LUKAS 20:25 - Kako

²⁵ Ɛ nyɛ lɛpɛ nyɛ ɓo nde: «Ɗete, wunɛ nyɛ̂ki Sesar mɛyasi mɛte yenɛ, nyɛ Njambiyɛ mɛyasi mɛte yenɛ.»

LUKAS 20:25 Iomraidhean Croise

MATIYO 17:27

Ma kambɔ yo mɛ nje njaŋgwɛ ɓo jatiɗye kɛ ɓeya nje, kɛn kɛ nyaŋgwɛ matɔ, nɔ̀ ɓêta gɛy. Bosa njanjɔ te ɛ ta ɓiye gɛy kɔ, nɔ̀ sûta nyɛ ɓakɛ numbu nɛ, ɔ ta dolɔ sule wɛtɛ. Nɔ̀ ɓôŋ gbo nɛ garama te yembɛ nɛ yɔ.»

MATIYO 22:21

Ɛ ɓo yeŋsa nyɛ nyɛ nde: «Yo yi Sesar.» Ɛ nyɛ nje lɛpɔ nyɛ ɓo nde: «Ɗete, wunɛ nyɛ̂ki Sesar mɛyasi mɛte yenɛ, nyɛ Njambiyɛ mɛyasi mɛte yenɛ.»

MARK 12:17

Ɛ nyɛ nje lɛpɔ nyɛ ɓo nde: «Wunɛ nyɛ̂ki Sesar mɛyasi mɛte yenɛ, nyɛ Njambiyɛ mɛyasi mɛte yenɛ.» Ɓo ŋgbakimama ɓuɗyate kɛ yasi te yi nyɛ yeŋsama kɛ́.

LUKAS 20:24

«Wunɛ têɗya mi sule wɛtɛ. Yekambiyɛ nɛ̀ mɛkɛti mɛte yi kɛte kɛ́ téɗya nda?» Ɛ ɓo yeŋsa nde: «Yo yi Sesar.»

ƁOTU ƁE TOMUN 5:29

Ɛ Piyɛr ɓenɛ ɓotu ɓe tomun ɓe Yesus yeŋsa nde: «Nɛ̀ Njambiyɛ nɛ̀ ɓomɔ, wusɛ yâkaŋgwɛ wokuna nɛ Njambiyɛ.

1 KƆRƐŊT 10:31

Ɗete, ko wunɛ ɗyáki ŋge ko wunɛ hɔ́ɓiya ŋge ko wunɛ kél yasi te nda, wunɛ yâkaŋgwɛ kelɔ mɛyasi hɛnɛ yí lukse nɛ Njambiyɛ.

1 PIYƐR 4:11

Ŋgɛ ɓɛ nde, Njambiyɛ nya mumɔ jɛŋ te yi lɛpina yí kamɛ nɛ ɓɛsɔ, a kwâŋɗya ndi mɛlɛpi mɛte yi wulɛ kɛ yi Njambiyɛ. Ŋgɛ ɓɛ nde, Njambiyɛ nya mumɔ jɛŋ te yi kelna yiŋa yasi yí kamɛ nɛ ɓɛsɔ, a kêl yo nɛ ɗeti te yi Njambiyɛ nyɛ nyɛ kɛ́, nɛ́ Njambiyɛ ɓu̧ luksa kɛ mɛyasi hɛnɛ nɛ nje Yesus Krist. A ɓɛ̂ki nɛ luksa nɛ̀ ŋguŋguɗyɛ kpo nɛ kpo, *amɛn.