FILEMƆŊ 1:14 - Kako

¹⁴ Yasi wɛtɛ, mi tì kwaɗyɛ kelɔ ɗete kinɛ pa diyɛ wɛ na, mɛ nje ɓɛ nda mi kɛ malɔ wɛ malɔ. Ma mi kwáɗyikwɛ nde, yo wûla kɛ kwaɗya te yɔ nɛ ŋguru wɔ.

FILEMƆŊ 1:14 Iomraidhean Croise

1 KƆRƐŊT 9:17

Má ɓɛki nde, yo mi tɔkɛ mɛsay mɛte nɛ ŋguru wombɛ, ma mi yakama ɗye nduku mɛsay mɛte. Ma nda yo Njambiyɛ pɛsɛ nde, mi kêl say te kɛ́, yo mapi te yi nyɛ soɓiɗya mi kɛ́.

1 KƆRƐŊT 9:7

Yo sɔja te nda ɛ kɛ̀ ɗyambi, a má nje gbo yotu nɛ nɛ ŋguru wenɛ kɔ? Mɔ te nda ɛ ɓɛ nyambi, a má ɗiyɔ kinɛ ɗye nduku mɛsay mɛnɛ kɔ? Nda dalɛ ɓenday, a má ɗiyɔ kinɛ ɗye mɔrɔku mɛɓɛri mɛ ɓenday ɓete kɔ?

2 KƆRƐŊT 1:24

Yeti nde, wusɛ kɛ kwaɗyɛ teɗye wunɛ yiŋa yasi nɛ ŋgaŋ kɛ nje tikina temɔ te yi wunɛ tikɛ kɛ yi Yesus Krist kɛ́ na. Yasi wɛtɛ, wusɛ kɛ kpalɔ kelɔ say sinɛ wunɛ, nɛ́ wunɛ nje ɓɛ nɛ mɛsosa, kɛto kɛ tikina temɔ te yi wunɛ tikɛ kɛ yenɛ kɛ́, wusɛ kɛ duwɛ nde, wunɛ kɛ sumɔ kol ɗiyɔ nɛ ŋgbiŋgim kɛ̀ nɔ mbɔmbu.

2 KƆRƐŊT 8:12

Kɛto ŋgɛ wusɛ nyɛ Njambiyɛ yasi nɛ kimɔ temɔ, a kɛ jayɛ yo nɛ mɛsosa ɓeŋgwɛ ndi ɓuyɔ yasi te yi wusɛ nɔ kɛ́. Ma ŋgɛ ɓɛ nde, wusɛ kinɛ yaŋa na, Njambiyɛ tí diyɛ sendi yaŋa kɛ mɛɓɔ musu na.

2 KƆRƐŊT 9:5

Ɗete, ɛ mi ɓɛŋɛ kimɔte yí lɛpɔ nyɛ ɓemaŋ ɓusu ɓaka nde, tiso, ɓo kânda kwa̧ mbɔmbu nɛ mi kɛ̀ wɛri yí kombile kasi ndɛmna mɔni te yi wunɛ kpoma nde, wunɛ ta nyɛ kɛ́ tikɔ gwa̧te, yaka nɔ, komɛ mi ta ɗya̧ kɛ́, mi ta dolɔ nde, wunɛ sima kombile mɛyasi hɛnɛ. Wunɛ kêl sendi ɗete, nɛ́ yo ɓɛŋna gbate nde, wunɛ nyɛ́ki yo nɛ kimɔ temɔ, yeti nɛ i̧-a̧ na.

2 KƆRƐŊT 9:7

Mumɔ hɛnɛ nyɛ̂ki yasi nda yi nyɛ sima pɛsɔ biŋgiri kɛ temɔ nɛ, kinɛ mɛŋgbɔŋgila kinɛ malɔ nyɛ malɔ na, kɛto Njambiyɛ jáya mɔ te ɛ nyɛ nɛ mɛsosa kɛ temɔ kɔ.