LUKAS 10:2 - Kako

² Ɛ nyɛ lɛpɛ nyɛ ɓo nde: «Ɓuɗya nyambi ma ɗetɔ kɛ ŋgwaŋ, yasi wɛtɛ, ɓotu ɓe mɛsay ti ɓuyɔ na. Ɗete, wunɛ ŋgwɛ̂taŋgwɛ nɛ sa ŋgwaŋ nde, a kɛ̂njikwɛ ɓotu ɓe mɛsay, nɛ́ ɓo kɛ̀ wesiɗye nyambi nɛ.

LUKAS 10:2 Iomraidhean Croise

MATIYO 20:1

«Yo nde, *Kandɔ te yi kwey nda wɛtɛ masa mɛsay ɛ punduma ɓemɛŋmɛnɛ nɛ kpuŋ yí kɛ̀ gɔsɔ ɓomɔ, nɛ́ ɓo kɛ̀ kel mɛsay kɛ ŋgwaŋ *vinyɛ nɛ.

MARK 13:34

Yo ta ɓɛ nda yi wɛtɛ mbam ɛ tɛmma kwa̧ kɛ̀ lɔndunate kɛ wɛtɛ mɛnɛti, tikɔ tu̧ ɗyenɛ kaŋɛ mɛyasi hɛnɛ nyɛ ɓotu ɓe mɛsay ɓenɛ. A teɗya mumɔ hɛnɛ yasi te yi nyɛ yâkaŋgwɛ kelɔ, lɛpɔ nyɛ mɔ te ɛ ɗikima ɓakiɗye numɛy kɔ nde, a pɛ̂m yasi.

MARK 16:15

Kɛ kɔŋte, ɛ nyɛ lɛpɛ nyɛ ɓo nde: «Wunɛ kɛ̂n kɛ to mɛnɛti hɛnɛ kɛ̀ pelɛ Kimɔ Tom nyɛ ɓomɔ hɛnɛ.

MARK 16:20

Ɛ ɓejekɛ nje kwa̧ kɛ̀ pelɛ Kimɔ Tom kɛ mɛmbɛy hɛnɛ. Kumande Yesus ɓa̧ kɛ kɔŋ yan, nyɛ ɓo ɗeti te yi kelɔ mɛyekambiyɛ, nɛ́ ɓomɔ duwɛ nde, lɛpi te yi ɓo lɛpɛ kɛ́, gbakasi.]

LUKAS 9:1

Wɛtɛ yesɔ ɛ Yesus wesiɗye ɓejekɛ ɓenɛ kamɔ jɔ yiɓa, nyɛ ɓo ɗeti te yi soŋɛ ɓeya mɛsisiŋ hɛnɛ kɛ yotu ɓomɔ nɛ̀ ɗeti te yi siɗyɛ mɛkɔn.

ƁOTU ƁE TOMUN 11:19

Ɓotu ɓete ɓe wanjama kɛto nyaŋgwɛ mɛbɔnɛ mɛte yi ɓo teɗya ɓo kɛto Itɛn kɛ́ ka̧ kumɔ Fenisi, kumɔ Siprɛ nɛ̀ Aŋtiyos. Ɓo ɗikima lɛpɔ Kimɔ Tom nyɛ ndi Ɓeyudɛn ɓepɔ.

ƁOTU ƁE TOMUN 13:2

Wɛtɛ yesɔ te yi ɓo ɓa̧ kɛ kanɔ Baba Mbokɔ kiyɔ mɛɗye kɛ́, ɛ Kimɔ Sisiŋ lɛpɛ nde: «Ndana wunɛ tɔ̂ka Barnabas ɓenɛ Sol soŋɛ kɛ njoka yun, nɛ́ ɓo kel mɛsay mɛte yi mi kpoma nde, ɓo ta kelɔ kɛ́.»

ƁOTU ƁE TOMUN 13:4

Kimɔ Sisiŋ tomma Barnabas ɓenɛ Sol, ɛ ɓo kwa̧ kumɔ kɛ Selesi. Ɓo nja̧ tɛmɛ womɛte nyiŋɛ kuka kumɔ kɛ wɛtɛ kiriŋgira nde Siprɛ.

ƁOTU ƁE TOMUN 20:28

Wunɛ kômbila ɓakiɗye mɛyotu mun, ɓakiɗye sendi ŋgil ɓomɔ hɛnɛ ɓe Kimɔ Sisiŋ nya wunɛ mɛsay mɛ ɓakiɗya yan ɓaka. Wunɛ ɓâkiɗya njɔŋ ɓotu ɓete ɓe tikima temɔ kɛ yi Njambiyɛ ɓaka kimɔte. Njambiyɛ kolma njɔŋ ɓotu ɓete nɛ mɛkiyɔ mɛ mɔnɔ wenɛ.

ƁOTU ƁE TOMUN 22:21

Ɛ Kumande Yesus lɛpɛ nyɛ mi nde: ‹Tɛma kwa̧, kɛto mi ta tomɔ wɛ kɛnjɛ lɔndunate kɛ yi yiŋa mɛkandɔ.› »

ƁOTU ƁE TOMUN 8:4

Ɓotu ɓete yi ɓo wanjima ɓaka ka̧ mɛmbɛy nɛ mɛmbɛy yí lɛpɔ Kimɔ Tom Njambiyɛ nyɛ ɓomɔ.

1 KƆRƐŊT 12:28

Njambiyɛ tɛmbiɗya ɓomɔ dɛlɛ dɛlɛ kɛ mɔy njɔŋ ɓotu ɓete ɓe tikɛ temɔ kɛ yi Kumande Yesus ɓaka. Bosa ɓomɔ, yo ɓotu ɓe tomun ɓe Yesus. Kɛ kɔŋte, ɓotu ɓe punja mɛlɛpi mɛ Njambiyɛ. Yitatite, ɓotu ɓe teɗya ɓomɔ mɛlɛpi mɛ Njambiyɛ. Kɛ kɔŋte ɓenɔri hɛnɛ, yo sendi nɛ ɓotu ɓete ɓe nɛ ɗeti te yi kelɔ nyaŋgwɛ mɛkele nɛ̀ ɓotu ɓete ɓe nɛ ɗeti te yi siɗyɛ mɛkɔn. Yo sendi nɛ ɓotu ɓe kamna ɓomɔ nɛ̀ ɓotu ɓete ɓe ɗiyɛ nɛ ɓɛsɔ, nje ɓu̧ ɓotu ɓete ɓe nɛ jɛŋ te yi lɛpina nɛ yiŋa mɛnumbu dɛlɛ.

1 KƆRƐŊT 15:10

Ma ndana, mi mɛ kɛ tɛri te yikɛ, kɛto Njambiyɛ nɛ ŋgikwa. Ŋgikwa te yi nyɛ kelma nɛ mi kɛ́ tì gwe mɛsɛŋgɛ na. Mi kelma mɛsay kwa̧ ɓotu ɓe tomun ɓete ɓari hɛnɛ. Ma yeti gba mi kelɛ mɛsay mɛte na, yo ndi Njambiyɛ kelɛ mɛsay mɛte nɛ mi kɛto ŋgikwa nɛ.

2 KƆRƐŊT 6:1

Ma wusɛ ɓe kelɛ mɛsay ndana sinɛ ɓe Njambiyɛ ɓaka, wusɛ kɛ ŋgwɛta nɛ wunɛ nde: Tiso, nda yi Njambiyɛ ma kelɔ ŋgikwa nɛ wunɛ kɛ́, wunɛ tî kel nde, ŋgikwa te gwâki mɛsɛŋgɛ kinɛ kelɔ yaŋa kɛ joŋgwɛ ɗyun na.

FILIPI 2:21

Yo nde, mumɔ hɛnɛ sáŋ ndi nje mɛkele mɛte yi ɓɛŋɛ nyɛ kinɛ sa̧ yi Yesus Krist na.

FILIPI 2:25

Ma mi ɓɛŋma nde, yo gba kimɔte nde, mi tôm maŋ mbɛ Epafrodit yɔkiɗye kɛnjɛ wunɛ. Sinɛ nyɛ kɛ ŋgbɔ kelɔ mɛsay. Sinɛ nyɛ kɛ ŋgbɔ sendi lu̧ ɗyambi te yi mi lu̧ kɛ pelna Kimɔ Tom kɛ́. Wunɛ tomma nyɛ njesɛ mi yí nje kamɛ mi nɛ mɛyasi mɛte yi ɓanɛ mi kɛ́.

FILIPI 2:30

Wunɛ ɓôŋ nyɛ nɛ mɛsosa ɗete, kɛto a diyma saŋgwa nɛ sɔŋ kɛto mɛsay mɛ *Krist. A ɗyaŋgwa yotu nɛ yí nje kamɛ mi kɛ numbu yun, kɛto wunɛ tì ɓɛ nɛ nje te yi kamɛ mi ɗete na.

KOLOS 1:29

Yo kɛto te yite yi mi kelɛ mɛsay lu̧ ɗyambi nɛ sosu mbɛ hɛnɛ, nɛ́ mi kɛ̀ kɛndɔ mbɔmbu nɛ ɗeti te yi Krist yi kelɛ mɛsay nɛ ŋguŋguɗyɛ kɛ yotu mbɛ kɛ́.

KOLOS 4:12

Mɔ ɗya ɗyun Epafras te mɔ mɛsay mɛ Yesus Krist kɛ nyɛnɔ sendi wunɛ. A kɛ lu̧ ɗyambi mɛŋgimɔ hɛnɛ kɛto yun nɛ nje mɛŋgwɛta nɛ Njambiyɛ, nɛ́ wunɛ tiki temɔ nɛ ŋgbik, ɓɛ jelnate nda goto ɓomɔ yí kelɔ mɛsay hɛnɛ te yi Njambiyɛ kwaɗyɛ nde, wunɛ kêl kɛ́.

1 TESALONIK 2:9

Wunɛ njɔŋ, wunɛ kɛ duwɛ gbate nda yi wusɛ kelma nɛ mɛsay wɔndɔ ɓiriki saŋgwa nɛ katina yotu kɛ́. Wusɛ kelma mɛsay ɗete tu nɛ yesɔ, kambɔ wɛtɛ mumɔ kɛ njoka yun mɛ nje gwe mɛsay kɛto su. Wusɛ kelma ɗete pelɛ nɛ Kimɔ Tom Njambiyɛ nyɛ wunɛ.

1 TESALONIK 5:12

Wunɛ njɔŋ, wusɛ kɛ ŋgwɛta nɛ wunɛ nde: Wunɛ jɛ̂si ɓotu ɓete ɓe kelɛ mɛsay kɛ njoka yun ɓaka. Yo Nyaŋgwɛ Kumande tɛmbiɗye ɓo nde, ɓo kɛ̂ kita wunɛ.

2 TESALONIK 3:1

Wunɛ njɔŋ, mi kɛ lɛpɔ siɗyɛ nɔ nde: Wunɛ ŋgwɛ̂taŋgwɛ nɛ Njambiyɛ kɛto su nde, mɛlɛpi mɛ Nyaŋgwɛ Kumande nyânjaŋgwɛ nɛdɔ, nɛ̀ ɓomɔ ɓôŋ yo kimɔte lukse Njambiyɛ nda yi yo kelna kɛ yun kɛ́.

1 TIMƆTE 4:10

Yo kɛto te yite yi wusɛ kelɛ mɛsay wɔndɔ ɓiriki lu̧ ɗyambi, kɛto wusɛ nɛ ɓiɓina temɔ kɛ yi Njambiyɛ te ɛ nɛ joŋ kɔ. Yo nyɛ kɛ joŋgwɛ ɓomɔ hɛnɛ, jekɔ kwa̧ kwaŋgɔ ɓotu ɓete ɓe tikɛ temɔ kɛ yenɛ ɓaka.

2 TIMƆTE 4:5

Kɛ ɓɛ wɛ, kɛ mɛyasi hɛnɛ wɛ tî jeki nyɛ temɔ kɛte na. Gbisimaŋgwɛ mɛbɔnɛ, kelɔ mɛsay mɛ pelna Kimɔ Tom. Tonjukwɛ mɛsay mɛte yi Njambiyɛ nya wɛ kɛ́ kimɔte.

FILEMƆŊ 1:1

Yo mi Pol, mɔ jɔɓɔ kɛto Krist Yesus. Yo mi sinɛ maŋ wusu Timɔte kɛtɛ mɛkana maka kɛnjɛ wɛ Filemɔŋ te sɔŋ temɔ su. Sinɛ wunɛ kɛ ŋgbɔ kelɔ kiya mɛsay.

ƁEHEBERE 3:6

Ma kɛ ɓɛ *Krist, a tónjukwɛ nɛ mɛsay mɛnɛ hɛnɛ kimɔte nda Mɔnɔ te ɛ ɗiyɛ nɛ tu̧ saŋgwɛ kɔ. Ma ŋgɛ wusɛ kɛ̀ mbɔmbu ɗiyɔ nɛ ŋgbiŋgim, ɓɛ nɛ ɓiɓina temɔ te yi nyɛ wusɛ mɛsosa kɛ́ kumɔ kɛ siynate, yite wusɛ tu̧ te.

PUNJA MƐYASI 2:1

Ndana, ɛ mɛn lɛpɛ sendi nyɛ mi nde: «Kɛtɔ mɛkana kɛnjɛ jaki te ɛ kɛndɛ nɛ njɔŋ ɓotu ɓete ɓe tikɛ temɔ kɛ yi Yesus kɛ Efɛs nde: Wokɔ yasi te yi mɔ te ɛ nɛ ɓesisɔ̧ yitan jɔ yiɓa kɛ mbam ɓɔ nɛ lɛpɛ kɛ́. Nyɛ mɔ te ɛ kɛndɛ kɛ njoka mɛyasi mɛ kasa lambo kɛte yitan jɔ yiɓa yi tandɛ lɔr kɛ́ kɛ lɛpɔ nde: