PUNJA MƐYASI 15:3 - Kako

³ Ɓo kɛ jembɔ jembi te yi Mɔyisi te mɔ mɛsay mɛ Njambiyɛ ɗikima jembɔ kɛ́, jembɔ sendi jembi *Mɔnɔ Sam. Ɓo kɛ jembɔ lɛpɔ nde: «Njambiyɛ te Baba Mbokɔ ɛ nɛ ŋguŋguɗyɛ hɛnɛ, mɛkele mɔ gba nyaŋgwɛte, yo yasi te yi ŋgbakima ɓuɗyate: Wɛ Kumande ɓomɔ hɛnɛ kɛ to mɛnɛti, wɛ kél yasi nɛ ŋgbeŋ, mɛkele mɔ hɛnɛ téɗya ndi gbakasi.

PUNJA MƐYASI 15:3 Iomraidhean Croise

Kimɔ Tom Yesus Krist te yi Jaŋ kɛtima 1:17

Njambiyɛ kwaŋma nɛ Mɔyisi yí nyɛ nɛ wusɛ mɛmboŋga mɛnɛ. Yasi wɛtɛ, yí teɗye ŋgikwa nɛ̀ gbakasi nyɛ ɓomɔ, a nja̧ kwa̧ nɛ Yesus Krist.

1 TIMƆTE 1:17

Ɓomɔ lûksa sombile Kumande te ɛ ti gwáki kɔ. A nɛ joŋ kpo nɛ kpo. Nyɛ mɔ te yi ɓomɔ yeti nɛ ɗeti te yi ɓɛŋɛ na. Siya Njambiyɛ ndi nyɛ nyɛpɔ, *amɛn.

ƁEHEBERE 3:5

Ŋgɛ ɓɛ Mɔyisi, a tonja mɛsay mɛnɛ hɛnɛ kimɔte kɛ njoka kandɔ ɓɔnɔ ɓe Njambiyɛ nda mɔ mɛsay. Mɛsay mɛnɛ ɓa̧ nde, a kânda lɛpɔ yasi te yi Njambiyɛ ta nje lɛpɔ kɛ mɛtu te yi nje kɛ́.

PUNJA MƐYASI 1:8

Njambiyɛ te Baba Mbokɔ kɛ lɛpɔ nde: «Yo mi alfa*f1* nɛ̀ omega.*f1*» A kɛte ndana, a ɓa̧ kwey kɛte, a yima, a nɛ ŋguŋguɗyɛ hɛnɛ!

PUNJA MƐYASI 11:17

lɛpɔ nde: «Njambiyɛ Baba Mbokɔ, wɛ ɛ nɛ ŋguŋguɗyɛ hɛnɛ, wɛ ndana kɛte, wɛ ɓa̧ sendi kwey kɛte. Wusɛ kɛ nyɛ wɛ wosoko, kɛto wɛ ɓoŋma nyaŋgwɛ ŋguŋguɗyɛ yɔ yi ɓu̧ nɛ ɗiyɔ kumande yɔ.

PUNJA MƐYASI 14:3

Ɓotu tomay gɔmay wɛtɛ jɔ tomay kamɔni jɔ yini (144.000) ɓaka ɗikima jembɔ wɛtɛ jɔnja jembi kɛ mbɔmbu siya ɓekumande nɛ̀ kɛ mbɔmbu ɓe joŋjoŋgwɛ mɛyasi yini nɛ̀ kɛ mbɔmbu ɓetomba ɓari. Mumɔ wɛtɛ nɛ wɛtɛ tì ɓɛ nɛ ɗeti te yi jekɛ jembi yinɔri na, soŋɛ ndi ɓotu ɓaka tomay gɔmay wɛtɛ jɔ tomay kamɔni jɔ yini ɓe Njambiyɛ sima si kolɔ kɛ mɛyasi mɛ mɛnɛti ɓaka.

PUNJA MƐYASI 14:8

Kɛ kɔŋ jaki te ɛte, ɛ jaki yiɓate ɗya̧ lɛpɔ nde: «Yenɛ siyma! Yenɛ siyma, Babilɔn te nyaŋgwɛ ɗya! A kelma nde, ɓomɔ hɛnɛ kɛ to mɛnɛti hɔ̂ɓiya mɛnjam mɛnɛ. Mɛnjam mɛte, yo nyakɓala mɛkele mɛ mɛmi mɛnɛ.»

PUNJA MƐYASI 17:14

Ɓo ta lu̧ ɗyambi nɛ *Mɔnɔ Sam. Yasi wɛtɛ, Mɔnɔ Sam ta laŋsa ɓo, kɛto nyɛ Baba Mbokɔ te ɛ laŋsama ɓebaba mbokɔ. Nyɛ Kumande ɓekumande. Nɛ̀ nyɛ nɛ̀ ɓotu ɓete ɓe nyɛ sima tɔkɛ, ɓotu ɓete ɓe nyɛ jeɓama, ɓo ɓotu ɓete ɓe wokuna nɛ nyɛ ɓaka, ɓenɛ ɓo hɛnɛ ta laŋsa.»

PUNJA MƐYASI 19:16

Wɛtɛ ɗinɔ ɓa̧ kɛtinate kɛ lambɔ nɛ nɛ̀ kɛ ɓɛy nɛ nde Kumande ɓekumande, Baba Mbokɔ te ɛ laŋsama ɓebaba mbokɔ.

PUNJA MƐYASI 19:2

A pɛ́si mɛyasi nɛ ŋgbeŋ lɛpɔ gbakasi, kɛto a pɛsima jɔsi nyaŋgwɛ nya mɛwanja kɔ ɛ ɓekiɗya mɛnɛti nɛ kelna mɛwanja mɛnɛ kɔ. Njambiyɛ kunduma mɛkiyɔ mɛ ɓotu ɓe mɛsay ɓenɛ ndi kɛ yotu nya mɛwanja kɔ nɛ ŋguru wenɛ.»

PUNJA MƐYASI 4:8

Joŋjoŋgwɛ yasi hɛnɛ kɛ njoka ɓe joŋjoŋgwɛ mɛyasi maka yini ɓa̧ nɛ mɛpapɔ yitan jɔ wɛtɛ. Ɓo ɓa̧ nɛ mɛmisi nɛ kamtana kɛ yotu hɛnɛ pulɔ puyɛ nɛ̀ kɛ nji̧ mɛpapɔ. Tu nɛ yesɔ ɓo tì ɓɛ nɛ ŋgimɔ mɛwɛɗya na, say yan ndi lɛpinate nde: «Kiyɔ, kiyɔ, kiyɔ! Njambiyɛ te Baba Mbokɔ ɛ nɛ ŋguŋguɗyɛ hɛnɛ kɔ kiyɔ! A ɓa̧ kwey kɛte, a ndana kɛte, a yima!»