1 PIYƐR 4:1 - Kako

¹ Ma ɗete, nda yi *Krist saŋgwama nɛ mɛbɔnɛ kɛ yotu nɛ kɛ́, wunɛ sendi, wunɛ ɓɛ̂ki nɛ kiya mɛtakɛ mɛte yite. Kɛto ŋgɛ mumɔ si saŋgwa nɛ mɛbɔnɛ ɗete, yenɛ siyma ɓenɛ kelna mɛɓeyɔ.

1 PIYƐR 4:1 Iomraidhean Croise

MARK 3:3

Ɛ Yesus lɛpɛ nyɛ mbam te yi ɓɔ nɛ ma jɛmɛ ɓɛ nɛ fɛŋgɛlɛŋ kɔ nde: «Tɛma womɛri kɛ ɓembe ɓomɔ.»

Mɛkana mɛte yi Pol kɛtima kɛnjɛ ɓotu ɓe Rom 6:11

Ɗete, wunɛ sendi, wunɛ ɓôŋ mɛyotu mun nda wunɛ sima gwe ɗuwɛ kɛ ɗeti te yi mɛɓeyɔ ɓa̧ nɔ kwey kɛ́. Ma ndana, wunɛ ɓôŋ mɛyotu mun nde, wunɛ nɛ joŋ yí lukse Njambiyɛ, kɛto wúnɛ ɓe Krist Yesus mɛ saŋgwate.

Mɛkana mɛte yi Pol kɛtima kɛnjɛ ɓotu ɓe Rom 6:2

Ko mbɛt na. Wusɛ sima gwe ɗuwɛ kɛ ɗeti te yi mɛɓeyɔ ɓa̧ nɔ kwey kɛ́. ’Ma hɛ ta nje yɔkwɛ joŋna nɛ kɔkɔ kɛ mɔy mɛɓeyɔ kɛto ŋge?

Mɛkana mɛte yi Pol kɛtima kɛnjɛ ɓotu ɓe Rom 6:7

Kɛto ŋgɛ mumɔ si gwe, ɓenɛ mɛɓeyɔ yeti se nɛ yaŋa na.

GALASI 2:20

Mi nɛ joŋ, ma yeti se mi nɛ ŋguru wombɛ ɓɛ nɛ joŋ na, yo Krist ɓɛ nɛ joŋ kɛ yotu mbɛ. Mi kɛ joŋna ndana kɛ mɛnɛti, yasi wɛtɛ, mi jóŋnaŋgwɛ ɗete nɛ nje tikina temɔ kɛ yi Mɔnɔ Njambiyɛ. A kwaɗya mi, nyɛ yotu nɛ nɛ ŋguru wenɛ gwe kɛto mbɛ.

GALASI 5:24

Ɓotu ɓete ɓe wokuna nɛ Krist Yesus ɓaka sima ŋgba mɛyotu man kɛ kroa kɛ nje nyɛna temɔ kɛ mɛyasi nɛ̀ kɛ nje ɓeya mɛwoɓɔ.

EFƐS 6:13

Ma nda yo ɗete kɛ́, wunɛ ɓîya mɛjɔlɛ mɛ ɗyambi hɛnɛ te yi Njambiyɛ nyɛ wunɛ kɛ́ jeliyɛ, nɛ́ wunɛ ɓɛ nɛ ɗeti te yi sumɔ kol komɛ ɓeya yesɔ ta ɗya̧ kɛ́. Ɗete, wunɛ ta kɛ̀ mbɔmbu ɗiyɔ nɛ ŋgbiŋgim komɛ wunɛ ta laŋsa kumɔ njena kɛ́.

FILIPI 2:5

Wunɛ jôŋnaŋgwɛ tandɛ yun ɓeŋgwɛ mɛtakɛ mɛte yi Krist Yesus ɓa̧ nɔ kɛ́. Yo nde:

ƁEHEBERE 12:3

Wunɛ tâka nyɛ. Wunɛ tâka nda yi ɓotu ɓe mɛɓeyɔ ɓenma nɛ nyɛ, nyɛ ɓɔ kɛ ɗitɛ kɛ́. Wunɛ tâka yo, kambɔ wunɛ mɛ nje tɛkɔ, kambɔ temɔ yun mɛ nje yɔkwɛ kɛ̀ njimɛ.

ƁEHEBERE 4:10

Mɔ te ɛ nyiŋma kɛ mbɛy mɛwɛɗya mɛ Njambiyɛ kɔ kɛ wɛɗya kɛ mɛsay mɛnɛ hɛnɛ nda yi Njambiyɛ wɛɗyama nɔ kɛ kɔŋ mɛsay mɛte yenɛ kɛ́.

1 PIYƐR 2:21

kɛto Njambiyɛ jeɓama wunɛ, nɛ́ wunɛ kel gba ɗete, kɛto *Krist nɛ ŋguru wenɛ saŋgwama sendi nɛ mɛbɔnɛ ɗete kɛto yun. A kelma ɗete, yí teɗye wunɛ, nɛ́ wunɛ kel sendi nda nyɛ yí ɓeŋgwɛ nje te yi nyɛ kwaŋma kɛte kɛ́.

1 PIYƐR 3:18

Yo nde, *Krist nɛ ŋguru wenɛ gwa̧ ndi ŋga wɛtɛ, kɛto mɛɓeyɔ mɛ ɓomɔ. Nyɛ ŋgbeŋ mumɔ gwa̧ kɛto ɓotu ɓete ɓe kelɛ yasi kɔtute ɓaka, na ŋgbɔsu wusɛ kɛ̀ nɔ kɛ yi Njambiyɛ. Ɓo woma nyɛ ndi kɛ pay te yi mɛmbundɔ. Yasi wɛtɛ, Njambiyɛ kelma nde, a ɓɛ̂ki nɛ joŋ kɛ pay te yi Sisiŋ.