2 PIYƐR 1:9 - Kako

⁹ Ma yasi wɛtɛ, ŋgɛ mɛyasi mɛnɔri ti ɓɛŋna kɛ joŋgwɛ mumɔ na, mɔ te nda mɔ ɗiɓina misi, a yeti kɛ ɓɛŋna nɛ ŋgɛlɛlɛ na. A kɛ leŋsa nde, Njambiyɛ ma pupuɗye nyɛ kɛ mɛɓeyɔ mɛte yi nyɛ ɗikima joŋna kɛte nɛ mbɔmbu kɛ́.

2 PIYƐR 1:9 Iomraidhean Croise

MARK 10:21

Yesus ɓɛŋma nyɛ kwaɗyɛ nyɛ lɛpɔ nyɛ nyɛ nde: «Ɓukwa̧ yasi wɛtɛ yi wɛ tì pa kelɔ kɛ́, yo nde, kɛn ɗyaŋgwɛ mɛyasi mɔ hɛnɛ, nɔ̀ ɓôŋ mɔni te kaɓɔ nyɛ buka ɓomɔ. Ɗete, wɛ ta ɓɛ nɛ kusuku kɛ ɗyoɓɔ. Kɛ kɔŋte, nɔ̀ ɓêŋgwɛ mi.»

LUKAS 18:22

Kɛ Yesus ma wokɔ ɗete kɛ́, ɛ nyɛ lɛpɛ nyɛ nyɛ nde: «Ɓukwa̧ yasi wɛtɛ yi wɛ tì pa kelɔ kɛ́, yo nde: Kɛn ɗyaŋgwɛ mɛyasi mɔ hɛnɛ, nɔ̀ ɓôŋ mɔni te kaɓɔ nyɛ buka ɓomɔ. Ɗete, wɛ ta ɓɛ nɛ kusuku kɛ ɗyoɓɔ. Kɛ kɔŋte, nɔ̀ ɓêŋgwɛ mi.»

Mɛkana mɛte yi Pol kɛtima kɛnjɛ ɓotu ɓe Rom 6:11

Ɗete, wunɛ sendi, wunɛ ɓôŋ mɛyotu mun nda wunɛ sima gwe ɗuwɛ kɛ ɗeti te yi mɛɓeyɔ ɓa̧ nɔ kwey kɛ́. Ma ndana, wunɛ ɓôŋ mɛyotu mun nde, wunɛ nɛ joŋ yí lukse Njambiyɛ, kɛto wúnɛ ɓe Krist Yesus mɛ saŋgwate.

GALASI 5:13

Wunɛ njɔŋ, Njambiyɛ jeɓama wunɛ yí soŋɛ kɛ ɗiyɔ bala kwa̧ joŋna nɛ tɛ. Ndi nde, nda yi wunɛ sima ɗuwɛ kɛ ɗiyɔ bala ɗete kɛ́, wunɛ tî njaki nje lɛpɔ nde, wunɛ yakama kelɔ ɓeya mɛyasi ndana lalɛ nda yi temɔ yun gɔrɛ kɛ́ na. Yasi wɛtɛ, wunɛ ɗîy ɓebala ɓe ɓɛsɔ kamna tandɛ yun nɛ temɔ te yi mɛkwaɗya.

GALASI 5:6

Yo nde, ŋgɛ mumɔ ɓɛ saŋgwate ɓenɛ Krist Yesus, ko ɓo pɛ̂si nyɛ ko ɓo ti pɛsɛ nyɛ, yite yeti kɛ kamɛ yiŋa yaŋa na. Ma yasi te yi kamɛ mumɔ, yo tikina temɔ te yi nyɛ tikɛ kɛ yi Krist Yesus kɛ́. Tikina temɔ te ɓɛ́ŋnaŋgwɛ kɛ mɛkele mɛte yi wusɛ kelɛ wulɛ kɛ mɛkwaɗya mɛte yi wusɛ nɔ kɛ́.

EFƐS 5:26

A kelma ɗete, nɛ́ ɓo wokuna ndi nɛ nyɛ nyɛpɔ. Yite a paŋma pa pupuɗye ɓo nɛ mɔrɔku nɛ̀ mɛlɛpi mɛnɛ sendi.

Mɛkana mɛte yi Pol kɛtima kɛnjɛ Tit 2:14

A nya yotu nɛ nɛ ŋguru wenɛ kɛto su yí kolɔ nɛ wusɛ kɛ ɓeya mɛkele hɛnɛ. A kelma sendi ɗete yí pupuɗye nɛ wusɛ, nɛ́ wusɛ ɓɛ ndiŋgɛlɛ kandɔ te yi wokuna ndi nɛ nyɛ nyɛpɔ, nɛ́ wusɛ nyɛ sosu yí kelɔ kimɔ mɛkele.

ƁEHEBERE 9:14

Ma ŋgɛ ɓɛ nde, mɛkiyɔ mɛ ɓenyamɔ nɛ̀ su te yite ɓa̧ nɛ ɗeti te yi kelɔ ɗete ’suŋgwa nɛ mɛkiyɔ mɛ Krist? ’Yenɛ kina kél kwa̧ yite na? Nɛ ɗeti te yi Kimɔ Sisiŋ te ɛ ɗiyɛ kpo nɛ kpo kɔ, Krist mɔ te ɛ kinɛ mbulma mɛɓeyɔ kɔ nya yotu nɛ nɛ sadaka nyɛ Njambiyɛ. Mɛkiyɔ mɛnɛ ta pupuɗye mɛtemɔ musu gbate soŋɛ kɛ mɛkele mɛte yi kɛ̀ nɛ mumɔ kɛ nje sɔŋ, nɛ́ wusɛ kel mɛsay nyɛ Njambiyɛ te ɛ nɛ joŋ kɔ.

1 PIYƐR 3:21

Njambiyɛ joŋgwa ɓotu ɓenɔri nɛ nje mɔrɔku. Yo téɗya tɔpuna ɓomɔ kɛ mɔrɔku te yi ɓo tɔpɛ wunɛ kɛ́. Yo yite kɛ joŋgwɛ wunɛ ndana. Ma yo yeti yi gbɛla weyna mɛmi soŋɛ kɛ yotu na. Yasi wɛtɛ, yo yi diyna Njambiyɛ nde, a pûpuɗya mɛtemɔ musu, nɛ́ yo ɓɛ nɛ tɛ kinɛ yaŋa te yi yakama njaŋgwɛ wusɛ na. A jóŋgwɛ wusɛ ɗete, kɛto Yesus Krist womiya kɛ njoka ɓemuŋ.

1 JAŊ 1:7

Ma yasi wɛtɛ, ŋgɛ wusɛ nje joŋna kɛ mɔy mɛjasi nda yi Njambiyɛ nɛ ŋguru wenɛ kɛ mɔy mɛjasi kɛ́, yite wusɛ saŋgwate tandɛ su, ɔ ɓɛ́ŋa, mɛkiyɔ mɛ Mɔnɔ wenɛ Yesus ma pupuɗye wusɛ soŋɛ mɛɓeyɔ hɛnɛ te yi wusɛ kelma kɛ́.

PUNJA MƐYASI 3:17

Ma wɛ nɛ ŋguru kɛ lɛpɔ nde, wɛ mɔ kusuku, wɛ ma ndɛmɔ kusuku yaka. ’Wɛ kɛ lɛpɔ sendi nde, wɛ ta sa̧ sendi ŋge? Ndi nde, wɛ yeti kɛ duwɛ nde, wɛ nɛ ŋgwɛtɛ, wɛ kɛ mɔy jarapa, wɛ kɛ bukɔ, misi mɔ ɗiɓinate, sendi, wɛ sɔkɛrɛ na.