MARK 3:5 - Kako

⁵ Ɛ Yesus wokɛ ŋgambi kaŋɛ misi ɓɛŋɛ nɛ ɓo hɛnɛ kɔla, kɛto mɛtemɔ man ɓa̧ nɛ keskere. Ɛ nyɛ lɛpɛ nyɛ mbam kɔ nde: «Sambila ɓɔ.» Ɛ nyɛ sambile ɓɔ. Ɛ ɓɔ te yi ma jɛmɛ kɛ́ yɔkwɛ nje kɛ mbɛy te.

MARK 3:5 Iomraidhean Croise

MATIYO 12:13

Ndana, ɛ nyɛ nje lɛpɔ nyɛ mbam kɔ nde: «Sambila ɓɔ.» Ɛ nyɛ sambile ɓɔ te, ɛ yo yɔkwɛ ɓɛ lalɛ nda ɓɔ te yɔru.

MARK 3:4

Ɛ Yesus nje diyɛ ɓo nde: «Mɛmboŋga mun lɛ́pi nɛ ŋge? ’Ɓo kâma mumɔ kɛ yesɔ Saba, ho ɓo kêl nyalɔ nɛ nyɛ? Nɛ̀ joŋgwa mumɔ nɛ̀ wona nɛ, yasi te nda yi mumɔ yâkaŋgwɛ kelɔ kɛ yesɔ Saba kɛ́?» Ɛ ɓo ɗiyɛ nɛ kpiŋgbili kinɛ ɓutɛ numbu na.

LUKAS 13:15

Ɛ Nyaŋgwɛ Kumande yeŋsa nyɛ nyɛ nde: «Wunɛ ɓotu ɓe likisi, kɛ njoka yun hɛnɛ, ’nda ti wúnja nday ho tofu wenɛ, punjɛ kɛ̀ nyɛ nyɛ mɔrɔku kɛ yesɔ Saba kɔ?

LUKAS 17:14

Ɛ nyɛ ɓɛŋɛ ɓo lɛpɔ nde: «Wunɛ kɛ̂n kɛ̀ teɗye yotu yun nyɛ ɓotu ɓe nyɛna sadaka nyɛ Njambiyɛ.» Kɛ ŋgimɔ te yi ɓo ɓa̧ kɛ kɛ̀ kɛ́, ɛ kɔn yan siyɛ.

LUKAS 6:10

Ɛ nyɛ kaŋɛ misi ŋgɛkila ɓɛŋɛ nɛ ɓo hɛnɛ kɛ kɛki nɛ. Ɛ nyɛ nje lɛpɔ nyɛ mbam te yi ɓɔ nɛ ma jɛmɛ kɔ nde: «Sambila ɓɔ.» Ɛ nyɛ sambile ɓɔ. Ɛ ɓɔ nɛ yi ma jɛmɛ kɛ́ yɔkwɛ nje kɛ mbɛy te.

Kimɔ Tom Yesus Krist te yi Jaŋ kɛtima 9:7

lɛpɔ nyɛ nyɛ nde: «Kɛndɔ kɛ weyɛ misi mɔ kɛ Silɔy.» To Silɔy nde Mɔ te yi ɓo tomma nyɛ kɔ. Ɛ nyɛ tɛmɛ kwa̧ kɛ̀ weyɛ misi. A yɔkwa̧ mate, a mɛ kɛ ɓɛŋɛ yasi nɛ ŋgɛlɛlɛ.

Mɛkana mɛte yi Pol kɛtima kɛnjɛ ɓotu ɓe Rom 11:25

Ma wunɛ njɔŋ, mi yeti kɛ kwaɗyɛ nde, wunɛ ndêkimaŋgwɛ nyaŋgwɛ yasi kɛ yi Njambiyɛ sɔɗya mbɔmbu kɛ́ na. Wunɛ dûkwɛ yo, ma wunɛ mɛ nje takɛ nde, wunɛ nɛ ɗyanɔ. Yo nde, ɓaŋa ɓomɔ kɛ njoka ɓotu ɓe kandɔ Isarayɛl nja̧ kelɔ ɗa̧ mɛtɔ suŋgwɛ nɛ Njambiyɛ. Ɓo ta kelɔ ɗa̧ mɛtɔ ɗete kɛ̀ nɔ mbɔmbu kumɔ ndi kɛ ŋgimɔ te yi ɓomɔ hɛnɛ ɓe Njambiyɛ tɔkuma ɓe yeti kɛ kandɔ Isarayɛl ta tikɔ temɔ kɛ yenɛ.

2 KƆRƐŊT 3:14

Yasi wɛtɛ, kwey Ɓɔnɔ ɓe Isarayɛl sima ɗimbiɗye ɗyanɔ ɗyan. Kumɔ muka ɓo ndi ɗete. Yo nde, komɛ ɓo tɔlɛ mɛkana mɛ njombu mbon kɛ́, ɓo yeti kɛ ɓiye to te na, ɗekɛ nda kiya lambɔ te ndi kɛ petɔ misi man, yo tì pa ɗuwɛ na. Yo dísi ɗuwɛ ndi komɛ mumɔ tikɛ temɔ kɛ yi *Krist.

EFƐS 4:18

Yo nde, ɗyanɔ ɗyan sima ɗimbiyɛ, yitil kpalma ŋgaŋgile yo. Ɓo kinɛ mɔnɔ yaŋa nɛ mbɛt kɛ mɔy kpasa joŋgwɛ te yi Njambiyɛ nyɛ ɓotu ɓenɛ kɛ́ na, kɛto ɓo yeti kɛ duwɛ nje Njambiyɛ na. Ɓo yeti kɛ duwɛ nje Njambiyɛ ɗete na, kɛto mɛtemɔ man ɗekɛ nɛ keskere.

EFƐS 4:26

Ŋgɛ wunɛ wokɛ ŋgambi nɛ mumɔ, kpɛ, wunɛ tî kel yiŋa ɓeya yasi na. Kwana temɔ te tî kum ɓekoko nɛ tɛ na.

EFƐS 4:30

Wunɛ tî kel yasi te yi ta nyɛ Kimɔ Sisiŋ Njambiyɛ ɗuku na. Kimɔ Sisiŋ te, yo yɔ te yi Njambiyɛ kwɛtima kɛ yotu yun yí laɗye nɛ yesɔ te yi nyɛ ta siɗyɛ nɛ joŋgwa ɓotu ɓenɛ kɛ́.

ƁEHEBERE 3:10

Yo kelma nde, mi wôku ŋgambi suŋgwɛ nɛ ɓo, ɛ mi lɛpɛ nde: Mɛŋgimɔ hɛnɛ, mɛtakɛ man lɔndunate nɛ mi. Ko, ɓo tì kwaɗyɛ duwɛ mɛnje mɛmbɛ na.

ƁEHEBERE 3:17

’Ma Njambiyɛ ma wóku ŋgambi suŋgwɛ nɛ ɓe nda kɛ mɛsew kamɔni? ’A ti ma wóku ŋgambi suŋgwɛ ndi nɛ kiya ɓotu ɓaka ɓe kelma ɓeya yasi, ɛ ɓo saŋgwa nɛ sɔŋ kɛ mɔy koŋgor ɓaka na?

ƁEHEBERE 5:9

Kɛ Njambiyɛ ma si nyɛ nyɛ ɗeti te yi tonjɛ mɛyasi hɛnɛ kɛ́, ɛ nyɛ nje ɓɛ mɔ te ɛ ɓutɛ nje yí joŋgwɛ nɛ ɓomɔ hɛnɛ ɓe kelɛ yasi te yi nyɛ lɛpɛ yí nyɛ ɓo joŋgwɛ te yi kpo nɛ kpo.

PUNJA MƐYASI 6:16

Ɛ ɓo lɛpɛ nyɛ mɛkeki nɛ̀ gulɛ gulɛ mɛtari nde: «Wunɛ ɓâl kɛ to su sɔɗyɛ wusɛ soŋɛ kɛ mbɔmbu yɔkɔ ɛ ɗiyɛ mɛtiɗyɛ kɛ siya ɓekumande kɔ. Wunɛ sɔ̂ɗyukwɛ wusɛ, kambɔ ŋgambi *Mɔnɔ Sam mɛ nje ɓiye wusɛ.