LUKAS 8:21 - Kako

²¹ Yasi wɛtɛ, ɛ Yesus yeŋsa nde: «Nyaŋmbɛ nɛ̀ ɓemaŋ ɓembɛ, yo ɓaka ɓe wokɛ mɛlɛpi mɛ Njambiyɛ kelɔ nda yi yo teɗye ɓo kɛ́.»

LUKAS 8:21 Iomraidhean Croise

MATIYO 17:5

Piŋɔ te yi nyɛ ɓa̧ kɛ lɛpɔ ndi ɗete kɛ́, ɛ wɛtɛ wumna kulutu nɛ poŋpoŋ ɗiɓiɗye ɓo. Ɛ wɛtɛ mɛn wulɛ kɛ mɔy kulutu lɛpɔ nde: «Yɔkɔ mɔnmbɛ, sɔŋ temɔ mbɛ, wunɛ wôkunaŋgwɛ nɛ nyɛ.»

MATIYO 25:40

Kumande má nje yeŋsa nyɛ ɓo nde: ‹Gbakasi yi mi lɛpɛ nyɛ wunɛ kɛ́: Mɛŋgimɔ hɛnɛ te yi wunɛ kelma yiŋa kimɔ yasi ɗete nɛ wɛtɛ mumɔ kɛ njoka ɓemaŋ ɓembɛ ɓaka, ko nde, ɓo ɓɛ̂ki ɓeŋgbanda, wunɛ kél yo nɛ mi.›

MATIYO 25:45

Ndana, a má nje yeŋsa nyɛ ɓo nde: ‹Gbakasi yi mi lɛpɛ nyɛ wunɛ kɛ́: Mɛŋgimɔ hɛnɛ te yi wunɛ ɗiyma kinɛ kelɔ kimɔ yasi ɗete nɛ wɛtɛ mumɔ kɛ njoka ɓemaŋ ɓembɛ ɓaka, ko nde, ɓo ɓɛ̂ki ɓeŋgbanda, yo mi yi wunɛ ɗiyma kinɛ kelɔ yo.›

MATIYO 28:10

Ɛ Yesus lɛpɛ nyɛ ɓo nde: «Nɛ tî gwaki wɔ̧ na. Nɛ kɛ̂n lɛpɔ nyɛ ɓemaŋ ɓembɛ nde, ɓo kɛ̂n pɛlɛ Galile, ɓo ta ɓɛŋɛ mi mate.»

LUKAS 8:15

Kwalɔ te yi ɓalma kɛ kimɔ mɛnɛti kɛ́ téɗya ɓotu ɓete ɓe nɛ pupuna temɔ nɛ̀ kimɔ temɔ ɓe wokɛ mɛlɛpi mɛ Njambiyɛ ɓakiɗye yo, ɓɛ nɛ tiŋ yí kelɔ kimɔ mɛkele.

LUKAS 8:20

Ɛ ɓomɔ kɛ̀ lɛpɔ nyɛ nyɛ nde: «Nyɔŋgwɛ ɓenɛ ɓemɔŋ kɛ sɛ̧, ɓo kɛ kwaɗyɛ ɓɛŋɛ wɛ.»

Kimɔ Tom Yesus Krist te yi Jaŋ kɛtima 13:17

Nda wunɛ ma duwɛ ɗete kɛ́, ŋgɛ wunɛ kelɛ ɗete, wunɛ ta ɓɛ nɛ mɛsosa.

Kimɔ Tom Yesus Krist te yi Jaŋ kɛtima 20:17

Ɛ Yesus lɛpɛ nyɛ nyɛ nde: «Wɛ tî kpoka mi na, kɛto mi tì pa ɓendɔ kɛ̀ pɛ yi Saŋmbɛ na. Yasi wɛtɛ, kɛn dolɔ ɓenjɔŋ ɓembɛ lɛpɔ nyɛ ɓo nde: Mi kɛ ɓendɔ kɛ̀ pɛ yi Saŋmbɛ te Saŋgwɛ wun sendi, kɛ̀ pɛ yi Njambiyɛ wombɛ te Njambiyɛ wun sendi.»

2 KƆRƐŊT 5:16

Ma ɗete, wusɛ yeti kɛ ɓu̧ su se wɛtɛ mumɔ ndana nɛ ɗyanɔ te yi ɓotu ɓe mɛnɛti maka na. Ŋgɛ ɓɛ nde, wusɛ ɓoŋma Krist kwey nɛ nje te yite, ma yo yeti se ndana ɗete na.

2 KƆRƐŊT 6:18

Ŋgɛ wunɛ kelɛ ɗete, mi má ɓɛ Saŋgwɛ wun, wunɛ má nje ɓɛ ɓɔnɔ ɓembɛ, ɓɔnɔ ɓembam nɛ̀ ɓɔnɔ ɓoma. Yo Baba Mbokɔ te ɛ nɛ ɗeti hɛnɛ kɔ lɛpɛ ɗete.›

Mɛkana mɛte yi Jak kɛtima 1:22

Ma wunɛ kêl yasi te yi mɛlɛpi mɛ Njambiyɛ lɛpɛ nyɛ wunɛ kɛ́, yeti ndi gbɛla wokunate na. Mɔ te ɛ wokɛ ndi wokɔ kɔ kɛ seɓile yotu nɛ nɛ ŋguru wenɛ.

1 JAŊ 2:29

Wunɛ duwa̧ nde, nyɛ nɛ ŋgbeŋ. Ɗete, mumɔ hɛnɛ ɛ kelɛ yasi nɛ ŋgbeŋ, mbɛte mɛ mɔnɔ Njambiyɛ.

3 JAŊ 1:11

Maŋmbɛ, sɔŋ temɔ mbɛ, ŋgɛ wɛ ɓɛŋɛ mumɔ kɛ kelɔ yiŋa ɓeya yasi, wɛ tî kel nda nyɛ na. Yasi wɛtɛ, ŋgɛ wɛ ɓɛŋɛ mumɔ kɛ kelɔ kimɔ yasi, nɔ kêl nda mbɛte. Mɔ te ɛ kelɛ kimɔ yasi, mɔ te mɛ mɔnɔ Njambiyɛ. Ma yɔkɔ ɛ kɛ̀ mbɔmbu kelɔ ɓeya yasi kɔ tì pa duwɛ Njambiyɛ na.