FILIPI 2:3 - Kako

³ Wunɛ tî kel yasi nɛ temɔ te yi mɛsuŋɔnɔ na. Wunɛ tî saŋ nde, ɓomɔ lûksa wunɛ na, yite gbɛlate. Yasi wɛtɛ, wunɛ kpâl piɗyɛ mɛyotu mun yí ɓu̧ ɓɛsɔ nde, ɓo kwa̧ wunɛ.

FILIPI 2:3 Iomraidhean Croise

LUKAS 18:14

Ɛ Yesus nje lɛpɔ nde: «Mi kɛ lɛpɔ nyɛ wunɛ nde: Mbam kɔ ɗuwa̧ kɛ̀ tu̧ ɗyenɛ nɛ temɔ nɛ tɛ, kɛto Njambiyɛ pɛsima nde, a mɛ nɛ ŋgbeŋ kɛ mbɔmbu wenɛ, soŋɛ mɔ Farisɛ̧. Kɛto mɔ te ɛ ɓendiɗye yotu kɛnjɛ kwey, Njambiyɛ ta piɗyɛ nyɛ kɛnjɛ nji̧. Ma yɔkɔ ɛ piɗyɛ yotu kɛnjɛ nji̧, Njambiyɛ ta ɓendiɗye nyɛ kɛnjɛ kwey.»

Mɛkana mɛte yi Pol kɛtima kɛnjɛ ɓotu ɓe Rom 12:10

Wunɛ kwâɗyaŋgwɛ tandɛ yun nda ɓemaŋ. Wunɛ nyɛ̂ki sosu te yi jɛsina tandɛ yun.

Mɛkana mɛte yi Pol kɛtima kɛnjɛ ɓotu ɓe Rom 13:13

Wusɛ jôŋnaŋgwɛ nɛ ŋgbeŋ nda yi mumɔ yâkaŋgwɛ joŋna nɔ kelɔ yasi kɛ puyɛ nɛ yesɔ kɛ́. Wusɛ tî ɗyenaŋgwɛ kwa̧ to te ho gwe mɛnjam ɓeya gwenate na. Wusɛ tî joŋnaŋgwɛ nɛ sap sap kelɔ mɛkele mɛ mɛmi na. Wusɛ tî kusu mɛtandɔ kɛ njoka ɓomɔ ho ɓɛ nɛ nyaŋgwɛ temɔ na.

Mɛkana mɛte yi Pol kɛtima kɛnjɛ ɓotu ɓe Rom 2:8

Ma yasi wɛtɛ, kɛ yi ɓotu ɓete ɓe lu̧ ɗyambi nɛ nyɛ ɓenɔ gbakasi kutuɗya kpalɔ ɓeŋgwɛ kɔtu mɛkele ɓaka, Njambiyɛ ta teɗye kwana temɔ nɛ̀ nyaŋgwɛ ŋgambi nɛ suŋgwɛ nɛ ɓo.

1 KƆRƐŊT 15:9

Yo nde, kɛ njoka ɓotu ɓe tomun ɓe Yesus hɛnɛ, mi nda gba ɗiɓɔ mɛkɔku. Yo ti yaka nde, ɓo jêɓaŋgwɛ mi nde mɔ tomun wenɛ na, kɛto mi teɗya nyaŋgwɛ mɛbɔnɛ nyɛ njɔŋ ɓotu ɓete ɓe tikɛ temɔ kɛ yenɛ ɓaka.

1 KƆRƐŊT 3:3

Ŋgɛ ɓɛ nde, nyaŋgwɛ temɔ nɛ̀ mɛtandɔ kɛ ɓɛŋna kɛ njoka yun nda yi yo ɓɛŋna kɛ́, ’yite ti téɗya nde, wunɛ ndi ɓotu ɓete ɓe ɓeŋgwɛ mɛwoɓɔ mɛ mɛmbundɔ na? ’Yo ti téɗya nde, wunɛ kɛ joŋna ɓeŋgwɛ yasi te yi ɓomɔ teɗye kɛ́ na?

2 KƆRƐŊT 12:20

Mi kɛ gwe kaŋ nde, mi kûm wɛri dolɔ wunɛ kɛ tɛri te yi mi yeti kɛ kwaɗyɛ na, ho nde, wunɛ ta dolɔ mi kɛ tɛri te yi wunɛ yeti kɛ kwaɗyɛ na. Mi kɛ gwe kaŋ nde, mi ɗyâŋ dolɔ nde, mɛtandɔ kɛ njoka yun, ho nde, ɓaŋa nɛ nyaŋgwɛ temɔ suŋgwɛ nɛ ɓɛsɔ, ho dolɔ ɓaŋa nɛ temɔ nɛ joŋ joŋ suŋgwɛ nɛ njɔŋ yan, ho nde, ɓaŋa nɛ temɔ te yi suŋgwa mɛyasi tandɛ yan. Mi kɛ gwe kaŋ nde, ’mi ta dolɔ ka ɓaŋa kɛ njoka yun ɓe ɗiki kutɔ ka ɓɛsɔ? Ho ɓaŋa ɓe numbu yan ti yáki kɔŋ taŋ? Ho ɓotu ɓe susula yotu? Mi kɛ gwe kaŋ ɗete nde, mi ta ɗya̧ yari dolɔ mɛyasi nɛ kpalak kpalak.

GALASI 5:15

Ma wunɛ ɗîy nɛ sɔsɔ, kɛto ŋgɛ wunɛ kpalɛ joŋna nɛ hay hay hay tandɛ yun ɗiki loŋna ɗyambi, yite wunɛ ta si wona.

GALASI 5:26

Wusɛ tî susula yotu su nɛ gbɛlate yí kelɔ nde, njɔŋ su kêl sendi ɗete, kelɔ sendi nde, ɓaka ɓɛ̂ki nɛ nyaŋgwɛ temɔ suŋgwɛ nɛ ɓɛsɔ na.

EFƐS 4:2

Wunɛ jôŋnaŋgwɛ ɗete nɛ piɗya yotu kɛ mɛnje hɛnɛ, joŋna nɛ tɛ, gbisɔ sendi ɓɛsɔ. Ɓaka dîsimaŋgwɛ ɓɛsɔ nɛ temɔ te yi mɛkwaɗya.

EFƐS 5:21

Yite ɓaka ta tɛkwɛ to suŋgwɛ nɛ ɓɛsɔ, kɛto wunɛ kɛ jɛsɔ Krist.

FILIPI 2:14

Wunɛ kêl mɛyasi hɛnɛ kinɛ mɛŋgbɔŋgila kinɛ mɛtandɔ na.

KOLOS 3:12

Njambiyɛ tɔkuma wunɛ, nɛ́ wunɛ ɓɛ ɓomɔ ɓenɛ, sɔŋ temɔ nɛ. Ɗete, wunɛ ɓɛ̂ki ɓotu ɓe gwe ŋgwɛtɛ ɓɛsɔ, ɓɛ ɓotu ɓe ŋgikwa, ɓɛ sendi ɓotu ɓe piɗyɛ yotu. Wunɛ ɓɛ̂ki ɓotu ɓete ɓe joŋna nɛ tɛ, ɓɛ nɛ gbisa.

KOLOS 3:8

Ma ndana, wunɛ tîki mɛyasi mɛte hɛnɛ: Ŋgambi, joŋjoŋ temɔ, ɓeya yasi, tikɔ sendi mɛndoy. Lɛpi janji tî pundu kɛ numbu yun na.

1 TIMƆTE 6:4

yite ɓendiɗya yotu ma namɔ nyɛ, a yeti kɛ duwɛ ko mɔnɔ yaŋa nɛ mbɛt na. A kɛ kwaɗyɛ mɛlombɔ, nyɛ mɔ mɛtandɔ kɛ gbɛla lem mɛlɛpi. Yo kɛ kelɔ nde, gɔruna yasi ɗyâŋ kɛ temɔ mumɔ. Yo kél sendi nde, ɓomɔ lômbiɗyaŋgwɛ, ɓo tôynaŋgwɛ, ɓo ɓɛ̂ki nɛ ɓeya mɛtakɛ nde, ɓaŋa kelma yiŋa ɓeya yasi sɔɗyate.

1 PIYƐR 3:8

Yí siɗyɛ nɔ, wunɛ hɛnɛ ɓɛ̂ki nɛ mɛtakɛ wɛtɛ kɛ mɛyasi, ɓɛ sendi temɔ wɛtɛ. Wunɛ kwâɗyaŋgwɛ nda ɓemaŋ. Ɓaka gwâki ŋgwɛtɛ ɓɛsɔ. Wunɛ ɓɛ̂ki sendi ɓotu ɓe piɗya yotu.

1 PIYƐR 5:5

Wunɛ ɓegwanjɔ nɛ̀ ɓeŋgɔndu, wunɛ sendi, wunɛ tɛ̂kwɛ to wokuna nɛ ɓotu ɓete yi ɓo nya ɓo ɗiyɔ ɓetomba ɓaka. Ma wunɛ hɛnɛ, kɛ ɗiyɔ yun, wunɛ pîɗyikwɛ gba mɛyotu kamna tandɛ yun, kɛto yo kɛtinate kɛ mɛkana mɛ Njambiyɛ nde: ‹Njambiyɛ súm kol suŋgwɛ nɛ ɓotu ɓete ɓe ɓendiɗye yotu ɓaka. Yasi wɛtɛ, a kél kimɔ yasi nɛ ɓotu ɓete ɓe piɗyɛ yotu ɓaka.›