LUKAS 10:22 - Kako

²² Saŋmbɛ nya mi mɛyasi hɛnɛ. Mumɔ wɛtɛ nɛ wɛtɛ yeti kɛ duwɛ *Mɔnɔ na, soŋɛ ndi Da. Sendi, mumɔ wɛtɛ nɛ wɛtɛ yeti kɛ duwɛ Da na, soŋɛ ndi Mɔnɔ nɛ̀ mɔ te yi Mɔnɔ kwaɗyɛ punjɛ yo nyɛ nyɛ kɔ.»

LUKAS 10:22 Iomraidhean Croise

MATIYO 11:25

Ndi kɛ kiya ŋgimɔ te yite ɛ Yesus lɛpɛ nde: «Mi kɛ lukse wɛ Da, Kumande ɗyoɓɔ nɛ̀ mɛnɛti, kɛto wɛ sɔɗya mɛyasi mɛte nɛ ɓotu ɓe ɗyanɔ, sɔɗyɛ sendi nɛ ɓotu ɓe duwa̧ yasi kpalɔ nje punjɛ yo nyɛ gbɛla ɓɔnɔsikɛ.

MATIYO 11:27

Saŋmbɛ nya mi mɛyasi hɛnɛ. Mumɔ wɛtɛ nɛ wɛtɛ yeti kɛ duwɛ Mɔnɔ na, soŋɛ ndi Da. Sendi, mumɔ wɛtɛ nɛ wɛtɛ yeti kɛ duwɛ Da na, soŋɛ ndi *Mɔnɔ nɛ̀ mɔ te yi Mɔnɔ kwaɗyɛ punjɛ yo nyɛ nyɛ kɔ.

MATIYO 28:18

Ɛ Yesus kɛ̀ kɛ kɛki yan lɛpɔ nde: «Njambiyɛ ma nyɛ mi ɗeti te yi namɔ mɛyasi hɛnɛ kandɛ kɛ kwey kumɔ kɛ mɛnɛti.

Kimɔ Tom Yesus Krist te yi Jaŋ kɛtima 1:18

Ko mumɔ wɛtɛ nɛ wɛtɛ tì ɓɛŋɛ Njambiyɛ wɛtɛ yesɔ, soŋɛ ndi Kikɔ Mɔnɔ Njambiyɛ, nyɛ ɛ ɗiyɛ ɓenɛ Saŋgwɛ nda kɔl ɓenɛ jon kɔ, yo ndi nyɛ kelma nde, ɓomɔ dûkwɛ nyɛ.

Kimɔ Tom Yesus Krist te yi Jaŋ kɛtima 10:15

Yo sendi ɗete nda yi Da kɛ duwɛ mi, mi sendi kɛ duwɛ nyɛ. Mi kɛ nyɛ joŋgwɛ ɗyembɛ kɛto ɓesam ɓembɛ.

Kimɔ Tom Yesus Krist te yi Jaŋ kɛtima 13:3

Yesus duwa̧ nde, Da ma nyɛ nyɛ ɗeti te yi namɔ mɛyasi hɛnɛ. A duwa̧ sendi nde, a wúla kɛ yi Njambiyɛ nje nɔ, a ta yɔkwɛ kɛ̀ pɛ yenɛ.

Kimɔ Tom Yesus Krist te yi Jaŋ kɛtima 17:10

Mɛyasi hɛnɛ te yi mi nɔ, yo yɔ. Sendi, mɛyasi hɛnɛ te yi wɛ nɔ, yo yembɛ. Ɓotu ɓete ɓe wɛ nya mi ɓaka kɛ punjɛ mɛluksa mɛmbɛ.

Kimɔ Tom Yesus Krist te yi Jaŋ kɛtima 17:2

kɛto wɛ nya nyɛ ɗeti te yi namɔ ɓomɔ hɛnɛ, na kel nde, ɓomɔ hɛnɛ te yi wɛ nya nyɛ ɓaka ɓɛ nɛ joŋgwɛ te yi kpo nɛ kpo.

Kimɔ Tom Yesus Krist te yi Jaŋ kɛtima 17:26

Mi téɗya ɓo ɗinɔ ɗyɔ. Mi ta kɛ̀ mbɔmbu yí teɗye ɓo, nɛ́ mɛkwaɗya mɛte yi wɛ kwaɗya nɛ mi kɛ́ ɓɛ sendi pɛ yan, nɛ́ mi nɛ ŋguru wombɛ ɓɛ pɛ yan.»

Kimɔ Tom Yesus Krist te yi Jaŋ kɛtima 17:5

Ma Da, ndana punjukwɛ mɛluksa mɛmbɛ kɛ kɛki yɔ. Punjukwɛ mɛluksa mɛte yi mi ɓa̧ nɔ kɛ kɛki yɔ yite mbokɔ tì pa kusuna kɛ́.

Kimɔ Tom Yesus Krist te yi Jaŋ kɛtima 3:35

Saŋgwɛ kɛ kwaɗyɛ Mɔnɔ, ɛ nyɛ nyɛ nyɛ ɗeti te yi namɔ mɛyasi hɛnɛ.

1 KƆRƐŊT 15:24

Yí kɛ̀ nɔ ndana kɛ siyna mɛyasi hɛnɛ, Krist ta soŋɛ ɗeti mɛyasi mɛte yi ɓɛ nɛ nyaŋgwɛ ɗeti, soŋɛ ɗeti mɛsisiŋ mɛte yi jɛŋgila kɛ to mbokɔ, soŋɛ sendi ɗeti mɛyasi mɛte yi ɓɛ nɛ ŋguŋguɗyɛ. Kɛ kɔŋte, a má nje kaŋɛ yɛy ɗiyɔ Kumande nyɛ Njambiyɛ te Da siɗyɛ nɔ.

2 KƆRƐŊT 4:6

Yo sendi nde, Njambiyɛ lɛpima nɛ mbɔmbu nde: «Mɛjasi pân kɛ mɔy yitil.» Yo ndi Njambiyɛ te paniyɛ mɛjasi kɛ mɔy mɛtemɔ musu, nɛ́ wusɛ seŋgile duwɛ mɛluksa mɛnɛ yi panɛ nɛ pay pay kɛ mbɔmbu Krist kɛ́.

EFƐS 1:21

Komɛ nyɛ ɗiyɛ mate kɛ́, yo nyɛ laŋsa ɓejaki hɛnɛ nɛ̀ ɓekum ɓan hɛnɛ nɛ̀ mɛyasi hɛnɛ te yi nɛ ŋguŋguɗyɛ nɛ̀ nyaŋgwɛ ɓekum ɓejaki hɛnɛ. Yo nyɛ laŋsa sendi mumɔ hɛnɛ, yeti ndi kɛ ŋgimɔ te yɔkɔ na, ko kɛ ŋgimɔ te yi ta duwɛ nje kɛ́, ko mɔ te ɓɛki nɛ kwalɔ ɗinɔ te nda.

ƁEHEBERE 2:8

Wɛ kaŋma mɛyasi hɛnɛ tikɔ kɛ nji̧ mɛkol mɛnɛ.› Yi wusɛ lɛpɛ nde: ‹Njambiyɛ kaŋma mɛyasi hɛnɛ tikɔ kɛ nji̧ mɛkol mɛnɛ› kɛ́, yite nde, a tì ɓukwɛ ko yaŋa wɛtɛ nɛ wɛtɛ na. Yasi wɛtɛ, kumɔ ndana wusɛ yeti kɛ ɓɛŋɛ nde, a kaŋma mɛyasi hɛnɛ tikɔ kɛ nji̧ mɛkol mɛnɛ na.

1 JAŊ 5:20

Ma wusɛ duwa̧ sendi nde, Mɔnɔ Njambiyɛ nja̧. A nya wusɛ ɗyanɔ, nɛ́ wusɛ duwɛ nɛ Kpasa Njambiyɛ. Sinɛ ɓe Kpasa Njambiyɛ te saŋgwate nɛ nje Mɔnɔ wenɛ Yesus Krist. Yo nyɛ ɓɛ Kpasa Njambiyɛ, ɓɛ sendi joŋgwɛ te yi kpo nɛ kpo.

2 JAŊ 1:9

Mumɔ hɛnɛ ɛ laŋsa tikɔ teɗya yasi te yi *Krist kinɛ ɓeŋgwɛ yo nɛ kwɛt kwɛt na, mɔ te yeti saŋgwate ɓenɛ Njambiyɛ na. Ma, yɔkɔ ɛ kɛ̀ ndi mbɔmbu ɓeŋgwɛ yo nɛ kwɛt kwɛt kɔ saŋgwate ɓenɛ Da nɛ̀ *Mɔnɔ.