FILIPI 1:11 - Kako

¹¹ Yesus Krist ta nyɛ wunɛ ɗeti te yi kelɔ kwalɔ mɛkele hɛnɛ te yi nɛ ŋgbeŋ kɛ̀ nɔ mbɔmbu, nɛ́ ɓomɔ lukse Njambiyɛ sombile nyɛ kɛto te yite.

FILIPI 1:11 Iomraidhean Croise

MATIYO 5:16

Ɗete sendi, wunɛ pânkwɛ mɛjasi kɛ misi mɛ ɓomɔ, nɛ́ ɓo ɓɛŋ kimɔ mɛkele mun yí lukse nɛ Saŋgwɛ wun te ɛ ɗiyɛ kɛ ɗyoɓɔ kɔ.»

Kimɔ Tom Yesus Krist te yi Jaŋ kɛtima 15:16

Yeti wunɛ tɔkɛ mi na, yo mi tɔkɛ wunɛ tomɔ wunɛ, nɛ́ wunɛ kɛ̀ wum mɛmbumɔ, nɛ́ mɛmbumɔ mun kiki. Ɗete, yasi hɛnɛ te yi wunɛ ta diyɛ Da nɛ ɗinɔ ɗyembɛ, a ta nyɛ wunɛ yo.

Kimɔ Tom Yesus Krist te yi Jaŋ kɛtima 15:2

Ɓɔ jeti hɛnɛ ɛ ɗiyɛ kɛ mi kinɛ wumɔ mɛmbumɔ, Saŋmbɛ kɛ pɛsɔ yo soŋɛ. Ndi nde, a kɛ kombile soŋɛ ɓeya mɔnɔ mɛɓɔ mɛ jeti mɛte yi lo kɛ ɓɔ jeti te ɛ wumɛ mɛmbumɔ kɔ, nɛ́ yo wum kwa̧ yite.

Kimɔ Tom Yesus Krist te yi Jaŋ kɛtima 15:8

Ŋgɛ wunɛ wumɛ ɓuɗya mɛmbumɔ, wunɛ ta teɗye nde, wunɛ ɓejekɛ ɓembɛ. Ɗete, mɛluksa mɛ Saŋmbɛ kɛ pundɔ kɛ puyɛ.

Mɛkana mɛte yi Pol kɛtima kɛnjɛ ɓotu ɓe Rom 15:28

Ŋgɛ mi siɗyɛ mɛkele mɛnɔri si kɛ̀ tikiɗye mɛyasi hɛnɛ te yi ɓo ndɛmma kɛ́, ma nje pɛsa nɛ wɛri kɛ̀ nɔ Ɛspanyɛ.

Mɛkana mɛte yi Pol kɛtima kɛnjɛ ɓotu ɓe Rom 6:22

Ma ndana, Njambiyɛ sima soŋɛ wunɛ kɛ ɗiyɔ bala mɛɓeyɔ. Wunɛ mɛ ndana ɓebala ɓenɛ. Kimɔ yasi te yi wunɛ nje ɓɛ nɔ kɛ yite kɛ́, yo nde, Njambiyɛ kelma nde, wunɛ jôŋnaŋgwɛ pupunate kɛ mbɔmbu wenɛ. Ɗete, yí siɗyɛ nɔ, yo ta kelɔ nde, wunɛ ɓɛ̂ki nɛ joŋgwɛ te yi kpo nɛ kpo.

1 KƆRƐŊT 10:31

Ɗete, ko wunɛ ɗyáki ŋge ko wunɛ hɔ́ɓiya ŋge ko wunɛ kél yasi te nda, wunɛ yâkaŋgwɛ kelɔ mɛyasi hɛnɛ yí lukse nɛ Njambiyɛ.

2 KƆRƐŊT 9:10

Yo Njambiyɛ nyɛ kwalɔ nyɛ mɔ ɓɛna mbɛki. Yo sendi Njambiyɛ nyɛ nyɛ mɛɗye mɛte yi nyɛ ɗye kɛ́. Yo ndi sendi nyɛ ta nyɛ wunɛ mɛyasi, nyɛ mɛkombila kɛte, ɔ ɓɛ́ŋa, yo má ɓuyɔ kɛ̀ nɔ mbɔmbu. A ta kelɔ sendi nde, mɛsay mɛ kamna ɓɛsɔ te yi wunɛ kelɛ kɛ́ ɗɔ̂ku ɗɔkɔ sendi.

EFƐS 1:12

A kikima si tɔkɛ wusɛ ɗete, nɛ́ wusɛ sombile nyaŋgwɛ mɛluksa mɛnɛ, wusɛ ɓotu ɓete ɓe kandima ɓɛ nɛ ɓiɓina temɔ njombu yaŋa kɛ yi Krist ɓaka.

EFƐS 1:14

A nya wusɛ Kimɔ Sisiŋ te, nda yi mumɔ kandɛ nyɛ ndɔtukwɛ yí laɗye nɛ nyɛna ŋgɔlɔkɔ kɛ́. Ɗete, a kɛ teɗye nde, a ta kɛ̀ mbɔmbu yí nyɛ wusɛ kimɔ ɓukwɛ mɛyasi hɛnɛ te yi nyɛ ɓakiɗye tikɛ ɓotu ɓenɛ kɛ́. A ta nyɛ wusɛ yo komɛ nyɛ ta siɗyɛ joŋgwa ɓotu ɓenɛ kɛ́. Ɓotu ɓete, yo ɓaka ɓe nyɛ kolma, nɛ́ ɓo ɓɛ ɓenɛ. Njambiyɛ kelma ɗete, nɛ́ wusɛ sombile nyaŋgwɛ mɛluksa mɛnɛ.

EFƐS 2:10

Yo ɗete, kɛto wusɛ yasi te yi nyɛ nɛ ŋguru wenɛ kelma. A kelma nde, wusɛ ɓɛ̂ki jɔnja yasi saŋgwate sinɛ ɓe Krist Yesus, nɛ́ wusɛ kel kimɔ mɛkele mɛte yi nyɛ nɛ ŋguru wenɛ kikima si kombile nde, nɛ́ wusɛ kel kɛ́.

EFƐS 5:9

Wunɛ kêl ɗete, kɛto mɛjasi kél nde, mumɔ kêl kwalɔ kimɔ yasi hɛnɛ, kelɔ yasi hɛnɛ nɛ ŋgbeŋ, kelɔ sendi nde, mumɔ lɛ̂pi gbakasi kɛ mɛyasi hɛnɛ.

FILIPI 4:17

Yeti nde, mi sáŋ nde, wunɛ njêsikwɛ mi mɛyasi na. Yasi te yi mi sa̧ kɛ́, yo nde, Njambiyɛ kêl nde, mɛsay mɛte yi wunɛ kelɛ kɛ́ kpâl wumɔ ɓuɗya mɛmbumɔ nyɛ wunɛ.

KOLOS 1:10

A nyɛ̂ki wunɛ yo, nɛ́ wunɛ joŋna nda yi ɓotu ɓete ɓe ɓeŋgwɛ Nyaŋgwɛ Kumande yâkaŋgwɛ joŋna kelɔ mɛyasi hɛnɛ nda yi nyɛ gɔrɛ. Ɗete, wunɛ ta kelɔ kimɔ mɛkele kɛ mɛyasi hɛnɛ te yi wunɛ kelɛ. Sendi, duwa̧ Njambiyɛ te yi wunɛ duwɛ kɛ́ ta ɗɔkɔ ɗɔkɔ kɛ̀ nɔ mbɔmbu.

KOLOS 1:6

Kimɔ Tom te kumma pɛ yun. Yo ka̧ kɛndɔ mbɔmbu nyanja yaka nɛ mɛnɛti maka hɛnɛ, punjɛ kimɔ mɛkele kɛ joŋgwɛ ɓomɔ. Yo kɛ kelna sendi ɗete kɛ yun kandɛ kɛ yesɔ te yi wunɛ wokuma duwɛ gbate nde, Njambiyɛ nɛ ŋgikwa kɛ́.

2 TESALONIK 1:12

Ɗete, ɓomɔ ta lukse ɗinɔ Nyaŋgwɛ Kumande wusu Yesus kɛto yun. Sendi, ɓomɔ ta lukse wunɛ kɛto nɛ. Yo ta kelna ɗete ɓeŋgwɛ ŋgikwa te yi Njambiyɛ wusu nɛ̀ yi Kumande Yesus Krist.

Mɛkana mɛte yi Pol kɛtima kɛnjɛ Tit 3:14

Ɓenjɔŋ ɓusu jêka sendi kelna kimɔ mɛkele kɛ̀ nɔ mbɔmbu, nɛ́ ɓo kam ɓotu ɓete ɓe kinɛ mɛyasi mɛte yi mumɔ yakama joŋna nɔ kɛ́. Ɓo kêl ɗete, ma mɛyasi mɛte yi ɓo kelɛ kɛ joŋgwɛ ɗyan kɛ́ mɛ nje gwe mɛsɛŋgɛ.

ƁEHEBERE 12:11

Mɛŋgimɔ hɛnɛ te yi ɓo teɗye mumɔ mɛbɔnɛ yí kitɛ nɛ nyɛ, kɛ ŋgimɔ te yite a ɓɛ́ŋa nde, yo yasi ŋgambi, yeti yasi mɛsosa na. Ma kɛ kɔŋ mɛbɔnɛ mɛnɔri mɔ te ɛ jekima yiŋa yasi kɛ mɔyte kɔ kɛ nje joŋna nɛ ŋgbeŋ kɛ mbɔmbu Njambiyɛ, ɓɛ nɛ temɔ nɛ tɛ.

1 PIYƐR 2:12

Komɛ wunɛ joŋna ndana kɛ njoka mɛkandɔ mɛ ɓotu ɓete ɓe yeti kɛ duwɛ Njambiyɛ ɓaka, wunɛ jôŋnaŋgwɛ kimɔte. Ɗete, komɛ ɓo lɛpina ɓeyate nɛ wunɛ kɛ yiŋa yasi nde, wunɛ kɛ kelɔ ɓeyate kɛ́, ɓo ta kpalɔ ɓɛŋɛ kimɔ mɛkele mun, lukse Njambiyɛ kɛ yesɔ te yi nyɛ ta nje saŋgwa nɛ ɓomɔ kɛ́.

1 PIYƐR 2:5

Wunɛ sendi, wunɛ kɛ nje kɛ yi Njambiyɛ nda kpasa joŋjoŋgwɛ mɛtari. Wunɛ tîki nde, Njambiyɛ ɓôŋ wunɛ yí sumɔ nɛ tu̧ ɗyenɛ komɛ Sisiŋ nɛ ta ɗiyɔ kɛ́. Ɗete, a ta tɛmbiɗye wunɛ, njɔŋ ɓotu ɓe nyɛna sadaka te ɓenɛ, nɛ́ wunɛ nyɛ nyɛ mɛsadaka mɛte yi Kimɔ Sisiŋ ta teɗye wunɛ kɛ́. Njambiyɛ kɛ jayɛ mɛsadaka mɛte yite nɛ mɛsosa nɛ nje Yesus Krist.

1 PIYƐR 2:9

Ma kɛ ɓɛ wunɛ, wunɛ mbo ɓotu ɓete ɓe Njambiyɛ tɔkuma, njɔŋ ɓotu ɓe nyɛna sadaka te ɓe kelɛ mɛsay nyɛ Kumande. Wunɛ njɔŋ ɓotu ɓete ɓe Njambiyɛ tɔkuma nde, ɓo ndi ɓenɛ yí kelɔ mɛsay nyɛ nyɛ. Wunɛ sendi kandɔ ɓotu ɓete ɓe wokuna ndi nɛ nyɛ nyɛpɔ. A tɔkuma wunɛ ɗete, nɛ́ wunɛ lɛpi nyaŋgwɛ kimɔ mɛkele mɛnɛ nyɛ ɓomɔ. Yo nyɛ jeɓa wunɛ soŋɛ kɛ mɔy yitil njesɛ kɛ kpasa mɛjasi mɛnɛ.

1 PIYƐR 4:14

Ŋgɛ ɓomɔ lɛpina wuŋgwɛ wunɛ, kɛto wúnɛ ɓe Krist saŋgwate, yite wunɛ nɛ mɛsosa, kɛto Sisiŋ Njambiyɛ yi nɛ nyaŋgwɛ mɛluksa kwa̧ mɛyasi hɛnɛ kɛ́ pɛlɛ wunɛ.