FILIPI 2:1 - Kako

¹ Komɛ wunɛ ɗiyɛ saŋgwate wúnɛ ɓe *Krist kɛ́, ’ɗiyɔ te yeti kɛ nyɛ ka wunɛ ɗeti kɛ temɔ na? ’Mɛkwaɗya mɛte te yi nyɛ kwaɗyɛ nɛ wunɛ kɛ́ yeti kɛ wɛɗye ka mɛtemɔ mun? ’Wunɛ ka saŋgwate wúnɛ ɓe Kimɔ Sisiŋ? ’Wunɛ kɛ kwaɗya ka tandɛ yun, gwe sendi ŋgwɛtɛ ɓɛsɔ?

FILIPI 2:1 Iomraidhean Croise

LUKAS 2:25

Wɛtɛ mbam ɓa̧ kɛ Yerusalɛm, ɗinɔ ɗyenɛ nde Simeyɔŋ. A ɓa̧ ŋgbeŋ mumɔ. A ɓa̧ kɛ ɓakiɗye mɛmboŋga mɛ Njambiyɛ, tikɔ temɔ nɛ kɛ ŋgimɔ te yi Njambiyɛ ta joŋgwɛ nɛ kandɔ Isarayɛl kɛ́. Kimɔ Sisiŋ ɓa̧ sendi kɛ nyɛ.

Kimɔ Tom Yesus Krist te yi Jaŋ kɛtima 14:18

Mi tí tikɔ wunɛ nda ɓɔnɔ ɓenyuru na. Mi ta yɔkwɛ nje kɛ yun.

Kimɔ Tom Yesus Krist te yi Jaŋ kɛtima 14:27

«Gba tɛte yi mi tikɛ nɛ wunɛ kɛ́! Mi kɛ nyɛ wunɛ tɛte yembɛ. Mi yeti kɛ nyɛ wunɛ yo nda yi ɓotu ɓe mɛnɛti maka nyɛ kɛ́ na. Temɔ yun tî kuɗyukwɛ na, wunɛ tî gwaki wɔ̧ yaŋa na.

Kimɔ Tom Yesus Krist te yi Jaŋ kɛtima 17:13

Ma ndana mi kɛ yɔkwɛ kɛ̀ pɛ yɔ. Mi lɛ́pi mɛyasi maka kɛ ŋgimɔ te yi mi ndi kɛ mɛnɛti maka kɛ́, nɛ́ mɛsosa tondu kɛ temɔ yan nda yi mi nɔ kɛ́.

ƁOTU ƁE TOMUN 2:46

Ɓo ɗikima wesiɗya mɛtu hɛnɛ nɛ̀ mɛŋgimɔ hɛnɛ kɛ mbanjɔ Njambiyɛ, ŋgbɔ ɗyena kɛ mɔy mɛtu̧ man nɛ mɛsosa nɛ̀ kimɔ temɔ.

ƁOTU ƁE TOMUN 4:32

Ɓomɔ hɛnɛ ɓe ma tikɔ temɔ kɛ yi Kumande Yesus Krist ɓaka ɓa̧ ndi temɔ wɛtɛ nɛ mɛtakɛ wɛtɛ. Mumɔ wɛtɛ nɛ wɛtɛ kɛ njoka yan tì lɛpɛ nde, mɛyasi mɛnɛ wókunaŋgwɛ ndi nɛ nyɛ na. Yasi wɛtɛ, yasi hɛnɛ ɓa̧ yi ɓomɔ hɛnɛ kɛ njoka yan.

Mɛkana mɛte yi Pol kɛtima kɛnjɛ ɓotu ɓe Rom 5:5

Yo nde, ŋgɛ wusɛ ɓɛ nɛ ɓiɓina temɔ ɗete kɛ yi Njambiyɛ, wusɛ tí ɓiye sɔsɔ mɛwuru na, kɛto a sima si tonjɛ mɛkwaɗya mɛnɛ kɛ mɔy mɛtemɔ musu nɛ nje Kimɔ Sisiŋ te yi nyɛ nya wusɛ kɛ́.

Mɛkana mɛte yi Pol kɛtima kɛnjɛ ɓotu ɓe Rom 8:26

Ɗete sendi, Kimɔ Sisiŋ kɛ kamɛ wusɛ kɛ mɛtɛkɔ musu, kɛto wusɛ yeti kɛ duwɛ nda yi wusɛ yâkaŋgwɛ ŋgwɛta kimɔte nɛ Njambiyɛ kɛ́ na. Yasi wɛtɛ, Kimɔ Sisiŋ kɛ ŋgwɛta nɛ Njambiyɛ kɛ numbu su nɛ njim yasi te yi wusɛ tí yaka pilɛ na.

1 KƆRƐŊT 12:13

Yo nde, wusɛ hɛnɛ, ko Ɓeyudɛn ko ɓaka ɓe yeti Ɓeyudɛn ɓaka, ko bala ko ɓaka ɓe yeti ɓebala ɓaka, ɓo tɔpuma wusɛ nɛ ɗeti te yi kiya Kimɔ Sisiŋ, nɛ́ wusɛ nje ɓɛ ndi kiya yotu mumɔ wɛtɛ. Wusɛ ɓoŋma sendi kiya Kimɔ Sisiŋ te.

1 KƆRƐŊT 15:31

Wunɛ njɔŋ, sinɛ sɔŋ kol wɛtɛ mɛtu hɛnɛ. Yo ndi gbakasi sendi ɗete nda yi mi lukse nɛ yotu mbɛ kɛto yun, kɛto wusɛ saŋgwate sinɛ ɓe Nyaŋgwɛ Kumande wusu Krist Yesus.

1 KƆRƐŊT 3:16

’Yite nde, wunɛ yeti kɛ duwɛ nde, wunɛ mbanjɔ Njambiyɛ na? ’Wunɛ yeti kɛ duwɛ ka nde, Sisiŋ Njambiyɛ kɛ joŋna kɛ yotu yun na?

2 KƆRƐŊT 2:14

Wosoko nɛ Njambiyɛ! A kɛ kɛndɔ nɛ wusɛ mɛŋgimɔ hɛnɛ, kɛto sinɛ ɓe *Krist saŋgwate. Krist sima namɔ wusɛ, wusɛ mɛ wokuna nɛ nyɛ. Njambiyɛ kɛ kɛndɔ nɛ wusɛ kɛ mɛmbɛy hɛnɛ yí teɗye nde, Krist sima laŋsa mɛyasi hɛnɛ. A kɛ tomɔ wusɛ kɛnjɛ kɛ mbɛy hɛnɛ, nɛ́ wusɛ kɛ̀ pel Kimɔ Tom kɛ kasi Krist, nɛ́ ɓomɔ duwɛ nyɛ. Pelna Kimɔ Tom te nda lɔbinda te yi lapiɗya kɛ̀ nɔ kɛ mɛmbɛy hɛnɛ kɛ́.

GALASI 4:6

Ma ɗete, Njambiyɛ tomma Sisiŋ Mɔnɔ wenɛ njesɛ kɛ mɔy mɛtemɔ musu, kɛto wunɛ mɛ gbate ɓɔnɔ ɓenɛ. Sisiŋ te kɛ kembiɗya nde: ‹*Aba Da!›

GALASI 5:22

Ma Kimɔ Sisiŋ kél nɛ nde, mumɔ ɓɛ̂ki nɛ temɔ mɛkwaɗya, a ɓɛ̂ki nɛ mɛsosa, a jôŋnaŋgwɛ nɛ tɛ disima sendi mɛyasi, a kél sendi nde, mumɔ ɓɛ̂ki nɛ ŋgikwa, gwe ŋgwɛtɛ ɓɛsɔ, kelɔ yasi te yi ɓɛsɔ ta ɓɛ nɛ ɓiɓina temɔ kɛ yenɛ.

EFƐS 4:4

Yotu *Krist ndi wɛtɛ nɛ wɛtɛ. Kimɔ Sisiŋ ndi sendi wɛtɛ nɛ wɛtɛ. Yo ndi sendi ɗete komɛ Njambiyɛ jeɓama wunɛ njesɛ kɛ yenɛ kɛ́. A jeɓama wunɛ, nɛ́ wunɛ ɓɛ ndi nɛ ɓiɓina temɔ kɛ yasi wɛtɛ nɛ wɛtɛ.

FILIPI 1:8

Njambiyɛ kɛ duwɛ nde, mi lɛ́pi gbakasi komɛ mi lɛpɛ nde, mi kɛ kwaɗyɛ wunɛ hɛnɛ kumɔ kɛ mɔy temɔ mbɛ nda yi Krist Yesus kwaɗya nɛ wusɛ kɛ́.

FILIPI 3:3

Yo nde, yo gba wusɛ ɓɛ faŋ ɓotu ɓete ɓe pɛsinama ɓaka, yeti ɓo na, kɛto wusɛ kél su mɛsay nyɛ Njambiyɛ nɛ nje Kimɔ Sisiŋ nɛ. Wusɛ lúksa su yotu, sosa kɛto Krist Yesus. Sendi, wusɛ yeti nɛ ɓiɓina temɔ kɛ mɛyasi mɛte yi wusɛ nɛ ŋguru wusu yakama kelɔ kɛ́ na.

KOLOS 2:2

Mi lóŋ ɗyambi ɗete yí sa̧ nde, mɛtemɔ mun ɓôŋ ɗeti, nɛ́ wunɛ kwaɗya, ɓɛ saŋgwate, ɓɛ sendi tondunate nɛ duwa̧ yasi yí duwɛ nɛ yasi te yi Njambiyɛ ma sɔ́ɗyukwɛ nɛ mbɔmbu kɛ́. Yasi te, yo *Krist.

KOLOS 3:12

Njambiyɛ tɔkuma wunɛ, nɛ́ wunɛ ɓɛ ɓomɔ ɓenɛ, sɔŋ temɔ nɛ. Ɗete, wunɛ ɓɛ̂ki ɓotu ɓe gwe ŋgwɛtɛ ɓɛsɔ, ɓɛ ɓotu ɓe ŋgikwa, ɓɛ sendi ɓotu ɓe piɗyɛ yotu. Wunɛ ɓɛ̂ki ɓotu ɓete ɓe joŋna nɛ tɛ, ɓɛ nɛ gbisa.

ƁEHEBERE 6:18

Kɛ mɛyasi maka yiɓa, yite nde, ŋgɛ Njambiyɛ si kpo yiŋa yasi, kinja sendi yotu nɛ, yaŋa tí sɛnjɔ se kɛte na. Ko a ti kél ja̧ na. Ɗete, pɛ wusɛ ɓotu ɓete ɓe sɔma kɛ yasi nɛ ɓaka, yo kɛ nyɛ wusɛ nyaŋgwɛ ɗeti te yi ɓɛ nɛ ɓiɓina temɔ nɛ ŋgbik kɛ mɛyasi mɛte yi nyɛ sima kpo nyɛ wusɛ kɛ́.

1 PIYƐR 1:2

Da Njambiyɛ kikima si tɔkɛ wunɛ ɗete njombu yaŋa ɓeŋgwɛ yasi te yi nyɛ sima kombile kɛ́. A tɔkuma wunɛ ɗete nɛ nje te yi Kimɔ Sisiŋ, nɛ́ wunɛ joŋna pupunate kɛ mbɔmbu wenɛ, kɛ̀ mbɔmbu wokuna nɛ Yesus Krist, nɛ́ mɛkiyɔ mɛnɛ yi nyanjama kɛ́ pupuɗye wunɛ. Ŋgikwa nɛ̀ tɛte nyɛ̂naŋgwɛ pɛlɛ wunɛ ɓuɗyɛ.

1 JAŊ 3:24

Mɔ te ɛ ɓakiɗye kelɔ mɛyasi mɛte yi mɛmboŋga mɛnɛ lɛpɛ kɛ́ kɛ ɗiyɔ kɛ yenɛ, nyɛ, Njambiyɛ sendi kɛ ɗiyɔ kɛ yi mɔ te. Yasi te yi teɗye wusɛ nde, sinɛ ɓe Njambiyɛ kɛ ɗiyɔ wɛtɛ kɛ́, yo Sisiŋ te yi nyɛ nya wusɛ kɛ́.

1 JAŊ 4:12

Kinɛ mbaŋa mumɔ ɛ ɓɛŋma Njambiyɛ nɛ toru na. Ŋgɛ wusɛ kwaɗya tandɛ su, yite Njambiyɛ kɛ ɗiyɔ kɛ yusu. Sendi, mɛkwaɗya mɛnɛ tondunate kɛ temɔ su.

1 JAŊ 4:16

Wusɛ nja̧ nje duwɛ mɛkwaɗya mɛte yi Njambiyɛ ɓoŋma suŋgwɛ nɛ wusɛ kɛ́, ɛ wusɛ tikɛ sendi temɔ kɛte. Njambiyɛ nɛ ŋguru wenɛ mɛkwaɗya. Mɔ te ɛ kɛ̀ mbɔmbu ɓɛ nɛ mɛkwaɗya kɛ temɔ, mɔ te kɛ ɗiyɔ kɛ yi Njambiyɛ. Njambiyɛ sendi kɛ ɗiyɔ kɛ yenɛ.