Biblia Todo Logo
Bìoball air-loidhne

- Sanasan -




Nehemia 1:3 - Khoekhoegowab Elobmîs 2020

3 O gu ge ǁîga ge mîba te, ǁnān ûiǃgau tsî ge ǃhūb ân ǃoa oaǀkhīn, kai ǀkhomǀkhomsasib tsî ǃharaxūb ǃnâ hâ, tsîb Jerusalems ǂnubiǂgoaba khôaǁnâhe tsî dao-amdi âsa khauǃkhūhe hâsa.

Faic an caibideil Dèan lethbhreac

Khoekhoegowab 2020

3 O gu ge ǁîga ge mîba te, ǁnān ûiǃgau tsî ge ǃhūb ân ǃoa oaǀkhīn, kai ǀkhomǀkhomsasib tsî ǃharaxūb ǃnâ hâ, tsîb Jerusalems ǂnubiǂgoaba khôaǁnâhe tsî dao-amdi âsa khauǃkhūhe hâsa.

Faic an caibideil Dèan lethbhreac




Nehemia 1:3
33 Iomraidhean Croise  

o ta ge tita Israeli khoena ǁîna ta ge mā ǃhūba xu nî ǁgariǂui. Tsî ta ge nē Tempeli, ǁîb ǃnâ ta nî ǀgoreǀîhese ta ge khaiba nî ǁnāxū. Tita ge Israela ǃhōxūse tsî ǂkhoaxūse ǁaedi ǃnâ nî dī.


tsî gu ge Xaldeaǁî toroǃkhamaoga ǃās ǂnamipe hâ ǂnubiǂgoaba ge khôaǁnâ.


ǁÎb ge Tempeli tsî ǃās di gao-omgu tsî ǁîgu ǃnâ ge hâ i ǃkhūsib tsîn hoana khauǃkhū tsî Jerusalems ǂnubiǂgoaba ge khôaǁnâ.


ǂGui ǃkhōsaben ge Babiloniab ǀkhariba xu Jerusalems tsî Judab tsîra ǁga ge oa, mâ-i hoa-e ǁî-i di ǃāsa ǃoa. ǁÎn di ǀaokhoen ge gao-aob Nebukadnesari xan ge ǃkhōsabese Babiloniab ǁga ǃgû-ūhesa xu ǁnāpa ge hâ i.


“Gao-aotsa ge ge ra ǂanǂan, Judab di ǃhūǃâs ǁga ge ge ǃgû hâ i ǃkhaisa. Tsî ge ge ǁnāpa kai Elob di Tempeli, kai ǀuidi ǀkha ra ǂnubikhâihe tsî gu ǃnaoga ǂnubiǂgoagu ǃnâ ra ǁguihe ǃkhaisa ge mû. Nē sîsenni ge kai ǃûiǃgâs ǀkha ra dīhe tsî ǃgâise ra aiǃgû.


Judab di ǃādi ǃnân ge nau Israelǁîn, pristergu, Leviǁîgu, Tempelǃoaba-aogu tsî Salomob ǃgāgu di ôananôagub tsîna, mâ-i hoa-e ǁî-i ǃkhais ai, ǁîn di ǃādi ǃnâ ge ǁan. Nē ra saogu ge Judab ǀkharib di ǂgaeǂgui-aogu Jerusalems ǃnâ ge ǁan ga:


ǁNā tsuxub ǃnâ ta ge ǃGoaǃnāb Dao-ams huriǂoasǀkhāb ai ǂnôas ǃnâ-u ǃāsa xu ǂoa tsî ǀGiriguǀausa-u ǃkharu tsî ǀapob ǀgūse ǂnôa dao-ams tawa ge sī. Tsî ta ge ǁnāti ta ǃgûgaruse khôa hâ ǂnubiǂgoagu ǃās digu tsî dao-amdi khauǃkhūhe hâdi tsîna gere kōma.


Xawe ta ge nēsi ǁîna go mîba: “Kō re mâti ī ǃgommi ǃnâ da hâsa, Jerusalems khôaǂkhūhe hâ tsî dao-amdi âs khauǃkhūhe hâ xui-ao. Hā, î da Jerusalems ǂnubiǂgoaba omkhâi tsî ǁnās ǀkha sada ǃharaxūba ǀamǀam.”


tsî ge ǃeream: “Ab gao-aoba ǀamose ûi re. Mâtis kha ti aisa ǃkhobosase ī tide, ti aboxagu ǁîs tawa ǁkhōhe hâ ǃās khôaǂkhūhe hâ tsî di dao-amdi âsa khauǃkhūhe hâ hîa?”


ǂGui ǃkhōsaben ge Babiloniaba xu Jerusalems tsî Judab tsîra ǃoa ge oa, mâ-i hoa-e ǁî-i ǃās ǁga. ǁÎn ge gao-aob Nebukadnesari xan ge Babiloniab ǃoa ǃkhōsabese ǃgû-ūhe ǁaeba xu ǁnāpa ge hâ i.


Sao ra xūn ge gao-aob Ahasverosi ge ǀguikaidisi tsî ǀgamdisihûǀa ǀkhariga Indiaba xu Etiopiab kōse, ǁîb di gao-aosi trons Persiab danaǃās Susas ǃnâ hâsa xu gere ǂgaeǂgui ǁaeb ǃnâ ge ī.


ǁAnǂnami da hâ ǁaedi di ǃharaxūxū kai da ge ge; ǁnān sida ǂnamipe hân di ǃhō tsî ǃkhāǃkhāxūse da ge ge ī.


ǁÎ-i ǁaiba ǁkhae ǁoa khoe-i ge khôaǁnâhe tsî ǂnubiǂgoaga ūhâ tama ǃās khami ī.


ǁNā-amaga ta ge sadu gaoǀgôaga ǀuriǀuri tsî Jakoba hîkākāheb nîse ge māǁnâ tsî Israela khoesisa ǀhanas ǃoa ra taotao.”


“Nēsi ta ge tare-e ta ti draibeǃhanab ǀkha nî dī ǃkhaisa nî mîba du. ǁÎb ǂnamipe hâ ǁkhū-omǂnamiba ta ge nî ūbē, tsîb ge nî hapuhe; ǁîb ǂnubiǂgoaba ta ge nî khôaǁnâ tsîb ge ǁîba nî dāǃgâhe.


Tita ge ǁîna ǃaoǃaosa xūse nî dī, hoaraga gaosigu ǃhūbaib digu ǃoagu ǃharaxūxūse, ǂkhoamîs ase, ǃhōmîs ase tsî ǀâxares ase, hoaraga ǃkhain ǁîn ai ta ǁîna nî saurun tawa.


Tsî tita ge ǁîna nîra sauruǃgon gôab ǀkha tsî ǃâtsūǀkhāb ǀkha tsî ǂhīǁōb ǀkha. Tsî ta ge ǁîna gaosidi hoade ǃhuriǃhurixūse nîra māǁnâ tsî ǀâxarese tsî burugâse tsî ǃhōxūse tsî ǃharaxūxūse ǁnā ǁaedi, ǁîdi ǃoa ta ǁîna nî doeǁgasīdi hoadi ǁaegu.


Xaldeaǁîn ge gao-ommi tsî khoen di omdi tsîna khauǃkhū tsî Jerusalems di ǂnubiǂgoaga ge khôaǁnâ.


“Nētib ge ǃKhūb, Hoaǀgaixab Israeli di Eloba ra mî: ‘Ti ǁaib tsî ti ǀkhaob ge Jerusalems di ǁanǂgāsaben ai ǁhōǂuihe, khamib ge ti ǀkhaoba sadu ai nî ǁhōǂuihe, Egipteb ǃoa du ga ǃgûo. Sadu ge ǀâxarexūse tsî ǀâxarexūxūse tsî ǃhuriǃhurisaxūse tsî ǃhōxūse nî ī, tsî du ge nē ǃāsa ǁkhawa mû tide.’ ”


ǃGûǃapa re ti draibeǃhanab ǁaegu, î ǁhāǂui, xawe tā hoaragase hîkākā. ǁNâugu âsa ǂgaeǁnâ re, ǃKhūb di tama gu hâ xuige.


tsî gu ge Xaldeaǁî toroǃkhamaoga ǃās ǂnamipe hâ ǂnubiǂgoaba ge khôaǁnâ.


Nē tsēdi ǁîs ǁgâiǀāb didi ǃnâs ge Jerusalemsa hoaraga ǃgâi xūn aiǃâs ge ūhâ ina ra ǂâihō Khoen âs ge khākhoeb ǃomǁaen ge ǁnā, o ge hui-ao-e ge ūhâ tama hâ i, ǁîs di khākhoen ǁîsa ra dann ge ǁnās âs ǂama ra âi.


Dao-amdi âs ge ǃhūb ǃnâ ǁgoe, ǃnau-amǀurigu ge ǃâdi ǃnâ ǁgoe. Gao-aob tsî gaoǀgôan âs ge ǃhao ǃhūgu ǃnâ a ǃkhōsabe. Pristergu âs ge ǁkhāǁkhā tama hâ tsî kēbo-aogu on ge ǃaruǀî ǂhaiǂhaide ǃKhūba xu hō tama hâ.


“ǃKhūtse sats ge ǃharaxūs âna ge ǁnâu, hoaraga ǀapedi tita ǃoagun ūhâde.


ǃKhūtse ǂâi re sida ǀkha ge īn xa, kō, î mû re sida ǃharaxūba.


ǀkha ta ge sadu ǃādi tsî ǀgoreǀîǃkhaigu tsîna hîkākā tsî sadu ǁguibade ǃkhōǃoa tide.


Toroba ta ge sadu ǂama nî hā-ū tsî sado ǃhao ǃhūgu ǃnâ nî ǀgaruǀgaru. Sadu ǃhūb ge nî ǃū-aisa tsî sadu ǃāde hîkākāhe hâse hâ.


Lean sinn:

Sanasan


Sanasan