɔ lɛ́pi ndi mɛlɛpi mɛ Njambiyɛ, kɛto Njambiyɛ tonja Sisiŋ nɛ kɛ yotu nɛ ndi tu wɛtɛ.

ƁOTU ƁE TOMUN 2:33

Njambiyɛ ɓendiɗya nyɛ tikɔ kɛ mbam ɓɔ nɛ. Ɛ saŋgwɛ nyɛ nyɛ Kimɔ Sisiŋ te yi nyɛ kpoma kɛ́. Yo Kimɔ Sisiŋ te yi nyɛ nya kɛ yotu su kɛ́, yo yo kelɛ nde, wunɛ ɓɛ̂ŋa nɛ̀ wunɛ wôku mɛyasi mɛte yikɛ.

EFƐS 2:1

Ma wunɛ ɓa̧ yun nɛ mbɔmbu muŋte kɛ misi mɛ Njambiyɛ, kɛto mɛjɔsɔ mun nɛ̀ ɓeya mɛyasi mɛte yi wunɛ ɗikima kelɔ sendi kɛ́.

EFƐS 2:5

Yo nde, kɛ ŋgimɔ te yi wusɛ ɓa̧ muŋte kɛ misi mɛnɛ kɛto mɛjɔsɔ musu kɛ́, a kpalma kelɔ nde, wusɛ ɓɛ̂ki nɛ joŋ nɛ kɔkɔ sinɛ ɓe *Krist. Yo kɛto Njambiyɛ nɛ ŋgikwa, yori yi nyɛ joŋgwa nɛ wunɛ kɛ́.

KOLOS 2:13

Wunɛ ɓa̧ mbɔmbu muŋte kɛ misi mɛ Njambiyɛ kɛto mɛjɔsɔ mun. Sendi, wunɛ tì pɛsina nda yi ɓa̧ nde, ɓembam yâkaŋgwɛ kelɔ kɛ́ na. Ma ndana, Njambiyɛ ma nyɛ wunɛ jɔnja joŋgwɛ wúnɛ ɓe Krist tikɔ wusɛ nɛ ŋgwɛtɛ kɛ mɛjɔsɔ musu hɛnɛ.

1 TIMƆTE 5:6

Ma yɔkɔ ɛ joŋna kɛ nyɛm nyɛm joŋgwɛ kɔ mɛ muŋte, ko ɓɛkɔ nde, a nɛ joŋ.

Mɛkana mɛte yi Jak kɛtima 2:26

Ma ŋgɛ sosu ɗuwɛ kɛ yotu mumɔ, mɔ te gwa̧, a mɛ muŋte. Ɗete sendi, ŋgɛ mumɔ tikɛ temɔ kɛ yi Njambiyɛ kinɛ mɛkele na, tikina temɔ te yite muŋte.

1 PIYƐR 1:11

Sisiŋ *Krist yi ɗiyma kɛ yotu yan kɛ́ kandima si lɛpɔ nyɛ ɓo nde, Krist ta saŋgwa nɛ mɛbɔnɛ, kɛ kɔŋte, a má nje ɓɛ nɛ mɛluksa. Ɓotu ɓe punja mɛlɛpi mɛ Njambiyɛ ɓaka saŋma nje te yi duwɛ ŋgimɔ te yi mɛyasi mɛte ta ɗya̧ kɛte nɛ̀ nda yi yo ta kwaŋna kɛ́.

YUDE 1:12

Yo nde, ɓotu ɓenɔri, komɛ wunɛ ɗiki wesiɗya yí ɗyena nda ɓemaŋ kɛ́, ɓo kɛ nje ɗiyɔ kɛ njoka yun nda mɛtari mɛte yi ɗiyɛ sɔɗyate kɛ nji̧ ɗuku. Ɓo kɛ hɔkuma mɛɗye, mɔy nɛ ŋgala ŋgolo kinɛ gwena njɔn na, takɛ ndi nje mɔy yan. Ɓo nda mbiyɔ te yi si yindɔ kɛ ɗyoɓɔ, kɛ kɔŋte, ɗyoɓɔ mɛ nɛ waŋgo, mbiyɔ kwaŋma. Ɓo nda mɛjeti mɛte yi ti wúm mɛmbumɔ kɛ ŋgimɔ te yi yo yâkaŋgwɛ wumɔ kɛ́. Ɓo kɛ gwe mɛŋga yiɓa, kɛto ɓo ma si munɛ ɓo.

PUNJA MƐYASI 1:11

Mɛn te lɛpima nde: «Yasi te yi wɛ ɓɛŋɛ kɛ́ siki kɛtɔ kɛ mɛkana, kɛnjɛ mɛnjɔŋ yitan jɔ yiɓa mɛ ɓotu ɓete ɓe tikɛ temɔ kɛ yembɛ ɓaka. Kɛtɔ kɛnjɛ njɔŋ ɓotu ɓete ɓe Efɛs, ɓe Simirn, ɓe Pɛrgam, ɓe Tiyatir, ɓe Sardɛs, ɓe Filadɛlfi nɛ̀ ɓe Lawodise.»

PUNJA MƐYASI 1:16

A ɓa̧ nɛ ɓesisɔ̧ yitan jɔ yiɓa kɛ mbam ɓɔ nɛ. Wɛtɛ ŋgwele ŋgwele kafa nɛ numbu te yiɓa ɓa̧ kɛ pundɔ kɛ numbu nɛ. Mbɔmbu nɛ ɓa̧ kɛ panɔ nda yol yesɔ sew.

PUNJA MƐYASI 1:20

Wokɔ to yasi te yi ɓɛ sɔɗyate kɛ kasi ɓesisɔ̧ yitan jɔ yiɓate yi wɛ ɓɛŋma kɛ mbam ɓɔ mbɛ nɛ̀ kɛ kasi mɛyasi mɛ kasa lambo kɛte yitan jɔ yiɓa yi ɓa̧ tandɛ lɔr kɛ́. To te ɗekɛ: Ɓesisɔ̧ ɓaka yitan jɔ yiɓa téɗya ɓejaki ɓe Njambiyɛ yitan jɔ yiɓa ɓe kɛndɛ nɛ mɛnjɔŋ yitan jɔ yiɓa mɛ ɓotu ɓete ɓe tikɛ temɔ kɛ yembɛ ɓaka. Mɛyasi mɛ kasa lambo kɛte yitan jɔ yiɓa kɛ téɗya sendi mɛnjɔŋ yitan jɔ yiɓa mɛ ɓotu ɓete ɓe tikɛ temɔ kɛ yembɛ ɓaka.»

PUNJA MƐYASI 1:4

Yo mi Jaŋ kɛtɛ mɛkana maka kɛnjɛ mɛnjɔŋ yitan jɔ yiɓa mɛ ɓotu ɓete ɓe tikɛ temɔ kɛ yi Yesus yi ɗiyɛ kɛ Asi kɛ́. Njambiyɛ kêl ŋgikwa nɛ wunɛ, nyɛ sendi wunɛ tɛte. A ndana kɛte, a ɓa̧ kwey kɛte, a kɛ nje sendi. Mɛsisiŋ Njambiyɛ yitan jɔ yiɓa ɓe ɗiyɛ kɛ mbɔmbu siya ɓekumande nɛ ɓaka kêl sendi ŋgikwa nɛ wunɛ, nyɛ sendi wunɛ tɛte.

PUNJA MƐYASI 2:13

Mi duwa̧ mbɛy te yi wɛ ɗiyɛ kɛte kɛ́. Yo mbɛy te yi *Satan namɛ kɛ́. Ma wɛ ndi kɛ kɛ̀ mbɔmbu yí ɓakiɗye ɗinɔ ɗyembɛ jeliyɛ. Sendi, wɛ tì tonɛ tikina temɔ te yi wɛ tikɛ kɛ yembɛ kɛ́ na, ko kɛ ŋgimɔ te yi ɓo woma nɛ Antipas te ɛ lɛpima mɛyasi mɛte yi nyɛ duwa̧ nɛ ŋgbak ŋgbak kɛ kasi mbɛ nyɛ ɓomɔ kɛ́. Ɓo wóku nyɛ ndi kɛ mbɛy komɛ wunɛ ɗiyɛ kɛ́, kɛ mbɛy te yi Satan ɓɛ nɛ mbɛy ɗiyɔ nɛ kɛ́.

PUNJA MƐYASI 2:19

Mi duwa̧ mɛkele mɔ nɛ̀ temɔ mɛkwaɗya mɔ, duwɛ nde, wɛ kɛ tikɔ temɔ kɛ yembɛ. Mi duwa̧ sendi nda yi wɛ kɛ̀ mbɔmbu yí tonjɛ nɛ mɛsay kɛ́. Mi duwa̧ tiŋ yɔ, duwɛ nde, mɛsay mɛte yi wɛ kelɛ ndana kɛ́ ɓuyɛ kwa̧ yi mbɔmbu.

PUNJA MƐYASI 2:2

Mi duwa̧ mɛkele mɔ, duwɛ nde, wɛ kɛ gwe mɛsay. Mi duwa̧ nde, wɛ nɛ tiŋ, duwɛ sendi nde, wɛ ti yaka gbisɔ ɓeya ɓomɔ na. Mi duwa̧ nde, wɛ ɓoɓuma ɓotu ɓete ɓe lɛpɛ lɛpɔ nde, ɓo ɓotu ɓe tomun ɓe Yesus ɓaka, ɛ wɛ ɓɛŋɛ nde, ɓo ɓotu ɓe ja̧, ɓo yeti ɓotu ɓe tomun na.

PUNJA MƐYASI 2:9

Mi duwa̧ nyaŋgwɛ mɛbɔnɛ mɛte yi wɛ saŋgwa nɔ kɛ́. Mi duwa̧ mɛbukɔ mɔ, ko ɓɛkɔ nde, wɛ nɛ kusuku. Mi duwa̧ sendi nde, ɓotu ɓete ɓe lɛpɛ ndi nɛ numbu nde, ɓo Ɓeyudɛn, ase nde, ɓo yeti Ɓeyudɛn ɓaka kɛ ɗiki lɛpɔ lɛpi gbutu suŋgwɛ nɛ wɛ. Yo nde, ɓo njɔŋ ɓotu ɓete ɓe wokuna nɛ *Satan.

PUNJA MƐYASI 3:15

Mi duwa̧ mɛkele mɔ. Mi duwa̧ nde, wɛ yeti wɛynate nɛ jiriri ho ɗikinate nɛ kpaɓeŋ na. Biraŋ nde, ɓɛkɔ nɛ jiriri ho nɛ kpaɓeŋ.

PUNJA MƐYASI 3:2

Jemkwɛ, jelkwɛ ɓukwɛ yasi te yi kɛ si gwe kɛ́, kɛto mi ɓɛŋma nde, mɛkele mɔ yeti nɛ njololo kɛ mbɔmbu Njambiyɛ wombɛ na.

PUNJA MƐYASI 3:8

Mi duwa̧ mɛkele mɔ. Ɓɛŋa, mi ɓutuma numɛy tikɔ nyasɛ kɛ mbɔmbu wɔ, kinɛ mumɔ wɛtɛ nɛ wɛtɛ yakama ɗiɓɔ yo na. Mi duwa̧ nde, wɛ yeti nɛ ɗeti pɔkɛ na. Ko ɗete, wɛ ka̧ ndi mbɔmbu ɓakiɗye mɛlɛpi mɛmbɛ, wɛ tì tonɛ mi na.

PUNJA MƐYASI 4:5

Yɛsi mbiyɔ ɗikima pundɔ kɛ siya ɓekumande te. Mɛmɛn nɛ̀ lum mbiyɔ ɗikima wulɛ sendi mate. Mɛlambo yitan jɔ yiɓa ɗikima panɔ nɛ kpalele kɛ pulɔ mbɔmbu siya te. Mɛlambo mɛte, yo mɛsisiŋ Njambiyɛ yitan jɔ yiɓa.

PUNJA MƐYASI 5:6

Ɛ mi ɓɛŋɛ wɛtɛ *Mɔnɔ Sam ɗekɛ nda ɓo kilma ŋgiŋ nɛ yí kelna sadaka. A ɓa̧ kɛ ɓembe siya ɓekumande. Ɓe joŋjoŋgwɛ mɛyasi maka yini nɛ̀ ɓetomba ɓaka linja nyɛ tikɔ kɛ ɓembe. A ɓa̧ nɛ mɛlakɔ yitan jɔ yiɓa nɛ̀ mɛmisi yitan jɔ yiɓa. Mɛmisi mɛte, yo mɛsisiŋ Njambiyɛ yitan jɔ yiɓa ɓe nyɛ tomɛ kɛnjɛ kɛ to mɛnɛti maka hɛnɛ kɛ́.