FILIPI 4:4 - Kako

⁴ Mi kɛ kombile lɛpɔ nyɛ wunɛ nde: Wunɛ sôsaŋgwɛ mɛŋgimɔ hɛnɛ, kɛto wúnɛ ɓe Nyaŋgwɛ Kumande saŋgwate. Mi kɛ ɓasiɗye lɛpɔ ɗete nde: Wunɛ sôsaŋgwɛ.

FILIPI 4:4 Iomraidhean Croise

MATIYO 5:12

Wunɛ sôsaŋgwɛ ɗiyɔ nɛ mbeskere, kɛto nyaŋgwɛ sol kɛ laɗye wunɛ kɛ ɗyoɓɔ. Ɓo teɗya ndi sendi nyaŋgwɛ mɛbɔnɛ ɗete nyɛ bosa ɓotu ɓe punja mɛlɛpi mɛ Njambiyɛ ɓe kandima nje nɛ wunɛ ɓaka.

ƁOTU ƁE TOMUN 16:25

Yi kɛ̀ nɔ ɓembe tu Pol ɓenɛ Silas ɗikima ŋgwɛta nɛ Njambiyɛ jembina yí lukse nɛ nyɛ. Ɓotu ɓe jɔɓɔ te ɓari ɗikima lɛŋgwɛ mɛtɔ wokɔ.

ƁOTU ƁE TOMUN 5:41

Ɓotu ɓe tomun ɓe Yesus yɔkwa̧ kɛ nyaŋgwɛ jɔsi Ɓeyudɛn nɛ mɛsosa, kɛto Njambiyɛ ɓɛŋma nde, ɓo yakama saŋgwa nɛ mɛbɔnɛ kɛto ɗinɔ Yesus Krist.

Mɛkana mɛte yi Pol kɛtima kɛnjɛ ɓotu ɓe Rom 12:12

Wunɛ ɓɛ̂ki nɛ mɛsosa, kɛto wunɛ nɛ ɓiɓina temɔ kɛ yasi te yi Njambiyɛ sima kpo nyɛ wunɛ kɛ́. Wunɛ gbîsi sendi mɛbɔnɛ. Wunɛ kêl tiŋ, nyɛ sosu kɛ mɛŋgwɛta kɛ̀ nɔ mbɔmbu.

2 KƆRƐŊT 6:10

Ko nde, ɓo kɛ nyɛ wusɛ ŋgambi kɛ temɔ, wusɛ su nɛ mɛsosa ŋgimɔ hɛnɛ. Ko nde, wusɛ bukate, wusɛ kɛ kelɔ nde, ɓomɔ ɓuɗyate tôndu nɛ kimɔ mɛyasi mɛte yi Njambiyɛ nyɛ mumɔ kɛ́. Ko nde, wusɛ kinɛ yaŋa, wusɛ su nɛ mɛyasi hɛnɛ. Yinɔri hɛnɛ, yo yí teɗye ɓomɔ nde, wusɛ ɓotu ɓe mɛsay ɓe Njambiyɛ.

GALASI 1:8

Ma ko mbaŋa mumɔ ko wusɛ ko wɛtɛ jaki wúla kwey nje lɛpɔ wɛtɛ Kimɔ Tom dɛlɛ, tikɔ yikɛ yi wusɛ pelma nyɛ wunɛ kɛ́, na sâŋgwaŋgwɛ nɛ mɛkita!

FILIPI 2:18

Ɗete, wunɛ sendi, wunɛ sôsaŋgwɛ nda mi. Sinɛ wunɛ ŋgbɔ̂ku sosa.

FILIPI 3:1

Wunɛ njɔŋ, mi kɛ lɛpɔ siɗyɛ nɔ nde, kɛ mɛyasi hɛnɛ, wunɛ sôsaŋgwɛ, kɛto wunɛ ɓe Nyaŋgwɛ Kumande saŋgwate. Mi yeti kɛ katɔ yí kala kɛtɔ kiya mɛyasi mɛte yi mi ma kɛ́ti nɛ mbɔmbu kɛnjɛ wunɛ kɛ́ na, kɛto mi ɓɛŋma nde, mɛyasi mɛte ta kamɛ wunɛ, ma wunɛ mɛ nje saŋgwɛ nɛ ɓeya yasi.

1 PIYƐR 4:13

Yasi wɛtɛ, wunɛ kɛ nyɛ ɓɔ saŋgwa nɛ mɛbɔnɛ wúnɛ ɓe *Krist. Ɗete, wunɛ kpâl sosa, nɛ́ wunɛ nje sosa sendi kpɛsa komɛ nyɛ ta punjɛ nyaŋgwɛ mɛluksa mɛnɛ wɛtɛ yesɔ kɛ́.