FILEMƆŊ 1:6 - Kako

⁶ Mi díya Njambiyɛ nde, kɛn mbɔmbu ɗiyɔ saŋgwate wúnɛ ɓotu ɓete ɓe tikɛ sendi temɔ kɛ yi *Krist ɓaka kwa̧ to te, nɛ́ wɛ duwɛ kimɔ mɛyasi hɛnɛ te yi wusɛ yakama kelɔ kɛto Krist kɛ́.

FILEMƆŊ 1:6 Iomraidhean Croise

MATIYO 25:16

Ndana ndana, mɔ te ɛ ɓoŋma miliyɔŋ yitan kɔ kwaŋma si kɛ̀ ɗɔkwɛ yo, kweɗya sendi miliyɔŋ yitan dokiɗye kɛ to te yiri.

MATIYO 5:16

Ɗete sendi, wunɛ pânkwɛ mɛjasi kɛ misi mɛ ɓomɔ, nɛ́ ɓo ɓɛŋ kimɔ mɛkele mun yí lukse nɛ Saŋgwɛ wun te ɛ ɗiyɛ kɛ ɗyoɓɔ kɔ.»

1 KƆRƐŊT 14:25

Komɛte, mɛyasi mɛte yi ɗiyɛ sɔɗyate kɛ mɔy temɔ nɛ kɛ́ ta gbasina, a má kusɛ mɛɓɔŋ kɔtɔ mbɔmbu kɛ mɛnɛti kanɔ Njambiyɛ, a má lɛpɔ kɛ mbɛy hɛnɛ nde, Njambiyɛ kɛ njoka yun gbate.

1 KƆRƐŊT 16:9

kɛto Njambiyɛ ma ɓutɛ nyaŋgwɛ nje kelna kimɔ mɛsay nyɛ mi. Ma ɓependɔ nɛ ɓuyɔ sendi.

FILIPI 4:8

Wunɛ njɔŋ, mi kɛ lɛpɔ siɗyɛ nɔ nde: Kɛ mɛyasi hɛnɛ, mɛtakɛ mun kɛ̂n kɛ yasi te yi ɓɛ gbakasi nɛ̀ kɛ yasi te yi ɓomɔ yakama jɛsɔ. Yo kɛ̂n kɛ yasi te yi nɛ ŋgbeŋ nɛ̀ kɛ yasi hɛnɛ te yi pupunate. Yo kɛ̂n kɛ yasi hɛnɛ te yi ɓomɔ yakama tɔndɔ nɛ̀ kɛ yasi hɛnɛ te yi ɓomɔ yakama jayɛ. Yo kɛ̂n sendi kɛ yasi hɛnɛ te yi ɓɛ kimɔte nɛ̀ kɛ yasi hɛnɛ te yi ɓomɔ yakama lukse.

KOLOS 1:9

Ɗete, kandɛ yesɔ te yi wusɛ ma wóku nɛ mɛyasi mɛte yi ɓo lɛpɛ kɛ kasi yun, wusɛ kɛ ŋgwɛta nɛ Njambiyɛ mɛŋgimɔ hɛnɛ kɛto yun, diyɛ nyɛ nde, wunɛ ɓɛ̂ki tondunate nɛ duwa̧ yasi te yi nyɛ kwaɗyɛ kɛ́ nɛ nje nyɛna yun ɗyanɔ hɛnɛ, ɓu̧ duwa̧ yasi te yi Kimɔ Sisiŋ nyɛ mumɔ kɛ́.

KOLOS 3:10

Ma ndana, wunɛ mɛ nɛ jɔnja joŋgwɛ yi kɛ sɛnjɔ kɛ̀ nɔ mbɔmbu, nɛ́ yo ɓoŋna nɛ yi mɔ te ɛ kusuma yo kɔ, nɛ́ wunɛ duwɛ nyɛ kimɔ duwa̧te kumɔ njena.

Mɛkana mɛte yi Pol kɛtima kɛnjɛ Tit 3:14

Ɓenjɔŋ ɓusu jêka sendi kelna kimɔ mɛkele kɛ̀ nɔ mbɔmbu, nɛ́ ɓo kam ɓotu ɓete ɓe kinɛ mɛyasi mɛte yi mumɔ yakama joŋna nɔ kɛ́. Ɓo kêl ɗete, ma mɛyasi mɛte yi ɓo kelɛ kɛ joŋgwɛ ɗyan kɛ́ mɛ nje gwe mɛsɛŋgɛ.

ƁEHEBERE 6:10

Hɛ lɛ́pi ɗete, kɛto Njambiyɛ yeti mɔ te ɛ kelɛ yasi kɔtute na. A tí leŋsa mɛsay mɛte yi wunɛ kelɛ nɛ̀ mɛkwaɗya mɛte yi wunɛ teɗya suŋgwɛ nɛ nyɛ kɛ́ na. Mɛkwaɗya mɛte kɛ ɓɛŋna kɛ kimɔ mɛyasi mɛte yi wunɛ kelma suŋgwɛ nɛ ɓotu ɓenɛ nɛ̀ yi wunɛ kɛ̀ mbɔmbu kelɔ kɛ́.

Mɛkana mɛte yi Jak kɛtima 2:14

Wunɛ njɔŋ, ŋgɛ mumɔ lɛpɛ ndi lɛpɔ nɛ numbu nde, a kɛ tikɔ temɔ kɛ yi Njambiyɛ kinɛ mɛkele na, yite káma ŋge? ’Njɛl tikina temɔ te yite ma joŋgwɛ ka nyɛ?

Mɛkana mɛte yi Jak kɛtima 2:17

Tikina temɔ te yi mumɔ tikɛ kɛ yi Njambiyɛ kɛ́ sendi ɗete. Ŋgɛ mumɔ lɛpɛ nde, a kɛ tikɔ temɔ kɛ yi Njambiyɛ kinɛ teɗye yo kɛ mɛkele na, yite tikina temɔ te muŋte, kɛto yo kinɛ mɛkele na.

1 PIYƐR 2:12

Komɛ wunɛ joŋna ndana kɛ njoka mɛkandɔ mɛ ɓotu ɓete ɓe yeti kɛ duwɛ Njambiyɛ ɓaka, wunɛ jôŋnaŋgwɛ kimɔte. Ɗete, komɛ ɓo lɛpina ɓeyate nɛ wunɛ kɛ yiŋa yasi nde, wunɛ kɛ kelɔ ɓeyate kɛ́, ɓo ta kpalɔ ɓɛŋɛ kimɔ mɛkele mun, lukse Njambiyɛ kɛ yesɔ te yi nyɛ ta nje saŋgwa nɛ ɓomɔ kɛ́.

1 PIYƐR 3:1

Wunɛ ɓomari, wunɛ kêl sendi nda wusɛ lɛpima suŋgwɛ nɛ ɓotu ɓe mɛsay kɛ́. Nyari hɛnɛ tɛ̂kwɛ to wokuna nɛ njoŋɔ te wenɛ. Simande ko nde, ɓaŋa ɓembam kɛ njoka te yeti kɛ ɓeŋgwɛ mɛlɛpi mɛ Njambiyɛ na, ɓo ta tikɔ temɔ kɛte, ko nde, ɓo tì lɛpɛ nyɛ ɓo na komɛ ɓo ɓɛŋɛ ɓoma ɓan kɛ joŋna wɛynate.

1 PIYƐR 3:16

Ndi nde, wunɛ yêŋsaŋgwɛ nyɛ ɓo nɛ kimɔ temɔ nɛ̀ kambina Njambiyɛ sendi. Mɛtemɔ mun ɓɛ̂ki nɛ tɛ kinɛ yaŋa te yi yakama njaŋgwɛ wunɛ na. Wunɛ kêl ɗete, nɛ́ njɔn ɓiy ɓotu ɓete ɓe ɗiki ɗyaŋgwɛ ɗinɔ ɗyun kɛ yasi te yi ɓo lɛpina ɓeyate suŋgwɛ nɛ wunɛ, kɛto wunɛ kɛ joŋna nɛ tɛ ɓeŋgwɛ nje Krist.

2 PIYƐR 1:8

Ma ŋgɛ mɛyasi mɛnɔri hɛnɛ ɓɛŋna kɛ joŋgwɛ ɗyun, ŋgɛ yo ɓuyɛ kɛ̀ nɔ mbɔmbu, ko yo tí kelɔ nde, wunɛ kpôku mɛɓɔ, ho kelɔ nde, mɛsay mun gwâki mɛsɛŋgɛ na. Yasi wɛtɛ, yo ta kelɔ nde, wunɛ kpâl nje duwɛ Nyaŋgwɛ Kumande wusu Yesus Krist kimɔ duwa̧te kɛ̀ nɔ mbɔmbu.